名點屋

營業中

休息中

我個人比較心急，食嘢都好快🤭要我去酒樓坐個幾兩個鐘我會無咩耐性😂加上疫情期間都唔想去酒樓依啲高危地方(始終太多人除底口罩高談闊論🙊) 名點屋依類速食點心店就啱曬我，快靚正‼️燒味點心二人套餐 $228 真心好抵食🤤燒味拼盤👉見一份例牌燒味都要7、80蚊，揀左最貴既叉燒拼燒鵝，叉燒好淋好夠味，燒鵝既皮脆卜卜，好新鮮!!名點燒賣王👉好喜歡名點屋既燒賣比較少肥肉又多蝦，好彈牙😬食過有啲酒樓既燒賣全舊都係肥肉，仲勁多味精，食完口渴到呢...排骨蒸腸粉👉布拉腸粉超級滑，唔係好識揸筷子既我要夾都有啲困難🙈排骨數量算多，味道就不過不失啦🤓上湯浸菜心鳯爪排骨煲仔飯👉依個煲仔飯好足料，3個人食絕對都足夠!! 鳯爪較排骨出色，煮得好淋好入味😋本身唔係太鐘意食鳯爪既我都爭住食😜煲仔飯既底仲好脆卜卜既飯焦，好滿足🤤甜品/飲品x2👉揀左芒果布甸+桂花杞子糕味道正常啦，始終唔係甜品店，要求不能太高😉PS 同場加映花枝釀茄子、蒜蓉蝦春卷都勁好味，依間一定會再幫襯👍

心血來潮 決心獨自點心樂據聞名點屋與三聖的海天有關感覺既緊張又期待挨夜幾日 瞓醒過到屯門已經三點有多😛去到人不多 阿姐話隨便任坐一於揀個橋底大玻璃單邊坐一睇點心紙 無錯 應該係同三聖海天的點心一樣好開心 當然要叫首本名菜 : 排骨蒸腸粉熱辣辣 正到爆👍🏻同海天一樣咁正 好滿足清清地 另外叫左鮮蝦荳苗餃夠熱、夠味 唔洗再點鼓油即叫即蒸 逐碟上 逐碟食 唔會擺到凍雖然茶味淡 又貴左少少 連茶錢 免加一都要$7x 但任坐到日落 樂也！仲有好多點心想試 名點屋。我會再返來架💪🏻

睇完“饑餓遊戲”當然個人就會好饑餓喇所以又開始好苦惱食咩好，上次經過名點屋，但係突然唔係好想食點心，所以都係決定唔食，但係今次真係諗唔到食咩，因為都成9點，屯門市中心好多間食肆都多人到爆炸，所以就去試下呢間點心喇~~蘇皮叉燒包- 嗯……皮唔蘇，似係受咗潮咁先喇，包唔熱，味道就夠嘅，同添好運果個完全冇得比，輸晒家鄉咸水角- 呢個夠熱，夠脆，係嫌佢皮太厚咗少少者~沙嗲金錢肚 - 呢個好得，味道好夠，好香濃，唔會話淡口棉花雞 - 我好少食棉花雞會食埋佢啲“棉花”，但係今次我係清晒~排骨蒸腸粉 - 腸粉夠滑，排骨夠味~蟲草花雞肉煲仔飯 - 好殘忍食“煲人個仔”嘅飯，呢個應該唔係生米就入煲煲，應該係後期加工入去，當然都有飯焦(我最憎食飯焦)，不過同廟街果啲係兩回事~~