Mee...lemongrass (ac四期) (已結業)

招牌名菜：去骨海雞飯，肉嫰汁濃，儼如新鲜雞一般的口感，配上香滑米飯，大快朵頤，值得推介！軟殼蟹米紙卷主角蟹肉咬落啖啖肉，配上沙律菜質感清新可口，食完胃口大開，很想繼續努力！Mee喇沙鴛鴦麵條配鱿魚鮮蝦感受到清風送爽，彷彿置身於南洋泳灘！淋上湯料吃起來很rich！冰咖啡够水準！冰奶茶就各花入各眼！！總的來說，這餐很滿足！！

勁離譜！中午去堂食，間嘢其實無乜人。叫咗炭燒豬扒喇沙，首先唔係咩炭燒豬扒，係炸豬扒，但一上台已經凍冰冰！！炸嘢凍冰冰，簡直超難食！好心上台前都翻一翻炸啦。到海南雞飯，啲菜又凍冰冰，碗飯又硬又凍、碗湯咸過海水！加咗$18兩串沙嗲雞肉，又係凍冰冰！唉，諗住是旦食飽就算，最多以後唔再去。跟餐叫咗杯西柚烏龍茶，堂食無飲攞返屋企，好彩我打開睇下，想食塊西柚，點知，兩塊西柚發晒霉！！嘩！飲死人呀！希望有管理層見到，管理下呢間餐廳！

禁晚市堂食前的最後一餐之前都有試過呢間嘅lunch ，印象中係麻麻地，同埋都偏貴。琴晚就試下呢間嘅晚市。舖頭地方都大，客人唔多，都坐得舒服。自己scan QR code落單，等左唔算耐，啲野食都到。我自己就唔太肚餓，所以就叫左個芒果糯米飯try try。芒果ok，幾甜。糯米飯都正常。椰汁個texture有啲奇怪，但影響唔大。食到第3舊已經很飽，我唔記得左糯米飯係飽肚嘅😅😅另外叫多左個炸蝦餅，好似八十幾蚊有八塊蝦餅都幾抵炸得幾鬆脆，有蝦味。無骨海南雞飯我就冇食，不過好似都唔錯。可能得兩個女仔食，個份量都偏多，我地都食唔晒啲食物😅最後食左2個鐘到，staff冇吹我地走，幾好。埋單好似$222，價錢都合理，有機會會再encore

通常因為外賣就會變咗第二個味 但係呢一間馬來西亞餐廳 堂食同外賣就唔爭好遠啦 不過買完都要快啲食 如果唔係近排天氣凍其實都會結成一舊舊😂今次外賣就買咗金邊粉 同埋印尼炒飯 👀配嘅蝦片 過咗一陣食都仲係好脆印尼炒飯如果再辣啲嘅話會再好食啲大蝦金邊粉個大蝦十分之彈牙 而且個味道啱啱好🥳唯一美中不足嘅就係 因為嗰日其實有啲趕時間 但係個外賣因為即整 所以就整咗20幾分鐘 等得就有啲耐 雖然都幾欣賞佢哋即叫即整 但係都希望啲手腳可以快啲🤣

一年後再來到這間餐廳，連下單的模式也改變了呢現在是直接QR Code下單～不過午市還是有Set Lunch！有印象這間的喇沙都幾好吃，所以這次都再選了這個～但配的餸就不一樣囉無骨海南雞喇沙 ($78) - 之前這樣的Set Lunch 會有前菜、甜品 & 飲品，現在只剩下飲品。選了 - 港式奶荼 ～好澀，應該要加奶 ... 但如果在味道方面來說，喇沙仍然是頗好吃的啊我這碗是"小辣" ～有少許辣和濃厚的椰香，米粉吸了湯十分惹味。無骨海南雞 ～ 可以選雞髀，不過就要加錢。或者選半胸半髀的話就不用特地加錢，雞肉很嫩滑；雞皮太肥美，這點不是太喜歡。

海鮮喇沙。湯底超淡。未試過喇沙淡到。海鮮無味，仲要84蚊。CP 值勁底。偏貴。不值一試。軟殼蟹米紙卷，蟹炸粉勁厚，蟹份量勁少。其他材料有牛油果，青椒，芒果。成個米紙卷比青椒搶哂味。差

一家四口食，叫咗杯熱奶茶，點知嚟到係唔熱嘅，係煙都冇果隻！跟住我request 個waiter幫我換杯熱啲嘅，但係換完之後都係一樣唔熱，我懷疑係同一杯。啲主菜上台嗰陣有成8成係唔熱，暖暖地嘅，好似攤凍咗先俾我哋。食咗一陣啲餸都已經凍晒，冇晒胃口。同埋唔知係唔係因為QR code 落 order，啲waiters 啲服務態度到唔太好，好似好hea咁聽完個request 就急急腳走人。啲野食唔係特別好食，奶茶都幾淡下，以後唔會再幫襯！失望！

同老婆仔仔姐姐 三大一細. 坐得舒適, 食物兩個 thumbs up 👍🏻👍🏻龍蝦喇沙超抵食 燒豬扒個泰式辣醬完全係我係泰國住果陣時記得嘅味道 (應該個廚房有泰國人). 金邊粉我係香港食過幾次 冇一次似我係泰國食嘅味道... 仲以為要返泰國玩先再有機會食到.. 正中金邊粉會有糖 花生碎 同辣粉係旁邊 甜酸味 perfect!!老婆唔食得辣 如果唔係個通菜一定要辣 但係蒜炒一樣咁好味.試下個Pattaya 炒飯 個肉真係同泰國食個味一樣!!!唔洗問 一點要點埋個沙爹串燒 🤤完全係我果杯茶 🥰 實會再幫襯 仲會成日黎

黎到Mee...發現原來呢間特別啲，有間專for外帶嘅開左係到。🔷宇治抹茶牛奶珍珠 💰27叫左杯最愛嘅抹茶，由於有珍珠所以要無糖，但飲落其實都幾甜，但佢個抹茶味係超濃超濃，濃得黎係好飲嘅抹茶。而珍珠又夠哂煙韌，好飲。

一Google龍蝦喇沙就會見到呢間馬來西亞越南泰國嘅混合餐廳，好似好抵食，就算係一隻都唔使$100碗，仲可以試到喇沙。入到餐廳見到隔離都係食緊，好香好大隻。作為隔離飯香嘅代表我都一定叫咗一隻啦。但係唔知點解個頭開咗一半中間會有啲蔥，同埋我嗰隻唔香，仲好鞋，好唔新鮮，甚至可以話從來未食過咁難食嘅龍蝦。不過佢嘅喇沙份量真係好大，可以兩個人食，不過分量大就會比較希⋯AddressssMee...lemongrass (香港仔)香港仔南寧街ac四期1樓15號舖

呢日放lunch叫左個喇沙黎食，外賣delivery好準時咁送到，滿滿嘅湯同料真係好滿足。🔷馬來蜜汁炭燒厚切豬扒喇沙炭燒豬扒好大塊，而且好淋，作為豬扒佢係完全唔韌同唔硬，仲有啲蔥同蒜系面。麵就有兩款mix埋一齊，分別係油麵同米粉。叻沙湯底非常惹味，其椰汁味非常明顯同埋香氣撲鼻，食落唔會太辣。🔷泰式奶茶跟餐配埋飲品，竟然有泰式奶茶而且唔使另外加錢，咁梗係飲下啦，奶味充足而茶底濃度，午市套餐都非常抵食。

話說靚媽想食泰國野，上網喺度搵，本身以為呢一間有得食個薄餅cone, 上網係甘搵之下，甘我地就決定入去香港仔食啦..點知.. 原來佢轉左menu, 無哂啦🥺難得一場黎度， 甘就試下好唔好食啦：飲品方面： You are my cup of tea（隔離鋪，要先俾錢，但我估佢哋係同一家人） : 買一送一！ 我揀左芒果芝士特飲🥭好芒果，好芝士，深得我歡心～小食方面：- 炸蝦餅、炸雞翼：好脆、好熱氣主食方面：- 印尼炒飯（正常）隻蛋係主角😆- 炒貴刁（可以再重味多少少）- 黑椒牛仔肉（好入味，睇下d椒，出哂黎！ 靚媽好鍾意）- 海南雞（雞肉幾滑嫩、同埋都唔太細碟）食完捧住個肚返屋企、好飽😋食完仲有優惠券送😳如果佢近d就好了🙄 甘就可以多d黎食啦。

呢間我食左幾次，覺得佢幾次食都OK。尤其係個喇沙湯底，香味好夠，唔會太辣。我今次要嘅係海南雞喇沙，海南雞正常，不過不失，但係呢個價錢，有呢個質素嘅午餐算係咁。呢間野亦都有埋台式嘅飲品，我之前飲過一杯黑糖珍珠芝士奶霸，芝士味好夠，亦都唔算太味。呢個質素夠做lunch飯堂~

對馬來西亞菜情有獨鍾的我們，又想念Laksa了！這次來了mee..lemongrass (到處都是分店) 本來想試波士頓龍蝦喇沙結果又sold out，最終點了Laksa With honey grilled pork chop，豬扒弄得像蜜糖叉燒一點也不乾，好吃。另外點了芭堤雅炒飯，有像滷肉的肉粒，感覺挺新奇。

由於工作關係，今日要係香港仔食午飯，係網上見到呢間餐廳人氣高企，當然要試試佢！鍾意食喇沙嘅我，一打開個菜單就二話不說點左蜜汁炭燒厚切豬扒喇沙。喇沙味道非常濃厚，帶少少椰汁味。辣味方面，餐廳非常細心將辣味嘅來源（辣醬）分開上，放咗喺湯匙上面，唔食得辣嘅朋友，都唔需要擔心。麵底方面，就用咗正宗嘅配搭，即係油麵加米粉，粉面嘅份量都唔少，食得過癮。終於到另一個主角上場啦！塊炭燒豬扒真係超級好食，蜜汁味都幾重，而且肉質非常嫩口，一食就食得出餐廳真係用炭燒嘅方法煮，因為只有呢個嘅方法先可以做到外皮小小脆而又保留到超多肉汁。而且豬扒旁邊會有一小碟魚露提供，點左魚露之後嘅蜜汁燒豬扒味道更加豐富，令整個餐加上一股更濃厚的東南亞風味，真係冇得彈。總括而言，雖然呢個餐都唔算平，但係以呢一個食物質素，我覺得絕對是物有所值！值得一試！