Picoso

營業中

休息中

長沙灣同以前真係好唔一樣。唔再係工廠區，多咗好多商場、地鋪餐廳。而億利大廈更加係餐廳集中地。今次就揀咗呢間墨西哥特色餐廳。環境：大部份位都有人訂座，我地被安排到一間要通過廚房先到既小房間。幾得意。服務：店員都好Nice, 有問必答。食物：招牌特色蟹餅即叫即整，熱辣辣，切開裏面一絲絲蟹肉，外面脆卜卜，非常香口。Nachos 配牛油果醬，蕃茄，芝士，好食。玉米餅皮卷粟米餅皮夾住芝士、牛肉、荳蓉、雜椒……食完好飽。Overall 幾好食，幾有特色！

自從中環的Taco搬遷後便沒有嚐過墨西哥菜了。於openrice找找有什麼好吃的，看到了億利工廈有幾個高分的選擇，記得之前有來過旁邊的《程班長》，猜應該認得路的，故是日下班前來此店！於工廈搭了舊式貨運升降機到二樓，一看之下，左右兩邊全都是食店，而且亦有很多人。一路走到最尾尾便看到了Picoso了！外面置著一張高臺，坐著兩個外國人一個香港人，似乎是老闆和朋友交談。店中很多有心思的墨西哥帽子、裝飾、食物照片，覺得很不錯啊！有心思嘛！等了一會入座（對！我們沒訂座，而店中滿座，故等了一會），點了此些食物：Nachos：可以自行選擇剔除一些您不喜歡的食材，很開心！因為我很怕芫茜的味道，但墨西哥常常下芫茜😓特色蟹餅：炸得很香脆，而且入面蟹肉份量很多，可是我覺得炸得乾身了，並吃不到蟹肉鮮味，只有醬汁的味道，失了分！大捲餅：我們選了手撕豬肉，千萬別看少它的「飽肚能力」，一吃，我已經覺得很飽了！😆味道不錯，有蔬菜有豆蓉有豬肉（可自選牛、豬、雞），醬汁份量不多不少。但我個人覺得可以捲得幼一點，變成兩條份量，食客吃的時候可以更方便！

今日揀左呢度食紀念日飯，完全超出預期啊～其實我都未去過墨西哥，但就食過doritos，而且好鍾意食紅色個包！招牌特色蟹餅配千島他他汁同沙律～入口啖啖蟹肉，口感豐富。炸粉做得好好，十分酥脆！而沙律上既煙椒青檸醬係十分香同醒胃！招牌玉米薄脆配煙燻手撕豬肉～呢碟Nachos十分色彩繽紛！睇見都令人覺得好開心好cheerful! 雖然有三隻色：米黃、紅、深紫，但係佢地係一樣味架～怕辣既人唔駛驚！不過呢，裡面有墨西哥辣椒！真係辣架～我仲以為係醃橄欖一口食左落去，辣到跳舞Nacho微微咸，唔似doritos咁咸所以可以放心食好多！而手撕豬肉最令我喜出望外～最初以為手撕豬肉會好似湯渣咁鞋，點 知！好好味！原來我係好鍾意煙燻味～而且肉質十分幼嫩！好野好野！面頭仲有好多牛油果醬可以點黎食！正！經典鐵板燒大西洋三文魚配暖玉米薄餅～我就覺得三文魚微微腥，不過好好食～我地要左薄餅就冇要飯，都幾得意喎～好似片皮鴨咁，自己加D醬入去夾住食～有酸忌廉、紅蕃茄同牛油果醬任君選擇！最後介紹下呢度既飲品！果醋桑格利亞 好似Margarita咁，杯邊有沙糖，酸酸甜甜～牛油果奶昔 個口感好厚，好有奶味，好特別！

墨西哥菜在香港不太常見，我自己比較喜歡試新事物，所以今回就找來一間位於荔枝角工廈內的一間墨西哥餐館。餐廳位於工廈的一樓的轉角位，它的指示牌比較隱蔽，所以我們找了一陣子。餐廳的門面有一仙人掌造型的裝飾，一看就知找對地方。門口旁有好多食物的相貼在一磈有墨西哥色彩的布上。餐廳門口大大隻字寫住「免加一」，真係兩眼發光！餐廳內以木製家具為主，深啡色的枱和牆，有一種好穩重和温暖的感覺。坐位不多，大概可以坐到廿幾人左右。牆上還掛有好多好有墨西哥特色的掛飾。還有好多食物的相，甚有特色呢。Settle down 之後就開始看餐牌，餐牌基本上中英對照，又圖文並茂，所以就算不瞭解墨西哥菜的人，都一定點得來。我們分別在午餐的Set lunch牌點了兩個餐，那加＄13就可以加是日餐湯和車打芝士麵包。是日餐湯是南瓜湯，湯好濃稠，甜度比起平時飲到的南瓜湯要低，酸酸甜甜的挺香胃！好適合在食主菜之前湯！兩磈麵包焗得香脆，加上面頭有車打芝士，正！海鮮烤玉米餅皮卷 ＄69兩條由軟玉米餅皮包成的卷放在一片像炭板的板上，外形像蛋卷，熱騰騰的十分吸引！香軟的玉米餅皮包著蟹肉碎、玉米粒、雜椒、芝士碎、鮮蝦粒，再焗到金黃色之後，在上