好酒好蔡

營業中

休息中

城中一間定價非常進取嘅中式「廚師發辦」，除非有特別要求，否則菜式由餐廳決定。招牌脆皮婆參外皮不算很脆，口感超級無敵極軟糯，像極了粘粘的漿糊，無乜味…..um…..不是我的菜😕微麻蟹棗 😊調味很不錯，酸酸辣辣！😋九層塔清湯貴妃蚌 😒清甜鮮味，無乜特別香芹鹹菜炒東星班球😒😒😒😒鹹菜無乜味😕成碟餸好油，但唔香。整體無聞無味咁。黑樅菌燉時蔬😒無乜特別酸辣手工麵🙂食咗一大堆覺得無乜味，無特別嘅餸之後….. 終於有樣好味啲嘅酸辣麵😅開心果桃膠😒無乜味價錢大約每位1600，味道無驚奇，性價比低。服務都非常一般，非常失望的一餐。

朋友見好酒好蔡環境優雅，於是提議我在這裏結婚。就這樣，我在好酒好蔡與親人飯聚，並在好酒好蔡簽字我與另一半都非常感謝朋友的提議，因為好酒好蔡在食物質素、環境、服務三個方面都非常出色！！！晚飯係廚師發辦，所有食物係一面倒咁好食😍😍😍當中我最深刻嘅菜式係：招牌脆皮婆參外皮超級脆，但入面係好黏既口感，感覺每一啖都係骨膠原🥰🥰酸辣翅喺出面食唔到咁嘅配搭，好有新意！微辣好開胃薑蔥汁煮鮮拆蟹肉將成個蟹鉗嘅蓋拆開好體貼，仲要拆得咁靚啲蟹肉冇散開！個薑蔥汁係有啲creamy西式既口感😋頭抽浸東星班扒平時我唔鍾意食中式煮魚既魚皮，滑潺潺既口感好噁心😅但好酒好蔡將個魚皮煎到香口超級卜卜脆😍脆板橡果豬手同婆參嘅口感好似，又係外脆，但入面係啖啖骨膠原！佢唯一嘅缺點係太大份，為咗留肚食之後嘅菜式，最後隻豬手都係食剩少少…以下嘅菜式都係好食嘅，但就冇上述菜式咁難忘：鮮松茸錦碟 - 唔鍾意食煎炸野嘅朋友就未必喜歡，但個松茸本身係好食嘅！特色暖胃湯 - 其實係薯仔湯，賣相精緻！潮州菜脯炒飯 - 都好食既，但相對上驚喜唔大開心果官燕 - 事前朋友特別提到開心果官燕，話見到openrice上好多人都讚佢好食，本身我都好期待

因為疫情，人人都減少飯局。今次亞妹牛一請食飯，揀咗位於中環建設大厦嘅富豪飯堂「好酒好蔡」Howard’s Gourmet 食私房菜貪呢度地方闊落，安全衛生，早個幾星期前亞妹已經訂咗間房。話時話，我哋一家人真係好耐無飯聚，盛情難卻，當然要去啦😋呢間中餐廳特別之處，係食咩你無得話事，全由廚師發辦，以當日新鲜食材嚟决定菜式！一入間房，就感受到一種氣派，餐廳以白色為主，配上水晶吊燈及桌上枱燈，特別光猛。六個人坐一張大枱綽綽有餘，超舒服加埋個無敵景觀，喺咁舒適嘅環境下食飯，重有亞妹支04年嘅Dom Perignon Brut香檳，美酒佳餚呢個侍應口中人稱為「蔡老師」嘅蔡昊係潮州人，據悉原本做化工廠，做飲食乃半途出家，佢利用學過的化學知識，研究出自己一套入廚秘技，創立「好酒好蔡」私房菜。佢嘅烹煮方式在於創新，掌握食材溫度，保留食物鮮味。不加味精，魚露或蠔油等調味料，純用鹽、糖、胡椒粉簡單調味，食材純天然搭配，强調食鲜配茶單叢茶特別之處係無咖啡因，飲咗唔會瞓唔到，清香前菜 兩款開胃前菜是潮州小食菜甫和醃製木瓜皮，可惜我一向不愛醃製食物，故提不起興趣。 暖胃湯是南瓜湯 ，侍應提醒小心熱，南瓜味濃郁，但

久仰＂好酒好蔡＂之大名，富豪的飯店，虛榮心把我帶到來！朋友圈中，有數位來過＂好酒好蔡＂的，皆一致認為取價極之進取，若非請客自己唔會來，但美味佳餚卻是有。也許今時今日，烹調如藝術，名畫只有市價無實價，絕非以材料價值訂價，性價比如何，就視乎你有幾鍾意、財富有幾豐厚而論。位於中環矜貴地段，中國建設銀行大廈內，再加上轉接的電梯，絕對有非誠勿擾之感！    入口冠冕堂皇，裝潢簡潔高貴，優雅舒適，我們人強馬壯，訂了私人房。創辦人蔡昊由美食家變身為大廚，以服侍金字塔尖上人群的味蕾為口號，只提供最好的食材，以刁鑽的煮法，集團經典、季節及創意為原則，成功做出多款令人難忘的菜式。 招牌脆皮婆參脆皮婆參是好酒好蔡的鎮店名菜，必備的菜式。把海參的其中一面烤至香脆，這個做法真是從未想像過，對比依然黏調爽滑的其他，口感真的昇華了不少，配合濃郁上湯炆煮，入口充滿火腿瑤柱等高湯香，果然是金字塔尖上人群的味蕾的感受。上個月在蔡昊哥哥蔡昱的＂好蔡館＂吃過脆皮婆參，已經一試難忘，今晚更想一層樓，＂好酒好蔡＂的出品各方面皆更勝一籌，一開始外貌已有不同，這兒的更深色，皮烤得更香脆；第二，前者的海參帶一點爽，後者炆至非常嫩腍