熾工房 (已結業)

原味烤雞套餐 配薯條和罐裝汽水 $60 加配墨西哥辣肉醬 雞胸同雞鎚各一隻，熱辣辣即烤即出，肉質嫩滑，juice小爆汁，有啲香料係表面招牌蘑菇飯套餐 $58 餐廳呢個present擺放好澎湃，俾人感覺滿滿的黑松露忌廉蘑菇汁，質地偏濃稠，上枱個刻都聞到陣陣黑松露味，份量不吝嗇，足夠配上軟糯白飯，以呢個價錢冇得挑剔，再加上有4隻單骨炸雞翼，炸皮唔厚。招牌和牛漢堡 $88 麵包烤到好脆口，脆到冇左麵包煙靭嘅質感🤔 唔知係咪over左定原先係咁呢。漢堡肉質還可以，冇爆爆肉汁因為漢堡嘅dressing好多，每啖都充滿醬汁嘅感覺😖 本人就不太喜啦，唔太試到肉嘅質素。另外，粗薯條口感正常，上枱微温。

越嚟越多餐廳進駐長洲，令到當地飲食生態好多元化，食海鮮又得今次大胃去食炸雞亦得，喺離島食炸雞另有一番風味唔想食連鎖店炸雞嘅，都可以考慮食呢間都有一盤八件炸雞嘅雞桶選擇，有齊雞槌、雞上髀同雞胸，雞肉都幾嫩，外皮炸得幾脆洋蔥圈都一樣炸得外脆內軟，係薯條以外嘅好選擇好耐冇食蘑菇飯呢樣嘢，呢間嘅蘑菇飯唔同啲，係忌廉版，醬汁會比較結啲，味道會更香濃，同埋菇味出啲跟餐有四隻單骨雞翼送，炸得好嫩肉雖然跟餐有送汽水，就畀胃民飲大胃另外見有芫荽梳打，都忍唔住單叫呢杯，幾解渴

🍽 招牌蘑菇飯套餐💰$52🌟7.5/10➰套餐有💁🏻‍♀️一客蘑菇飯 四隻單骨雞翼 飲品.呢個飯嘅食評應該會幾兩極鍾意食爛飯嘅朋友仔會好愛佢因為佢蘑菇汁好多好濃郁 係夠撈哂成個飯有凸 絕不手軟😂而且飯底係偏軟糯.至於雞翼 欣賞佢係單骨 啱哂懶人 好易食！🤣外脆內嫩 味道不俗！🍽 原味炸雞套餐💰$54🌟8/10➰套餐有💁🏻‍♀️ 一隻雞上髀+一隻下脾 薯條 飲品.炸雞🍗嘅肉質幾嫩滑不過個炸片都幾硬幾脆食嘅時候要小心飛到周圍都係🤣.薯條🍟方面加咗唔少分數！即使係外賣焗住佢嘅薯條都做到外脆內軟粗薯嚟講真係幾高水準！✨🍽 香辣烤雞套餐💰$55🌟7.5/10➰套餐有💁🏻‍♀️ 一隻雞上髀+一隻下脾 薯條 飲品.烤雞比炸雞更需要技巧調味同肉質都好重要呢間嘅烤雞肉質略嫌有少少嚡調味偏辣 食辣bb班要注意⚠️————————————————🏋🏻‍♀️🗣 炸嘢都係少食為炒 除咗高卡路里之外仲好高omega-6-抵食指數：🌕🌕🌕🌑🌑食物：🌕🌕🌕🌑🌑環境：🌕🌕🌕🌑🌑邪惡指數：🌕🌕🌕🌕🌑-📍長洲建新里9號地舖-💰人均消費：$50-$100