兩姊妹涼皮有限公司 (柏樹街) (已搬遷) 新店位置

店舖位置頗偏僻，要用心找才見到，店內沒有坐位，一是站立食或外賣帶走，而我選擇外賣回公司。招牌涼皮，另加$11牛𦟌一邊食一邊喊辣，雖然只是叫了微辣，但自己已經受不了，絕對是正宗的重慶辣湯底，完全不敢喝湯。配料是加重量的芫茜，所以會食到一陣芫茜味，涼皮非常嫩滑，而且易斷，牛𦟌有四塊，厚薄適中，但略嫌不夠入味，喜歡吃辣的朋友就絕對不能錯過，但我試一次已經足夠，實在應付不了，中途喝了幾次水才捱得住辣，吃完整個口和舌都已經麻痹了！

今次試左兩款小食，都非常吸引。第一款就係熱食既酸辣粉，以前食既酸辣粉一係就好酸，一係就太辣，呢款就岩岩好。揀左火雞腎同牛柏葉做配菜，火雞腎夠入味，唔會煮得太老，牛柏葉就正常水平。第二款就係凍食既招牌涼皮，雖然話凍食，但其實又辣辣地，好過癮，味道麻香而辣。揀左木耳，碗豆同牛展做配菜，全部都幾夾涼皮既質感。小辣都已經夠辣度，唔會太搶。五六款野食都好吸引，大份量又唔係，但岩岩好，訴款小食下次試下。求其嗌野食都辣得過癮。最後發現有得嗌外賣，下次會再幫襯。

依家出街食野，儘量都會光顧良心小店，支持一下真正愛香港既香港人。第一次食，當然試下招牌涼皮。好似車仔麵咁，揀自己想食既配料同辣度。我揀左木耳同豆筋棍。涼皮涼浸浸，好滑，厚道適中唔太韌又唔太淋，好彈牙。👍🏻 調味唔會太鹹，芫荽再加埋d芝麻令味道更香、青瓜絲令口感提升。值得一試！ 餐廳比較狹窄，入到去有一張high table俾人立食， 逼逼地既可以企到10個人，但係食既期間不停有出出人入黎買野食，門口同檯既距離又好近，所以如果企近門口個邊可能會有d煩，要成日讓路俾人行。對我黎講，只要食物好味，服務態度好已經好足夠。希望越來越多人會支持良心小店。下次黎再試下個冰粉先。

❄️：招牌涼皮涼皮初體驗 涼皮用木薯粉做 外貌似紅薯粉呈半透明至奶白色 但比較散碎同軟身 無紅薯粉嗰種煙韌同埋一注注連住食嗰種過癮叫左小辣但完全唔夠辣呀 配少量青瓜絲 大量莞茜 唔加餸感覺有啲齋😭🍜：重慶涼麵 加豆筋棍&牛柏葉相比涼皮 我更鐘意涼麵有咬口嘅麵質 同埋較入味 配料其實同涼瓜大同小異 呢碗我地加左本身吸汁嘅牛柏葉 同埋聽都未聽過嘅豆筋棍 係豆製品黎 個樣似大蔥切開一段段咁 食落有啲硬亦欠缺豆味 未食過唔食都無咩可惜~🐔：口水雞1份 ($40)口水雞份量算合理 一份入面有隻雞翼 舊舊雞都有骨非啖啖肉類型 辣味單一 食唔到口味雞多料辛香料交織嗰種川味 亦無麻辣味道 佐料只有芝麻同大量莞茜蔥 整體一般般🥒：拍青瓜伴木耳清新開胃 以蒜及醋味做主導 無辣 木耳比例較少得幾塊 但算爽口 青瓜粒處理得ok唔會有苦味~📝之前睇到好多人推介 所以賣甩👦🏻去嚐辣 但好似抱得太大期望 無想像中咁好食 同埋鋪面好細只得一張細長檯 可容納10人左右圍住立食總括黎講 食品確實無驚艷到要慕名而來 而堂食要係門外排隊等一段時間(都幾多人食) 用餐要企係到食 同埋偷睇到廚房一位職員嘅無帶手套放食材入碗🙈但都欣

見到FB介紹哩間兩姊妹涼皮有限公司，今天走到太子，喺柏樹街同基隆街交界搵到呢間餐廳，店舖比想像中更細，密密麻麻都坐到11個人😅點咗招牌涼皮拼牛肚、淨涼皮同口水雞，招牌涼皮好食，比其他食店嘅涼皮厚身，但更爽更滑👍🏻， 重慶麻辣味道適中，當中加了點青瓜絲，越食越好味😋。滷水牛肚入味，但唔算特別😆。口水雞惹味，辣道適中引出口水雞嘅鮮味，成隻雞脾仲有幾舊雞胸肉墊喺下面👍🏻店舖雖小，但店主身手靈活，經常帶着笑容，落單出菜迅速，值得一讚👍🏻