Shine (已結業)

餐廳環境廣闊，樓底高很有空間感，酒吧餐廳的燈光亦是帶點浪漫與輕鬆之間，微黃燈泡以作吊飾，軟身大梳化令人坐得舒服。另一邊就有型格光管裝飾，氣氛同環境都好岩happy hour飲返杯，或者輕鬆食晚餐飲下雞尾酒。和風北海道帶子配魚籽沙律 $108帶子橫切成三片，微煮過令外層更有口感，帶子十分細嫩軟滑，加上魚籽提鮮，味道好好。沙律菜亦新鮮爽脆，配帶微酸開胃的醋汁，還有醒神帶果香的蜜柑，帶有日式風味。加拿大龍蝦意大利飯$188龍蝦有半隻，唔算好大隻，但肉質扎實爽彈，蝦身肉較濕潤美味，但鉗位偏乾，不過龍蝦加了芝士焗香，味道幾滋味。重點推介係意大利飯，煮得保持外軟飯心有咬口，仲吸哂蕃茄同上湯味，算是濃重口味的菜式。明太子海膽意粉$188意粉煮得剛剛好，口感al dente有咬口，而且掛滿creamy醬汁好順滑，味道濃郁帶海膽甘甜同忌廉的奶香，明太子咸香味唔算較出，反而喜歡三文魚籽添加的咸鮮味，令味道豐富。提拉米蘇$78，賣相精緻好看，份量亦算多，可兩人分享。旁邊的生果粒有數款，睇得出餐廳花心思同用料好。Tiramisu 有兩層餡料夾著中間浸過咖啡的餅，上面灑滿可可粉。有別於一般的Tiramisu，餡

位於北京道太子集團中心呢間Shine食物質素唔錯, 價錢又合理, 而且好近 I Square, 所以同老婆去尖沙咀睇戲好多時候都係去Shine開餐, 不過今晚因為係去睇老婆唔睇嘅恐佈片, 所以只有我同老友兩個撐枱腳過黎食。👬我地因為放工都放得早, 所以買左8點嘅場次, 6點半已經到餐廳, 到餐廳時天仲未黑, 不過已經開始有客人食緊晚餐同happy hour飲緊酒, 餐廳裝修好有格調, 配合有情調嘅燈光同音樂, 整體環境好舒適。餐廳菜式選擇好多, 而且不停轉換新款式食物, 我地今日點左鵝肝, 海膽意粉同漢堡 share食, Shine嘅食物份量都唔少, 加埋甜品, 兩個人應該好夠食。😁法式鵝肝 $138鵝肝好厚身, 外層煎得好甘香, 配上脆口多士, 入口充滿鵝肝嘅油香, 另外配上解膩嘅新鮮沙律菜, 味道好夾。😋明太子海膽意粉 $188之前係Shine食過極黑海膽意粉, 一試愛上, 口感爽滑嘅意粉混埋鮮甜海膽, 加上creamy嘅醬汁, 非常惹味, 呢款明太子海膽意粉嘅明太子大大粒, 咸香味濃, 令整個海膽意粉味道層次更豐富。 👍特級安格斯漢堡 $168今次好彩係同老友, 而唔係同老婆黎食

唔單止「Shine」喺第一次到訪，就連「太子集團中心」呢幢食廈亦喺第一次嚟，其實，都喺睇到朋友FB嘅放閃，一道「加拿大龍蝦意大利飯」好吸引，就相約表哥出嚟食餐晏。餐廳位處食廈6樓，一出電梯就喺整個餐廳環境，左邊喺酒吧區，右邊喺用餐區，裝修型格十足，尤其近門口嘅木方陣，輕易搶去眼球焦點，餐枱與餐枱之間排得又唔會過於擠迫。但講到最心水嘅位置，應該喺挨近窗邊一列卡位，除咗有啲街景睇吓，景觀較為開揚之外，卡位嘅挨背設計得特別高，被鄰枱嘅騷擾近乎零，而且，枱面面積亦較常見嘅長，真哋坐成6個人都得呀！睇睇餐牌有咩選擇，散點餐牌沙律、湯品、前菜小食、意大利麵、意大利飯、主菜（漢堡或肉類）及甜品等，以尖沙咀區而言，價位差不多。想划算啲叫套餐，星期六、日午市就有個早午餐套餐（Brunch）供應，不過，依家Brunch呢個詞都有啲濫用，原意Brunch喺指俾人一次過當早餐、午餐一齊食，故通常11:00am就會供應，但Shine成12:00pm先開門，不如簡單啲個套餐叫番午餐（Lunch）咪仲貼切。題外話講多咗，早午餐只有6款菜式，由$78-$148，包一杯基本餐飲。此外，飲品就印晌另兩組餐牌，晌門口睇見佢

講開食扒餐，平時食開都是那幾間，先生專程搜尋一下，見到尖沙咀Shine好似不錯，於是預早訂了位。今日終於來到期待了幾日的Shine。Shine位於尖沙咀北京道太子集團中心，我收工後不用轉車，都很方便。餐廳裝修都算西式化，有部份是高抬高櫈的。一進入餐廳，那昏黃的浪漫燈光，那枱上搖曳的電子燈光，令人感覺到濃烈的浪漫氣氛濃襲而來，適合情人及三五知己約會西餐的好地方。1法式香草燒羊架配薄荷汁$288。期待的羊架由侍應送上，羊架有3件之多，那七彩的燈光，令羊扒也染成紫色，真是夠浪漫。羊扒夠厚，燒到剛好七成熟，入口軟淋，帶少少𡁻口，帯著羊特有的少少羊騷味及濃厚的羊肉味，再㸃上薄荷汁，令羊肉味更提升。真是非常推薦，喜歡食羊肉的不可錯過的選擇。安格斯肉眼扒( 配紅酒燒汁)$308安格斯肉眼扒非常大件及厚切，室內燈光令牛扒漾著一缐缐的紫，格外的浪漫。厚切的牛扒七成熟，也是有少少𡁻口，牛肉味比較濃，紅酒燒汁令牛肉味道更濃厚。最後，以軟軟滑滑的甜品 提拉米蘇$78。為今晚的晚餐更添完美。

老表係外國返左黎我地幾家人都會岀黎聚下舊朝早去左拜山，行街傾計，食左中菜晚上就等我做表妹既搵間西餐比大家嘆下啦(雖然拒幾乎日日係外國都食😛)Shine 係我一直收藏左但成日都未有機會去。今晚一行九人就上去感受下 “光加熱” ☀️🤤訂左1830, 上去第一台發覺如果要叫Set dinner , 只係星期一至五有得供應🙈所以全部散叫，不過最緊要大家開心啦哩度d Staff 做野快手，落單又解釋清楚抵讚上菜又快，仲有個老闆好好人呀☺️☺️☺️☺️一定會再黎幫襯💚

幾個月前吃過一次，雖不是道道菜式都令我難忘，但舒適的用餐環境讓我深刻印象。假日的餐廳格外寧靜，不像酒吧，更像咖啡廳。餐廳的餐具和擺設井然有序，陽光透過玻璃窗瀉進來，好一個令人身心放鬆的午後。值得一提，只要出示openrice優惠卷，光顧星期六、日和公眾假期的brunch有85折優惠，實在很划算呢！⭐️黃金蟹餅配菠蘿莎莎$118蟹餅煎得香脆，一切開，裡面盡是絲絲蟹肉，配搭菠蘿莎莎解膩，是不錯的小吃呢！⭐️芝士雞扒牛角包配薯角$98份量很大呢！牛角包非常酥脆香軟，醃過的雞扒煎的香嫩，味道調得剛剛好，吃下去不覺乾柴，吃起來令人飽足！一塊塊的金黃色薯角非常香脆，咬下去，外脆内軟，吃得到熱乎乎的薯仔。⭐️海鮮墨汁意大利飯$188配料有蝦、魷魚粒、青口、帶子等。海鮮很爽脆，特別是魷魚，咬下去爽口無比，肥美肉厚的帶子也不失色呢！每粒米飯都吸滿黑乎乎的墨汁，吃起來黏黏糊糊的，讓人停不下嘴呢！⭐️提拉米蘇$58tiramisu呈圓形，旁邊點綴著紅桑子、草莓和馬卡龍。我舀起一口品嚐，嘴裡隨即泛著濃稠香滑的乳香和香濃的咖啡香氣，之後嚐到綿綿的蛋糕滋味，多種味道交織著，很好吃喔！▫️今次品嚐的菜式比上次更滿意呢！抱怨的

幾個月無見一班好姊妹，今次見面當然要好好食番餐啦! 係iSquare附近兜咗一圈，我地就發現太子集團中心裡面，有間叫 Shine嘅高級西餐廳。唔知哪來嘅默契，大家都竟然一致話要去呢間餐廳，呵呵……一出，我地就見到百變顏色嘅招牌。時而紅，時而藍，時而紫 -- SHINE過不停轉入水吧前，我地睇到一個相當值得大家打咭嘅地方♥♥「Come rain, Come Shine」 呢句口號，正正叫大家要撐住，即使天有不測之風雲，但雨後總會天晴。7點半左右，店內已經坐滿咗八成客人。當中唔少係年輕情侶，可見呢度係拍拖勝地之一。如果想飲番杯，當然直接坐吧檯最方便啦！不過，我地幾姊妹主要想吹水為主，揀個僻靜嘅角落就比較好啦！講咗咁耐，係時候要order啦！😝烤茄子佐燉燜蔬菜(素) $58點菜時，朋友提出想先食少少素食打底。咁追求健康，我地無理由唔撐佢呀！茄子烤到外脆內軟，燴埋番茄，薯仔粒，成個素食非常豐富，味道岩岩好。燒安格斯肉眼扒(10 oz)配紅酒燒汁 $308呢碟肉眼扒一上檯，我地忍唔住「哇」咗一聲 -- 因為塊牛扒真係有兩隻半手掌咁大，足足10安士呀！7成熟嘅肉眼扒肉質鮮嫩，非常juicy。

老公平時返工好忙，好難得先可以一齊出街食餐飯， 踏入2018年，呢晚佢竟然帶我去左間好特別的西餐廳食飯~ <Shine>位於尖沙咀太子集團大廈， 鄰近地鐡站，地點非常方便， 一打開lift門已經見到餐廳內不同顏色的射燈， 仲有個大型的開放式酒吧， 餐枱有2人、4人、6人的沙發卡座， 仲有一張高枱，無論黎食晚飯或飲酒都好舒適~ 食物方面選擇好多， 有Pastas、Noodles、Risottos、Main Courses、 Soup、Dessert、Cocktails、Mocktail、Beer等等， 亦有非常實惠的Dinner set，價錢由$228-288~ 今次我地決定單點，因為有太多野想試， 前菜方面點左老公最愛的魷魚同我最愛的鵝肝~ <法式鵝肝多士> 有3件大而厚身的鵝肝， 煎到外微脆內柔軟，入口即溶， 下面的多士亦好香脆，中和左鵝肝多餘的油脂  我一個人食左2件，今次仲係老公第一次食煎鵝肝添~ <脆香魷魚配蒜香蛋黃醬>  新鮮即炸，金黃香脆， 外層包住蒜香蛋黃，味道非常濃郁，口感彈牙~ 主菜方面點左: <慢煮

經過忙碌嘅一星期，又黎到最期待嘅週末，決定同男朋友過悠閒嘅一日，瞓醒先拎啲大褸外套去乾洗，然後黎到尖沙咀北京道呢家餐廳來一客brunch，放假就應該係咁hea的。上次已經黎過食晚飯，覺得質素不俗，今次食左兩樣野連甜品，都冇失望。餐廳位置闊落，空間感足，適合同朋友聚舊聊天或者情侶約會。週六點零鐘黎到，唔會好多人，坐得舒適，慢慢享受左一個下午餐牌供應西餐為主，有沙律、湯、小食、意粉、意大利飯、漢堡、扒類、甜品等，選擇豐富，定價以尖沙咀區黎計都算公道，其實同一般靚少少嘅西餐廳差不多。至於brunch方面，有沙律、多士、牛角包、炸魚薯條、全日早餐、扭紋粉六款，人均百零蚊，配咖啡或茶/加錢升級特飲，價錢唔貴。我地點左一份全日早餐同一份漢堡，見甜品幾吸引，都一同試埋，非常滿足全日早餐 $148老實講，事先睇過網上圖片，見到嘅全日早餐，賣相比較一般，覺得唔多吸引，不過我呢啲懶人，就係費事諗食乜，ADB最適合，乜都有啲。實物比圖片靚少少，有多士、德國腸、火腿、大蘑菇、炒蛋、沙律菜、煙三文魚，份量適中，唔會太小家。雖然全日早餐嘅材料簡單到自己都煮到，不過作為無飯夫婦，都係出街食乾手淨腳。唔好以為我要求低

媽媽因為剛滿退休之齡，所以最近被公司退休。儘管經常嚷著說早前跘倒腳令現在不能久站或行得耐，但心情難免鬱悶，所以趁星仔回了家鄉，就帶媽媽走外走走，吃餐好的。＊＊＊＊＊＊＊＊＊Shine已經是第二次來，第一次跟朋友晚飯，今次我們則來吃午餐。有別於晚上熱鬧的光景，中午的Shine多了一份閒適，食客亦相對沒有那麼多。Shine有提供brunch menu，價錢由$78至$148，已經包括餐飲，價錢都算合理。但因為brunch menu沒有我們想吃的，所以我們就決定單點。Mix Berry Yogurt($58)Mix Berry Yogurt由多種不同什莓打成，上面放上忌廉、士多啤梨和藍莓，入口酸酸甜甜，質地幾厚身，所以飲完都有少少飽肚。Peach Yogurt($58)Peach Yogurt顏色相對較plane，入口以桃的清甜味為主，個人覺得Mix Berry較為好飲。海鮮墨汁意大利飯($188)海鮮墨汁意大利飯雖然要近二百大元一碟，但非常足料，意大利飯上面有大蝦、青口、帶子、魷魚和魚柳，意大利飯份量也多，足夠二人分吃。雖然海鮮應是雪藏貨，但食落肉質亦爽彈，意大利飯黑得發亮，creamy得

天文台已預告明天會掛風玻，正考慮應可將今晚的約會取消，但放工時天氣仍然很好，一於繼續和朋友的約會。我們今晚約會的地點是座位寬闊舒服的餐廳---SHINE。我們先點了黃金蟹餅配菠蘿莎莎，因為它的名字特別，我們很好奇蟹肉和菠蘿莎莎的配搭。它外脆肉嫩，外層炸到金黃鬆脆，咬下去脆卜卜，還面有蟹肉和菠蘿、紅甜椒等融合的餡料，喜歡吃蟹的朋友要試試，因為蟹肉味濃郁鮮嫩，而伴碟中也有菠蘿作點綴，色香味皆配合得宜。燒日本M4和牛薄切是將優質的和牛燒到五成熟，加上切片芝士和火箭菜伴碟，上面加了一點滋味的黑醋。和牛吃進口的感覺是香、嫩和鮮，尤其是蘸上黑醋後更美味，喜歡吃牛的朋友不可錯過。潮流興慢煮，所以有機會就試下這個「玄米茶素麵佐慢煮雞肉」。它的特別之處是要倒入玄米菜作湯汁，配料有素麵、薄雞肉、紅蘿蔔、鮮冬菇、紫菜等。適合吃完煎炸的食物後，有些內疚但又想要飽肚的人吃。菜式配上玄米菜，口感較清，冬菇頗為吸味，味道突出，雞肉質感特別嫩滑，總的而言這款菜比較清淡，但卻能突出食材的鮮。最後重點是甜品，有提拉米蘇蛋糕，上桌時好像是一幅畫，它用朱古力加鮮果做出很美麗的圖案，非常刺激食慾(雖然已經九成飽)。提拉米蘇蛋糕