JOMO Kitchen & Health Hub (已搬遷) 新店位置

喺朋友嘅邀請下，終於擴展美食版圖至將軍澳，原來海傍而家開滿餐廳，假日人頭湧湧，今次去嘅係Jomo嘅分店，特別之處係室內一半係cafe，一半擺滿健身器材，另外cafe設有室外位置，不過烈日當空，大家都寧願排室內位置。將軍澳店無論甜品定主食都比西環店選擇多，亦坐得比較舒服。🍽日本煙燻手撕豬肩肉漢堡 Smoked Japanese Pulled Pork Burger賣相極吸引，餡料由上到下分別係太陽蛋、醃青瓜、手撕豬肩肉、牛油果蓉同蕃茄，豬肩肉完全唔鞋，醬汁甜甜地帶濃煙燻香，牛油果蓉嘅份量都頗多，但係個豬肩肉嘅醬太濃味，牛油果蓉喺度嘅存在感唔高，整體黎講味道好豐富，可惜太多汁個包淋左啲。蕃薯條唔係現成深橙色嗰款，感覺味道天然啲。🍽手打意粉配黑松露忌廉醬 Homemade Pasta with Black Truffle Cream Sauce ($128)醬汁非常creamy，好香黑松露味，有唔同品種嘅野菌，手打闊條麵幾煙韌，相當唔錯。份量偏少但忌廉醬食食下會膩，都唔會食唔飽。🍽生可可撻 Raw Cacao Tart ($58)用椰子奶製成嘅純素甜品，撻底有啲堅果碎好有咬口，可可濃度頗高，

JOMO將軍澳分店開係海傍隔離，分左用餐區同健身室區，想chill啲可以坐室外添，環境真係幾舒服唔錯.呢度既戚風蛋糕真係幾好食，鬆定之餘彈得黎又夠濕潤，柚子味都好突出；焙茶cheesecake味道比例好平均，鐘意茶味濃啲既一定要每一啖都連埋佢個焙茶醬食，點少少已經好濃，中和返cheesecake膩.玄米茶不過不失，勝在影相幾得意；咖啡梳打同平時飲開既有少少唔同，偏向檸檬酸味，都唔係幾taste到黑糖香

某星期四放假，窩夫一個人去吃了一頓悠閒的午餐。位於將軍澳海旁的JOMO Kitchen & Health Hub環境優美，難怪假日會大排長龍。餐牌有三頁，第一頁是飲品，有咖啡、茶和特飲等，比較特別的要數陳皮普洱。第二頁是甜點，JOMO的戚風蛋糕一向很受歡迎。第三頁是Weekday Brunch Menu。窩夫點了手打意粉配黑松露忌廉醬($108)，手打意粉比平日常吃的乾意粉好吃得多，蛋香較濃，口感亦較彈牙，黑松露忌廉醬的厚度適中，均勻地掛在手打意粉上，份量剛剛好，整碟意粉的質素很高，唯一扣分位是餐碟崩了。飲品方面，點了一杯Flat White(正價$40/平日跟餐加$20)，水準不俗。吃完意粉，坐了一會，再加了一件日式焙茶芝士蛋糕($52)，小小花瓣的點綴令賣相更吸引，芝士蛋糕的焙茶味香濃，但不會蓋過芝士味，質感幼滑，窩夫很喜歡。