六合小廚 (已結業)

每次出親尖沙咀都感覺很多人好迫，買完嘢快啲搵地方食個飯就想離開。今次好開心朋友請我吃午餐，他帶我到六合小廚，位置近廣東道好多名店的附近。 行了大半日街，又係時候醫肚，揀了黯然銷魂叉燒煎蛋飯$47， 招牌牛四寶飯$78， 蕃茄薯仔魚尾湯$98， 凍檸茶$5 ( 跟餐價 )， 熱檸水$2 ( 跟餐價 )。黯然銷魂叉燒煎蛋飯 ~ 就咁聽個名已經好好笑 ，叉燒半肥瘦，有兩隻靚靚的太陽蛋，還有美味的甜豉油送飯。招牌牛四寶飯 ~ 即係牛雜飯，喜歡食牛雜嘅朋友一定要試下， 每一樣都好入味， 用埋牛腩汁餸飯，真係好正 。蕃茄薯仔魚尾湯 ~ 我特別鍾意飲湯，見到餐牌上有魚尾湯立即叫番一個，大概每人有兩碗半， 有好多蕃茄薯仔，還有一大條魚尾，好足料！熱檸水，凍檸茶 ~ 都是港人到茶餐廳常叫的飲品。六合小廚的菜式種類有很多，燒味，小菜，車仔麵，羊腩煲，還有一些特色甜品例如潮州芋泥， 潮州反沙芋等等！ 我都好想食，可惜我們只有兩個人，所以下次要帶埋朋友一齊再來。

中午由上環過來找朋友吃午飯，因為平時比較少來尖沙咀吃午飯，所以就等朋友介紹。平時我地都係食茶餐廳為主，今次都唔例外，我朋友就選了他公司對面的這間茶餐廳。 茶餐廳來說選擇都比較多，有精選午餐，約五十元，有招牌美食跟地道美食，一些招牌菜等，甚至車仔面都有。 最後我就選擇了他其中一個招牌菜，六合牛四寶飯，78元，而我朋友就選了黯然消魂叉燒煎蛋飯，50元。套餐不用加一服務費，包餐湯及一杯熱飲。 我的招牌四寶飯的餸有牛腩、牛根、牛肚及牛腸，再加一些蘿蔔。牛腩炆到好腍、牛根夠滑，牛肚入味，蘿蔔吸哂腩汁同埋都夠腍。不過碗白飯實在太大碗，最後都食唔哂。 我朋友的黯然消魂飯都一樣好大碗，兩隻太陽蛋煎到剛好，叉燒不錯，50元連餐飲的一個餐，性價比高。