豬手工房

營業中

休息中

次次同某班朋人食飯都食豬手工房，今次真係忍唔住要俾個好評😊 食物正、環境氣氛正、自帶酒又唔收錢，仲冇限時坐到收舖，同朋友好relax嘅一晚聚會💕圖1金沙軟殼蟹薄餅 $168哩個係軟殼蟹為主打啲pizza，係每塊都有軟殼蟹，個底仲有超多芝士，仲要配倜簿簿脆批，好岩女仔食，食完都唔會太飽肚，但男仔可能要食兩塊啦炒😂圖2精選德國香腸拼盤 $168拼盤內有五款德國腸，每條都煎到外脆內軟，又唔會太咸，岩曬喜歡食腸嘅你😍圖3招牌脆爆鹹豬手＄238豬手係原隻連埋骨上，但上枱時已輕輕分開左，所以都好易砌，豬手皮超脆，肉質鮮嫩可口，真心必食推介👍🏻👍🏻👍🏻😋

一間隱藏工廈中ge餐廳，已幫襯過幾次，過去一直口停車場入口行去搭貨電梯到二樓，經過維修車房去到餐廳門口，今次店員指示，原來有另一出入口距離停車場出入口幾米，有客電梯到二樓，經過窄窄走廊都可以入到餐廳。今次再黎都係叫招牌脆爆鹹豬手另外再叫左個金沙軟殼蟹薄餅。金沙軟殼蟹薄餅滿滿ge醬喺面，差啲超出餅邊，一拎起薄餅，芝士拉極唔斷。薄餅軟身唔會好乾，有大量ge鹹蛋隱藏醬料中，邪惡得黎好好味。薄餅面有辣味粉，初初食覺得幾香口，但食多幾啖，條脷開始只食到辣粉味道，遮蓋左其他食材味道。招牌脆爆鹹豬手(2磅半)大大份，豬手肉質軟，個皮有部份脆，可惜有部份硬身，唔易咬。兩個人食，食淨2件薄餅，兩件豬手剛好有自備食物盒帶走。