喜喜冰室 (已結業)

朕今日出外郊游遊，行經喜喜個中西MIX既門口，被其吸引住，決定試佢一試。入到去，完全係舊香港既感覺望望個舊飱單，Sorry係真係舊到爛左既飱單，有早午晚特飱，任你揀。黎到冰室最緊要叫杯香滑奶茶，識食就緊係食個炒蛋仲要多個通粉加多士，另外再叫個熱九同埋凍奶茶。炒蛋夠哂嫩滑，個蕃茄牛腩通，蕃茄味濃，牛腩夠冧，同埋份量都可以。仲有喜喜特色熱九，佢特色就特色在個包唔係開邊放條腸入去，而係中間開個洞，再放條腸入去，跟住再加紅蘿白和青瓜，個面再加啲白色既汁液（沙律醬）。食冰室最緊要杯奶茶，呢度杯奶茶香滑，又有茶香味。GOOD！！！同埋我係鍾意加"方糖"多過包妝糖，呢啲咪特色囉！！！除左好味仲有"冰室風味"－－－－－完－－－－－

呢間 喜喜冰室 個位置比較唔方便, 近保良局果邊, 所以都唔係好多人不過見到佢門口d單張幾吸引, 於是入去一試, d味道都唔錯 不過d野味道偏濃, 中意清淡的話可能會覺得太重味! 價錢方面, 都唔算好平, 但裝修都唔錯, 可以一試!入面d裝修都幾好, 舊式風扇, 鏡, 掛飾, 仲有呢d咁得意ge野 奶茶 - 真係好正, 奶味同茶味都好濃, 仲有好耐冇見過ge方糖, 不過d方糖冇咩味... 下次要問下有冇茶走先!!!炒蛋+多士 - 個多士吸引, 唔係是旦加d牛油比你食果d, 佢d味好好, 有誠意呀!!!炒蛋都ok, 不過原來有蔥, 唔食蔥ge要記得叫走蔥啦!免治牛肉蛋飯 - 呢個正呀, 好夠味, 仲有個黃浪浪下ge太陽蛋! 如果d免治牛肉再多d就正啦...芝士焗薯蓉 - 呢個叫野食加7蚊就有啦, 雖然都幾mini, 不過佢最好食wor, 夠滑, 又食到芝士味, 但又唔會好滯, 推介;)