高興 (已結業)

話說早排約了朋友去觀塘行街，所以特意去食個Tea休息下。係網上見到位於工廈內的餐廳，除了係星期日開之外，仲人氣幾高。餐廳用了仿古的設計，除了可以食好西之餘，仲可以不停影相打卡。餐廳係叫職員幫手下單，大家食完之後就出Cashier比錢。我們黎食Tea，當然睇下較抵食的下午茶餐先啦。不過睇黎睇去，只有牛油果多士係較吸引。我們其餘就係Main Menu散叫。牛油果多士有D失望，佢係牛油果醬多士之餘，佢用上普通的荷包蛋，而唔係poached egg。食落整體又唔係特，特別香。由於有朋友未食Lunch，所以我們叫左一份芝士蘑菇雞肉意大利粉。呢份意份落單5分鐘就到了，味道都幾香，食落真係幾好食。意粉充滿口感，個埋個咸香的芝士味，而唔係平常的罐頭的白汁味。加上炒香的雞肉及蘑菇，會令大家一口接一口。咁多個女仔，通常都會叫份沙津去Balance下。呢客摩洛哥雞肉沙律七彩繽紛，真係好有摩洛哥的風情(笑)。沙律無加入大量的醬汁 ，令整體夠乾身又健康。此外，沙律用上不同口感的材料，比如香軟的南瓜、炒香的雞肉，硬實的果仁及脆口的紅蘿蔔，令整體口感Up！一份有5隻的水牛城雞翼，雞肉肉質軟滑，但呢到的雞翼如果可以加

觀塘工業區隱蔽餐廳要穿過停車場神神秘秘先至入到黎呢間成業工業大廈入面嘅高興Cafe！門面設計由於一度通往垃圾站般嘅門口，但係當打開門之後眼前一亮！入面有好多可以打卡嘅設計，而且每個座位都好寬敞。因為冇預約，所以要等一陣，大概5分鐘左右就有位。因為兩個人去食不到太多，叫咗個摩洛哥雞肉沙律同埋美國頂級肉眼扒呢度嘅摩洛哥雞肉沙律係我至愛，幾乎一個人自己食晒，另外美國頂級肉眼扒就有啲失手，一般一般，反而薯菜啲薯條脆卜卜，令我開心返！

🎐熊妹等熊大放工食飯，阿豬媽又話要跟埋一齊食，加多雙筷🥢又可以食多啲何樂而不為？📍今次黎到觀塘成業街工廈地區的年青人咖啡店《高興》chill下。📍工廈地方🏬少不了的鐵閘🚧，設計一啲都唔古舊反而非常新穎特別，保留住工廈復古又切合時代的味道。🚪📍一進門，係煥然一新的感覺。燈火通明💡，牆壁有著懷舊香港🇭🇰的設計，五顏六色🎨，幾有心思💕。📍《高興》餐牌📋熊妹認為反而遜色少少，係一張張🅰️4️⃣卡紙印上的餐牌，由於長年累月被各食客翻揭再翻看，紙角都皺皮又摺起📃，似乎有失外觀。📍一般咖啡店大路的食物，小食🍢，意粉🍝，咖哩飯🍛，全日早餐🍱，排類🥩，沙律🥗，漢堡包🍔，班㦸🥞，甜品雪糕🍨，都應有盡有，無人等位可以任座🛋，食下野傾下計💬，📍特飲餐牌款式都唔少，自創的梳打飲品🍸同特式沙冰🍧都幾吸引。摩洛哥雞肉沙律，$74📍熊妹跟阿豬媽，熊大跟熊妹都愛沙律🥗，黎親咖啡店都必點一款沙律。摩洛哥雞沙律一上枱個個都嘩嘩聲😱，紅橙綠紫啡五彩繽紛，真係好吸睛👀，唔食得都睇得喇。紅色蕃茄🍅，橙色南瓜🎃，綠色沙律生菜🥬，紫色提子乾🍇，啡色杏仁粒🥜，齊哂，仲有幾舊煎過的雞肉🐣，非常豐富，營養價值高又美味，唯沙律醬🍼唔算多，但都好值

本身今晚比母親大人落左order 同拒d朋友食飯點知林收工打黎話唔洗我岀現正唸緊自己煮定食埋先返，咁岩得咁橋老表打黎問我有無飯局😆😆😆😆咁岩遇到咁橋，我就「高高興興」過海搵食喇。我就第一次去老表就食過幾次兼推介雖然第一次去，叫得個咁既名，個人認為都係d比較新派形式既餐廳黎就好似電話叫得『蘋果』，當年都係拒第一個做touch mon 啦一去到岩岩有一張二人枱其餘全滿！星期一晚咋wor 😆因為我地兩個都唔係極級餓，所以叫左d比較輕盈既野食 (雖然我地二人都食四樣野🙈)點飽都一定會叫甜品🤣除左老表推介pancake 外見到拒用Mövenpick 雪糕已加分💚上野食速度快員工收野又爽手大概哩個原因令拒地九點幾都仲坐爆👍🏻👍🏻推介哩間小店。💚💚下次要食另一隻味既pancake

今日和太太往觀塘高興食西餐, 我們點了意式芝士烤雞扒, 摩洛哥雞肉沙律、卡邦尼煙肉溫泉意大利粉和凍焦糖瑪奇朵。意式芝士烤雞扒, 雞扒是用雞比肉, 好大塊好鮮嫩, 烤得好香脆, 食落啖啖肉, 芝士好香濃, 蕃茄汁好開胃, 配菜好新鮮好足料的, 薯條夠熱好香脆, 好足料的意式芝士烤雞扒；摩洛哥雞肉沙律好足料除沙律菜外, 有雞肉,蘿蔔絲、牛油果、雞蛋、南瓜、牛油果、紅菜頭、果仁和提子乾, 沙律好大碟, 雞肉不是平時的去皮雞胸肉,而是雞扒肉, 食落較滑和香嫩, 啖啖肉好美味, 蘿蔔絲好爽口、牛油果食落香滑、雞蛋好有蛋香好滑、南瓜好鮮甜好腍、紅菜頭新鮮爽口、果仁香脆和提子乾甜度適中, 整個沙律配上蜜糖米醋欖油汁, 食落好開胃好健康；卡邦尼煙肉溫泉意大利粉,忌廉香滑好香濃, 意大利粉爽口、溫泉蛋汁香滑,蛋汁配上意大利粉食落十分惹味, 煙肉個人建議如果不太焦會好些；最後凍焦糖瑪奇朵味道香濃, 焦糕甜度適中, 咖啡和焦糖好配合好夾。餐廳食物美味, 環境好有舊式屋村感覺, 我們坐在理髮廳內食西餐, 裡面有懷舊的電髮罩, 風筒和特色光管, 好有特色的晚餐。 

近年來工業區餐廳越開越多，今晚放工個朋友都約咗我黎觀塘工業區ge一間餐廳聚舊。間野個名幾得意，叫“高興”。入到餐廳，個裝修好特別，好有懷舊ge香港feel，例如有d霓虹燈燈飾，一d懷舊店鋪招牌等。坐低無耐之後叫了ge食物好快就上到。摩洛哥雞肉沙律（$70）一睇個樣就知非常健康@@有牛油果,杏仁,雜梅乾果,蔬菜上面加了d沙律油，仲有d紅菜頭粒，近年來紅菜頭都系好流行食ge健康食品。好唔錯ge配搭。個雞肉微微烤過，落咗dd鹽，味道淡淡好適合我口味！份量都幾大份。適合2人食ge。松露雜菌意大利飯（$70）香味濃郁ge意大利飯。食落好creamy，意大利米烹調ge時間控制得幾好，有意大利米應有的硬度和煙un度。個汁好香濃。我哋仲叫咗個英式炸魚配粗薯條（$48）薯條隔離會有醬汁俾我哋去點，仲要係一大杯，食薯條最緊要醬汁夠，點到最尾嗰條都仲有剩。魚柳炸得非常之脆卜卜飲品叫了血橙有機蘇打（$25）和香蕉蜂蜜冰沙($34)血橙蘇打,點講呢(:似橙味ge汽水,無乜特別。但個香蕉蜂蜜冰沙幾好飲，香蕉味濃郁，有淡淡ge蜂蜜味，質感都滑溜。甜品要了香蕉朱古力pancake（$48）媽呀~上面球雪糕好鬼好食啊!