潮式腸粉 (已結業)

雖然經常經過此地，但一路都唔留意原來呢度有間潮州野。鋪頭細細容納到至少十餘枱，最正係有部電視仔影住鋪頭外街邊位置，各位車友心照啦。招牌炒粿汁，睇落唔多但其實份量十足，粿汁好似中式寬條麵，口感煙韌，醬油炒得入味又有鑊氣，加埋芽菜同魚鬆層次豐富，極力推薦俾大家。煎蠔餅味道唔錯，而且真係一粒粒蠔仔一夾就有，唔洗大家好似考古學家咁搵佢係邊。不過略嫌粉太多，影響整體感覺。大地魚炒芥蘭鑊氣十足，炒得靚，配埋大地魚碎，鹹香味鮮。醉雞同平時食到有d分別，平時係冷盤而呢度係熱食。酒香同藥材味撲鼻，不過食落雞肉唔入味，而且有少少苦澀。本來並無打算叫乒乓球豬肉筋丸，見隔離叫，個名又禁得意，一於叫黎食（孤獨的美食家上身）。圖中所見，真係有乒乓波禁大粒，有過之而無不及，一啖咬開有少許湯汁溢出，而且非常彈牙，豬肉味香而不腥，又係誠意推介。

潮式腸粉依間係屋企開左幾年,但一直冇太大意慾去試,今日男朋友就帶左我試下佢既特色野,一入到去彷彿過左關左番深圳甘,舖頭主色調係黃綠色,大約有六張枱左右,成間不太大,牆身貼左好多特色推介餐牌亦都有好多唔同既潮洲野食,大部分都係對我好陌生既字,因為我實在太少食依類型既食物la,今日我地就叫三款小試牛刀下-招牌炒粿汁$58,潮式腸粉$38同潮式蝦棗湯$63食物到!潮式蝦棗湯好正,原來係紫菜湯底,紫菜冇沙,個湯好鮮,蝦棗大約十三-十四粒,口感好彈,會食到有一隻隻蝦,-依個D粒係闊身既,食落QQ,但比較油,配佢地既自家醬汁,超正!潮式腸粉-我比較接受唔到,口感怪怪的,入面有西生菜、蛋、蝦米仔,塊皮比較軟身平均來說味道都幾特別,都有驚喜

古語有云：「唔怕生壞命，至怕改壞名」。我其實已經知道這小店存在了好一段時間，行經過她的門口亦不少於過百次，但始終都沒有想去光顧的衝動。正正因為店名給我第一印象只是一間主打潮式腸粉，獨孤一味的餐廳。但原來還有更多比潮式腸粉好吃的美食。潮式鮮蠔仔豆腐湯 － ＄58不算是大粒但鮮味的蠔仔，加上香滑豆腐，豬肉碎及土魷令到湯裡充滿獨特的潮式鮮味。十分喜歡廚師利用土魷提升湯中海洋的感覺和同一時間增加口感。一絕！招牌炒粿汁 － ＄50通常在一般餐廳吃到的只有粿條，但這裡更可以吃到粿汁。粿汁是米漿加上番薯粉，切成較粗的麵條。入口煙軔獨特。不太油膩，火候十足。上佳水準之作！潮式醉香雞 － ＄55紹興酒混入陣陣的藥材香氣，完完全全滲進鮮雞當中。若不喜歡滋補藥膳的朋友未必會欣賞。另外雞件略不夠鮮嫩。潮式椒鹽墨魚丸 － ＄48彈牙非常的墨魚丸被炸至金黃色。椒鹽在旁只恰到好處地做好配角，微微帶出墨魚丸的鮮味，沒有搶去菜式主角的位置。難得於這提供如此高水準的食物小店中，我看到的是一份平實和廉宜的價錢。只希望社會可以支持這些出色的良心小店，讓她們可以繼續生存下去。