甜圓坊

營業中

休息中

深水埗食店林立, 趁疫情緩和趕緊出黎覓食。大熱天時, 冇嘢比得上一碗挫冰。甜圓坊的挫冰係我食完會即時share俾朋友的,優秀程度可見一斑。是日中午, suppose係繁忙時間, 但係舖入面連三分一都坐唔滿(陰功)揀個面璧位, 桌面好乾淨清潔,店員亦好有禮貌 (有台灣口音)手工滷肉飯($38)滷肉飯屬於睇落細細碗, 食落大大碗一type.滷汁頗豐, 有黑椒的香味和微辛, 飯粒濕潤飽滿,要挑剔的話，肉的質素口感尚有改善空間。我呢碗瘦肉部分有小小較柴。其他配料當有雪菜青瓜同蛋，令飯生色不少，可惜蛋不是醣心。整體黎講算美味, 但不算驚艷.真正推介的是招牌迷你挫冰($28)換個角度再影一張落單時講要後上, 聽到店員都好細心吩咐廚房, 好加分非常足料, 滿滿一碗, 1-2人份(我比較大食, 一人獨食都食得晒)芋圓、地瓜員、珍珠、薏米、綠豆、紅豆、西米、小丸子、煉奶、糖漿.口感豐富, 每一口都有不同滋味, 咁多料28蚊真係超值！雖然同日式刨冰比, 冇日式咁輕飄飄粉到入口即溶, 但係配搭起固體煙韌的餡料反而更match.富奶香，但不死甜。好似搵唔到咩好批評. 一路食已經plan定下次要再黎.加上炎炎夏

【深水埗台式糖水🍧必食嫩鮮芋奶凍】今次推薦一間好食既台式芋圓小店，位於深水埗既甜圓坊，熱門推介有嫩仙芋奶凍、各式芋香挫冰，佢亦有多款甜品小食如各式西米露、鹽酥雞、酥炸排骨、唔同配料既蛋餅等等芋圓係好食架！@hkdine360 介紹左好多間好食既餐廳，每個食評都好比心機寫架，大家可以follow page同like post!______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作叫左兩款最hit既：嫩仙芋奶凍同招牌迷你挫冰！有足足8種配料！芋圓、地瓜圓、湯圓、薏仁、紅豆、綠豆仁、珍珠、西米。芋圓同地瓜圓口感煙un，真係有芋頭同地瓜味(出面唔少糖水店係無味/好難食得出味架😢)加埋薏仁、紅豆、綠豆仁，感覺健康好多嫩仙芋奶凍 (💝9/10)- 8種配料做topping- 下面仲有涼粉同糖水- 中意佢下面好多好多涼粉好豐富，下面個底有糖水，甜度較挫冰高，睇埋片你就知

一直都食開深水埗另外一間好出名嘅芋圓今次終於特登走去食甜圓坊想試吓新野見到原來佢啲鹹食都幾平幾抵不過今次係衝着佢啲甜品而嚟🤪當日係大約下午茶時間去見到大部份人都係食糖水.招牌迷你挫冰 $26.叫咗個迷你挫冰 係一人份量賣相好吸引咩配料都有齊 加上份量都好充足珍珠 芋圓 丸子都好煙銀 好有咬口佢落咗啲煉奶喺面增加左佢嘅甜度但係整體唔會過甜食到底都有味冰粒唔會好粗大 成個冰我都好滿意👍🏻👍🏻👍🏻👍🏻⭐️多謝你睇到最尾🧚🏼‍♀️希望大家可以關注我嘅ac咁就可以留意我最新嘅食評🤩📜✏️

係深水埗食完晚餐想食糖水，揾到依間甜圓坊有芋圓食，好似都唔錯咁，就行去試下啦，不過舖頭位置都有少少偏僻，唔算好方便🤭原來間野除左芋圓甜品之外，仲有主食嫁，有滷肉飯、鹽酥雞、台式蛋餅⋯⋯可以去食埋晚餐嫁！要留意嘅係佢地設有每人最低消費二十蚊，所以淨係食糖水嘅話就無得叫一碗兩個人share啦！**********<招牌迷你剉冰> $28其實迷你剉冰嘅份量已經唔少，正常版係兩個人嘅份量，超級足料！個煉奶剉冰嘅配料有芋圓、地瓜圓、珍珠、小丸子、西米、紅豆、綠豆，迷你版比起正常版會少左芋頭嫁！芋圓地瓜圓都有咬口，唔會好淋，咁嘅份量三十蚊就食到真係超級抵！😍