101臺灣品味館 (已結業)

有次去到太子 唔知食咩好又撞正lunch time 行行下見到呢間101臺灣品味館身邊嘅人都食乾拌麵 雖然我好想試但我最後都係揀左招牌紅燒牛肉麵牛肉好淋 好食 麵質正常但份量都係少左啲整體是Okay的 最唔掂係杯野飲芋香珍珠奶茶 甜到啊媽都唔認得仲要加15蚊架 唔飲又唔係🤦🏻‍♀️_________________________裝修環境：✨✨✨服務態度：✨✨✨✨食物質素：✨✨✨(5個✨為滿分)價錢：$50+15________________________唔信我嘅可以自己去試試😂地址：旺角西洋菜南街208號地舖

之前黎食過好多次，今次特登又黎幫襯！肉燥豬軟骨湯麵，豬軟骨肉質軟淋很好味，質感佳！飲品點佐珍珠奶茶同埋金桔檸檬汁，都唔錯，唔會太甜

啱啱同老公嘆完個臺灣蜜月之旅，難得一齊放假，去揾間臺灣餐廳食嘢回憶甜蜜感覺先。我地行到太子，見到間環境吾錯嘅臺灣餐館，一於去試下。一入門口服務員就招呼我地坐低，雖然佢地好繁忙，亦不忘介紹店舖嘅招牌菜。老公就點咗個招牌紅燒牛肉麵，鹽酥雞球飯、肉燥茄子，百香果綠茶同胚芽奶茶。首先黎咗個雞球飯，雞球外層炸到金黃脆卟卟，入口酥脆，內層雞肉鮮嫩有汁，加埋野味嘅椒鹽粉簡直好食到不得了，好有臺灣夜市小食風味，估吾到系香港都可以食翻嗰種感覺，而且飯面仲有好香嘅肉燥汁，撈飯真系胃口大開。牛肉麵好正，牛肉燜得非常惹味，口感超好又吾會韌，麵浸在牛肉濃湯裡，試一啖，係香港真系冇一間牛肉麵做得噤出色，色香味俱全😘再試個肉燥茄子，外表輕輕炸到淺金黃，再淋咗D醬汁同肉燥系面，賣相吾錯，睇得出廚師好花心思，茄子放入口，汁同肉燥同時從嘴角流出，正、正、正👍👍👍百香果綠茶入口清新宜人，果味由牙逢溢出，係舌尖與味蕾間交集，醒神開胃😙😙胚芽奶茶亦香滑有茶味，而且食到粒粒胚芽，I like it 😍喱間臺灣嘢味道正宗，店員同我講系臺灣師傅主理嘅，加上每碗份量十足，價錢都好抵！下次食臺灣嘢我吾使諗去邊間啦，就嚟喱間！👍👍👍👍