Paintable Cafe (已結業)

餐廳：Paintable Cafe地點：上環差館上街菜式：咖啡室餐牌：全日早餐，意粉，牛角包窩夫，沙律，乳酪，小食，甜品，咖啡，非咖啡飲品，茶。落單用QR code。蒜香蝦鯷魚扁意粉 $128蒜香蝦有3大隻，好爽口，面頭煎得少少燶面，味道唔錯。扁意粉炒得非常乾身，帶好香橄欖油同蒜味，質感都可以，加埋蒜片同辣椒一齊炒，味道微辣。面頭撒上黃色花瓣裝飾。炸雞軟骨 $58炸雞軟骨用吸油牛油紙包住放喺個金屬兜上枱。呢度啲雞軟骨粒唔會死實，連住唔少肉，食落鬆化，外皮香脆，點另上灑上嘅香草沙律醬就更加滑溜，亦可平衡雞軟骨本身鹹味。薯條配黑松露醬 $58薯條係少少粗身，面頭灑上香草同芝士粉，外脆內稔，啖啖澱粉質。另上嘅黑松露醬加上香草，黑松露味好香，我哋清哂。花生醬煉奶牛角包窩夫配雪糕 $78牛角包窩夫一開二疊起，面頭加上大量花生醬同煉奶再灑上花生碎，伴有一球曲奇忌廉雪糕同忌廉，加上新鮮藍莓同士多啤梨。首先主角牛角包窩夫放耐啲都仲好酥脆，花生醬加煉奶呢個配搭冇得輸，甜到漏，再加上脆脆花生碎同融緊嘅香滑雪糕，簡直係人間美食！提拉米蘇牛角包窩夫配雪糕 $78提拉米蘇牛角包窩夫配雪糕就係一個大大牛角包窩夫面

蒜油蝦配法包 🥖：大大隻蝦，食落仲要肌理分明 🍤 蘸佐點蒜油，配埋香脆既法包，真係好野味 🤗帶子黑松露蘑菇意粉🍝：d意粉好入味，d黑松露蘑菇醬汁既濃度剛剛好，食落唔會太膩，亦都coat得住d意粉。d意粉冇麵粉味之餘，係啖啖黑松露忌廉味。帶子煎得香口得黎，係熟既，又唔會太老，煎得剛剛好。提拉米蘇牛角包窩夫🥐配雪糕🍦：食到提拉米蘇既苦味，加埋雪糕既甜味，好開胃！牛角包整成窩夫好instagramable📸 個牛角包窩夫一d都唔油膩，而且個份量剛剛好，好啱做飯後甜品 🍮抹茶拿鐵 ☕️：個甘味、茶味🍵同奶味🥛都好濃，加埋一齊好易入口，唔會好甜，至啱健康一族👍🏻Lemonade🍋: 飲得出係鮮榨既檸檬汁，唔係糖漿沖出黎！用心既作品 😄

上環呢間cafe嘅半露天座位有一大塊由插畫師杜波淇@toballkidrawing 設計嘅壁畫，畫風輕鬆可愛。我地都要等咗一陣，先可以坐到係呢個打卡好位置。🔅All day breakfast $138份量豐富，香腸、煙肉、蕃茄同蘑菇煎炒得香口，松露炒蛋亦好入味。最喜歡配上沙律菜、點上黑醋汁，健康又開胃🔅慢煮雞胸肉肉醬牛角包窩夫配沙律菜 $88雞胸肉保持到肉質軟嫩，肉醬帶有少少甜味，而 Croffle 牛角包窩夫係即叫即製，熱辣辣，夠酥脆，配搭有層次🔅提拉米蘇牛角包窩夫配雪糕 $78上枱已聞到 Tiramisu 嘅淡淡酒香，而雪糕係oreo 味道