新沙洞大排檔 (大政街)

營業中

休息中

🙋🏻‍♂️餓底探員去咗大角咀調查呢間韓國菜，餐廳裝修充滿韓式元素，將韓國街頭大牌檔還原，店內播放著K-pop，恍如置身韓國街頭嘅大排檔，相當有氣氛🍆前菜🙋🏻‍♂️表示奉送多款前菜，有泡菜，醬茄子，柚子蘿蔔，芽菜等，餓底最愛柚子蘿蔔，食落爽口，酸酸甜甜好開胃🍙韓式醬牛肉紫菜飯卷 $98🙋🏻‍♂️表示個飯卷口感飽滿，食落有牛嘅鮮味，雞蛋嘅蛋香，青瓜嘅清新，最驚喜入面包住紫蘇葉，令個飯卷味道非常突出🧀甜薯芝士條 $65🙋🏻‍♂️表示個芝士條口感外脆內煙靭，入面包滿芝士，超強拉絲，味道香甜，又有濃郁嘅芝士味，非常香口🍗新沙洞炸雞（半份） $95🙋🏻‍♂️表示個炸雞炸到金黃色，口感香脆，肉質嫩滑，面頭淋上柚子醬，食落酸酸甜甜，充滿柚子果香🍜韓式炸醬麵 $98🙋🏻‍♂️表示個炸醬麵配上太陽蛋同青瓜絲，食落麵質滑順，炸醬口感軟腍，味道濃郁香甜，充滿韓式風味🔥火焰醬燒排骨 $188🙋🏻‍♂️表示個豬肋骨經過慢煮處理，配上秘製韓式辣醬，店員會將燒酒加入排骨然後點火，等火焰熄咗就可以食，食落啖啖肉，口感鬆軟多汁，充滿炙燒香味📈吃貨指數😋好味度 8.5/10🔙返啅度 8.5/10

舊式韓國大排檔裝潢，配以霓虹燈同Y2K色tone 既膠枱櫈，適合打卡！10月仲做緊優惠，預先電話訂座，可享以下優惠價：🔸韓式鐵板燒鰻魚 $98 （原價：$198）🔸新沙洞招牌醬油蟹拼盤配紫菜拌飯 $198 （原價：$288）但優惠不能同時使用！同問清楚供應時間！平日晚市去多數都有，晚市7點前離開仲有9折。一坐低，先送上六款前菜，比起其他韓國餐廳，款式、份量都多，頗有誠意。有薯蓉、柚子蘿蔔、荳芽、辣荳芽、辣白菜同茄子。🔸韓式鐵板燒鰻魚 $98 （原價：$198）會另外附上紫菜同燒汁。火喉夠猛，迫啲魚油出黎，滋滋響。睇著鰻魚慢慢卷起，再表面變金黃色，好療癒。鰻魚算厚身，入口油潤有彈性，包紫菜加添鹹鮮味，但小心有刺！🔸新沙洞招牌醬油蟹拼盤配紫菜拌飯 $198 （原價：$288）間中會自己買急冷醬油蟹，兩隻都要成二/三百蚊，所以見到呢個優惠價，即刻落單！蟹同蝦都有膏，肉質膠膠地，蟹肉入口即化，蝦就比較彈牙，調味唔會過鹹，將蟹蓋的蟹黃、生蒜片、辣椒加入紫菜飯，拌飯一流。🔸新沙洞炸雞 (甜辣味/半份) $88大概有6-7件雞件，炸衣薄，雞肉唔鞋口，甜辣醬甜味較重，正常發揮。🔸新沙洞炸物拼盤 $98

大角咀新沙洞大排檔以復古風裝修為主，亦沿用韓國大排檔環境作概念，門口貼滿海報，裡面有霓虹燈管令人目不轉睛💜💙💚✿ 新沙洞炸物拼盤 $98炸物拼盤有炸芝士條🧀炸紫菜粉絲卷、炸餃子🥟、炸年糕。芝士條裡面甜甜哋原來有蕃薯蓉🍠紫菜粉絲卷好正，兩樣野夾埋一齊原來系咁好味😋餃子豚肉加蔬菜大大隻有咬口。✿ 新沙洞炸雞全份(蒜蓉醬油味) $168新沙洞招牌炸雞可選甜辣/ 蒜蓉醬油/ 柚子，揀咗蒜蓉醬油，蒜蓉醬油味十足🤎雞肉大大件加醬汁夠入味。✿ 海鮮葱煎餅 $102最近食過一間韓國餐廳海鮮煎餅超級多蔥😵‍💫呢間海鮮煎餅好彩蔥吾會太多反而啱我。海鮮有魷魚🦑蝦肉🦐煎餅亦煎得好香口吾油膩。✿ 草莓牛奶配蜂巢特飲(2人份) $88飲特飲最怕死甜，事先remarks咗飲品想盡量少甜，餐廳好好完全做到👍🏼 草莓牛奶淡淡草莓味🍓香甜感覺為食咗炸物菜式解膩。蜂巢帶有濃厚蜜糖香🐝🍯