ねずみの王冠 喫茶店

營業中

休息中

撘𨋢至最高樓層，再行一層樓梯，先黎到呢間隱蔽嘅日式cafe。室內佈置唔錯，問題係餐枱餐櫈都好矮，坐得耐會腳痺，伸直腳又會踢到對面個人。 因為座位逼夾，又同隔離枱距離好近，私隱度低，所以我哋快快脆食完就埋單走人了。1\原條蒲燒鰻魚炒飯鰻魚頗大條，亦好肥美。炒飯味道都好濃郁，有陣陣鰻魚醬汁味。若果炒飯同鰻魚一齊食，會少少蓋過鰻魚嘅鮮味。伴菜係沙律菜配日式芝麻醬同醃蘿蔔。沙律菜幾新鮮，可以幫忙清除口腔內濃濃嘅醬汁味，唔錯。2\日式廣島炸蠔廣島蠔唔算好大隻，外層炸得香脆，配上日本醬汁同檸檬汁，味道酸甜唔錯，值得一試。3\鹿兒島豬軟骨野菜鍋豬軟骨好淋、好惹味。 份量較light，同朋友當小食share比較好。*相片取自影片，解像度較低。總括而言，食物味道唔錯，份量輕盈。可惜因爲CP值較低，而且坐得唔舒服，所以回頭度低。

同朋友行完街, 佢之前已經諗定book埋去邊食入到黎既感覺好少女feel, 日式和式既裝潢佈置大部分都係大大張梳發位, 坐落好舒服, 仲有tatami, 多D人一齊黎都無問題仲有個corner 賣日本skin care叫左一個小食,兩個主菜share 食, 兩杯飲品食物好快黎, 朋友要原條蒲燒鰻魚炒飯, 同圖片合乎比例鰻魚長度長過隻碟, 魚肉油脂豐富, 肉身又夠厚蒲燒將醬汁融入鰻魚之中, 醬汁甜蜜味美日式廣島炸蠔, 炸粉幾薄, 炸得乾身唔油膩,口感香脆可口蠔都算新鮮, 幾鮮甜, 但廣島蠔黎講, 唔算大隻, 可能炸左縮細左神戶野菜牛肉鍋, 賣相幾吸引, 都幾多人食, 見隔離枱都食緊牛肉份量唔算多, 侍應將爐點火後, 等個鍋慢慢滾除左牛肉, 鍋入面仲有好多雜菜, 粉絲, 真係驚你唔飽呀朋友個杯焦糖鮮奶朱古力, 賣相幾靚, 係cream上面唧上焦糖漿佢地只用北海道3.7鮮奶, 沖出黎既鮮奶朱古力奶奶香幼滑, 朱古力味幾濃而我個杯係抹茶鮮奶, 比朋友個杯大D, 有淡淡的抹茶香

周末朋友又要開OT，唯有入黎觀塘同佢食。呢間餐廳喺工廈入面，入去時俾保安叔叔截住要登記身份證，我地明顯係「善男信女」黎，都要登記，佢真係好盡責吓。 Hamsta Crown Coffee喺工廈嘅頂樓 - 15樓，搭𨋢只可以去到14樓，出𨋢後行一層樓梯就到，樓梯口就有顯眼嘅餐廳廣告牌所以並唔難搵。一上到黎，就見到大大個門口。牆身係青綠色嘅毛氈，門牌係個色彩繽紛嘅木牌，大門都係木製，好似童話中的小木屋。從工廈灰白水泥牆感受到嘅冷漠感頓變為充滿咗回家一樣嘅溫暖感。仲掛住左啲餐牌添~下午茶餐:周末午餐:入門口左邊係水吧，擺滿咗包裝色彩繽紛嘅各式西式茶葉、咖啡、茶杯。右邊就有一個小小購物區，裡面售賣嘅主要係美顏化妝產品例如面膜、眼霜、洗面乳等等。店舖雖小但產品種類都幾多，等上菜或餐後逛就啱晒。整間餐廳嘅佈置帶出嘅感覺係非常柔和同簡潔：燈光係柔和嘅暖色燈；牆身係米白色，掛住啲有寓意嘅畫；地板同餐桌同係木製；座椅係暖色嘅西式梳化椅，仲有一張餐桌係喺榻榻米上，啲座椅係可供跪坐或盤坐，連窗簾都係日式捲簾，洗手間都好乾淨企理。整體佈置得非常細緻有心思，令食客更感受到家嘅溫暖和諧感覺。連榻榻米都有法式洋蔥湯