Mee...lemongrass (ac四期) (已結業)

今次去香港島玩，特登黎到香港仔附近睇日落，順手黎到呢間係香港仔嘅海南雞專門店（九龍灣同其他地方都有分店），我哋叫咗個2個主菜（每個around $80左右），一碟小菜同兩杯嘢飲😋大蝦炒金邊粉（$78）呢個金邊粉炒得好香😍配料好足！😋有兩隻大蝦，小小辣椒粉，花生碎，蔥等等，醬汁好好味，食落唔會覺得乾口😛如果唔想辣可以唔將d辣椒粉撈埋，自己可以揀～招牌無骨海南雞飯（$82）不愧為招牌菜，一上菜見到成個餐盤滿滿嘅主菜+伴菜🥰有無骨海南雞，油飯，兩碟source，一碟菜心，一碗青紅蘿蔔湯，花生同埋當然不可或缺嘅酸蘿蔔😋d海南雞好滑，而且真系全程無骨（連軟骨之類都無），絕對對得住招牌菜呢個名號！蒜蓉炒通菜（$68）呢個可以揀馬拉盞，但因為我地怕辣所以揀蒜蓉🤣一出菜已經飄起一陣蒜香👍🏻通菜非常爽脆，味道亦非常夠。十勝紅豆抹茶（$32）紅豆係底，抹茶係上面，好香濃嘅抹茶味🥳紅豆蓉都好香，因為我係叫少甜，所以基本上抹茶係無甜味，但紅豆蓉自帶嘅甜味啱啱好carry到成杯嘢！伯爵珍珠奶茶（$25）同出面嘅台式奶茶差唔多，唯一唔同嘅係呢度嘅珍珠算係比較煙紉嘅果種，食落去幾有咬口🤣

友聚飯局，又要頭痛食咩好之際，突然諗起好耐冇食星馬泰菜 ～ 好！立即行動！店舖藏身於商場內，位置方便就腳。座位舒適👍菜單款式多樣化，應有盡有。但係對於有選擇困難症嘅我，係一大挑戰！泰式奶茶 ～ 茶味香濃，特意要求少甜少冰🧊，對我嚟講啱啱好😁招牌無骨海南雞飯 ～ 雞件啖啖肉，皮爽肉嫩，配菜酸蘿蔔絲、脆脆花生粒都比我一掃光，雞湯內含甘筍粒，夠晒甜。雞油飯香而不漏，不知不覺中輕易清碟⋯豬扒經過處理夠晒入味，厚切夠質感！無骨酸辣鳳爪沙律 ～一上枱見到咁大盤仲以為多為配菜，但係竟然八成都係鳳爪，好誇張。隻隻腳指都好好食，唔會過辣，味道啱啱好🤤香芒椰汁糯米飯 ～ 賣相精緻，芒果香甜，跟椰汁糯米飯簡直絕配，幾飽都要食！

-1️⃣Lobster Laksa HKD$84原價HKD$168既Lobster Laksa 而家半價優惠84食龍蝦 平到爆龍蝦勁大隻，仲大隻過碗一黎到嚇一嚇 心諗會唔會大隻左小小...肉質鮮甜爽口彈牙 配埋laksa味道一流laksa勁鮮甜惹味好重椰香麵條係油麵同米粉兩溝個人中意油麵多D 油麵同喇沙湯好夾米粉夾喇沙會有小小食完就無既感覺但油麵就好滿足 麵條索曬喇沙湯豆卜更加吸曬D精華好想飲哂成碗.2️⃣招牌無骨海南雞飯HKD$74無骨海南雞肉質嫩滑可口雞皮金黃色又有光澤兩種醬汁一甜一酸 勁野味仲有油飯、鮮甜冬瓜湯同爽口既油菜成個套餐好吸引.3️⃣馬來蜜汁炭燒厚切豬扒HKD$72一上檯見到豬扒分量勁多炭燒勁香口 豬扒嫩滑又有咬口配上辣汁好野咪.———————————————唔貴又好食

經過香港仔有呢間Mee...lemongrass，就醒起之前係cwb都見過呢間餐廳，今次終於有機會試下啦。餐廳主打東南亞食物，價格親民，食物水準甚高，色香味俱全。餐廳裝修簡單，燈光通明，環境舒服。招牌無骨海南雞飯 ($64)海南雞好足料，去哂骨，肉質嫩滑，雞皮金黃有光澤，用酸汁配合，加上香噴噴的油飯，絶配！套餐配埋雞湯同埋油菜，雞湯鮮甜，油菜爽口，呢個套餐健康又抵食。香葉蝦仁米紙卷 ($62)薄薄的米紙包著生菜、粉絲、青瓜、蝦仁、甘筍絲、炸蒜乾、一粒辣椒，再沾上酸辣汁，酸酸甜甜加點辣，好開胃！Mee...喇沙、大蝦、蜆肉、蟹柳、雞蛋、魚蛋、豆腐卜、魷魚 ($84)大量鮮甜海鮮配料，好足料，湯底惹味，好重椰香味且無腥味，味道香濃。麵條用面同米粉兩溝，一粗一幼，好有口感。麵條索曬香濃喇沙湯， 豆卜吸曬個喇沙既精華，每一口咬落去都充滿濃郁的香料椰奶味，食完一啖接一啖。

今日黎左香港仔同朋友食飯，有位叔叔好落力派傳單，見到lunch set 幾抵食，就上左去😊Lunch time 都幾多人排隊，好彩等左一陣就有得入 環境都幾寬敞 坐得幾舒服Lunch set 都幾多款式選擇我地叫左招牌無骨海南雞飯、秘製肉骨茶配飯招牌無骨海南雞飯 $72成個set 仲有菜心、中湯、螺肉、甜品雞肉好嫩滑，重點係無骨食落好方便呀！🤤秘製肉骨茶配飯 $68以木桶裝住既肉骨茶，有濃濃既藥材味，而且胡椒味唔太重👍🏻湯料又好足，有排骨、冬菇等 全部料都好入味😋+$12 炭燒烏龍奶蓋香濃既烏龍茶唔會太燶，但芝士味就唔太重淡淡地，不過都唔錯！+$28 香芒椰汁糯米飯外形好似壽司咁，可以一啖食落去，但芒果就有d酸😢

誤打誤撞嚟咗香港仔中心搵食，見到呢間餐廳新開張無耐，就「貢」咗入去食lunch。門口post張有啲新開張嘅優惠，好飲似幾抵咁，不過今次第一次嚟呢間餐廳食，我同友人都係普普通通咁叫lunch set算。我揀嘅係軟殼蟹撈檬粉 $64，跟餐仲有沙律、甜品同飲品，飲品我加咗$12轉飲芝士黑糖珍珠鮮奶 (呢啲特飲係門口嘅飲品店「里的茶」沖製嘅，十幾蚊加配都算抵👍🏻)友人叫嘅係招牌無骨海南雞飯 $72，跟餐仲多我一個餐湯𠻹！飲品方面，佢就加咗$18轉飲西柚凍頂烏龍茶。飲品同食物好快就送到嚟，沙律係中華沙律，我叫嘅檬粉份量勁多，連隔離枱嘅姨姨都驚嘆😂，軟殼蟹好香口，又脆，為個檬粉增加咗好多口感👍🏻 檬粉勁多，啱哂我呢啲狂撈汁食嘅人，食得好滿足！食飽後再食件甜品☺️ 飲品嘅芝士咸香好正，配埋黑糖珍珠鮮奶我都係第一次試，又咸又甜咁好過癮😳友人叫嘅海南雞飯都好出色，我偷食咗啲，雞肉好嫩，我無點到醬都已經好好食，同埋無骨真係好方便。油飯夠香，簡簡單單已經好美味☺️ 佢嘅飲品西柚凍頂烏龍茶亦都好飲，西柚酸酸哋，配埋清新嘅烏龍茶，又健康，又解膩，食完飯飲超爽👍🏻