古早牛肉麵 (已結業)

係深水埗呢間古早牛肉麵，睇個名都知係食台灣野，另外仲有好多款台式特飲可以揀。價錢唔算貴，性價比都幾高😋 1⃣️招牌紅燒牛肉麵（$60）選擇都幾自由，可以揀要牛骨湯麵、湯米、肉燥便當、或者乾拌麵。今次我就揀左要牛骨湯麵。湯底飲落幾濃郁，麵算有咬口但係可以更好，麵既份量偏少，但係牛肉份量都幾多，而且每一舊都幾大舊，食落係有啲嚼勁既口感，個人會鍾意煮得淋翻啲，但係呢個都唔錯。另外蘿蔔好清甜冇渣。  午餐仲有包一杯飲品，有得揀台式奶茶添🤤成餐食落都滿足。  

深水埗路過又咁啱肚餓，見古早就一於試下！食tea時間唔多人，一去到就有位，可能位置唔係大街所以冇咁多人！入到去間舖裝修好有懷舊台灣特色，冇得去旅行幻想下自己喺台灣都好！本身好鍾意食台灣野，見到有芋圓第一時間點左紅豆芋圓仙草涷！份量合適而且滿滿有好多芋圓好抵食，而且芋圓好香蕃薯味，唔太甜，唔錯！再叫左個起司蛋手抓捲餅，本身好鍾意食呢類酥皮feel 既餅，仲有蛋及芝士，中間夾左疏菜，趁熱上台所以好味，如果入面加火腿或肉鬆就好了！麵質如果可以煙韌d 會更好！湯汗香，牛肉嫩！家人話豬耳ok 抵食

深水埗有好多餐廳，乜嘢類型都有。見呢間以台灣牛肉麵做主題嘅餐廳有不少人推介，所以今次就專程嚟一試，滿足一下香港人思鄉之情~~~見到門面好企理，牛肉麵同埋台式飲品係店鋪嘅主打。 (PS 而家做緊優惠, 外賣8折)餐廳好重視台式飲品，如果唔想食嘢，都可以快手買杯嘢飲掃街。入面環境有種台灣嘅感覺，點餐方面，係自己劃完之後交俾侍應。我地坐底左試下佢嘅「招牌紅燒牛肉麵」，同埋我地都有興趣試下牛肉以外，其他食物嘅手勢，所以嗌左「鹽酥雞排乾拌麵」同「鹵水豆腐卜」。牛肉同雞排份量都好足，反而特別欣賞雞排，因為炸得好香脆，粉都不會太厚。麵質唔好太淋，而且好彈口，確實好食。小食方面，滷得好入味，豆腐卜口感好特別，唔淋同唔濕，出乎意料外好食。跟餐嗌飲品，飲品可以平4蚊，天氣開始轉凍，所以要左杯熱茉莉綠茶，飲品就正常表現啦冇話太特別。整體就係台灣嘅食物，香港嘅認真水準！