i CREMERiA Café (已結業)

位置好方便，就係係朗豪坊入面我係平日下午去，行街行到攰搵間cafe坐下～收銀的兩個服務員好nice，笑容親切我叫左個2人Tea Set, $198 既日式雜錦輕食，咩都試下咁野飲嗌左杯熱朱古力～野食好快就到喇，杯熱朱好飲，唔會太甜，我鍾意上面層泡同朱古力粉，有少少朱古力既澀味，唔同一般既餐廳既朱古力只有甜味個輕食盒我最鍾意係個綠茶mix牛奶雪糕，超級滑，有香濃既牛奶味，唔會太甜又唔會太苦，味道剛好！件蛋糕有濃濃芝士味，幾creamy, 蜜瓜幾甜，而個sandwich 內有牛油果，超正其實呢個Tea Set真係幾好，可以試幾款唔同既食物～間Cafe有室外室內座位，真係可以係度渡過休閒既下午餐具好靚好有心思，影落好有公主風，好岩打卡，約埋一姐姊妹黎食

期待左好耐既high tea終於都有得食啦，梗係要試佢最豐富既日式雜錦輕食。其實都有爭扎過，因為見到佢新出既北海道赤肉蜜瓜雪糕、純金北海道牛奶雪糕同日本直送晴王芭菲都好吸引，不過始終決定試左佢打響明堂既日本蜜瓜先。日式雜錦輕食一送到黎就吸引住我既目光，食物分別放係六個小盒，可以話係咩都有齊。我唔太肯定食有冇次序之分，我由雪糕開始食起。雪糕可以揀牛奶味、抹茶味或兩溝，我揀左抹茶味。抹茶味好濃，最上面仲有金箔，好高貴啊﹗第二我食日本時令水果，今次有哈蜜瓜同奇異果。哈蜜瓜淡淡地幾清新，奇異果就好甜，而且神奇地入口即溶。第三食什菜芝士三文治，我覺得呢個時候食幾好，個味道轉變好大，三文治芝士味好出，可以叫做清一清個口腔。跟住食紅豆、白玉丸子同蜜餞粟子，一口食晒咁多樣野好滿足，有甜有淡又有咬口。之後食抹茶芝士蛋糕，好好食啊，抹茶濃芝士又RICH。最後食茶大福，好煙韌，裡面好似仲有啲紅豆碎咁。飲品我揀左抹茶拿鐵，抹茶控真係可以成個TEA SET由頭到尾都有抹茶陪伴，正啊﹗

其實上次已經試過呢間鋪頭嘅雪糕，今次係假日就想輕輕鬆鬆試埋佢嘅下午茶tea set。如果食甜食既佢有五個選擇，其中價錢最貴嘅有一個係有兩杯野飲。我哋就要左呢一個日式雜錦輕食配飲品兩杯。不過提醒大家！我哋問店員飲品係咪只有餐牌個八樣，其實原來唔係！佢仲有抹茶薑茶同埋柚子等幾款飲品，只不過因為餐牌寫唔晒所以先至只有八項大家去到記得留意仲有其他飲品可以選擇唷！我哋都好好彩問聲咁就可以飲到鍾意嘅抹茶🍵！先講咗飲品我哋就叫咗抹茶拿鐵同埋泡沫咖啡都係要凍嘅。抹茶拿鐵真係好好飲，因為第一啖飲落去已經有好香濃嘅抹茶味道，帶點苦澀，咁嘅抹茶先係最好飲！另外裏面仲有少少紅豆，份量唔多唔少啱啱好，唔會話太多太甜，紅豆嘅小小甜配上抹茶本身的回甘，所以呢兩樣野通常都一齊就係咁解，得到平衡之後可以互相輝影。泡沫咖啡都好香濃幼滑，其實食咁多甜品飲返一啲唔係太甜嘅飲品就係最好，可以平衡返味蕾。咁個T set有六種嘢食。雪糕係可以揀綠茶、牛奶同埋混合。之前食過呢兩種味，覺得綠茶好食過牛奶🥛，原因都係同上邊講嘅一樣，而牛奶就太甜同埋牛奶味不足，不像北海道3·6牛乳，所以今次個雪糕都係要全綠茶味🍵😘另外個雪糕🍦上面仲有金箔

繼早前去呢間Cafe試過兩次雪糕之後，因為覺得好好食，所以今日專登去朗豪坊試吓佢嘅tea set，去到覺得個環境幾高級，裝修得好靚好高貴，而且都幾多人幫襯店內擺咗好多蜜瓜甜品嘅裝飾，好吸引人我哋好好彩坐到梳化位,可以慢慢品嚐，而且望到戶外嘅環境，好適合幾個女仔一路傾計一路食tea 甜品控一定會好瘋狂，因為有好多選擇，又有雪糕又有蛋糕🎂，仲有好出名嘅金箔雪糕、蜜瓜雪糕等等如果大家想食鹹野，仲可以揀意粉、通粉、飯等等，總有一樣啱你食下午茶時段我就梗係揀tea set啦，每一款都有甜品加飲品，而餐具都好有lady嘅感覺Tea set 有六款甜品，包括抺茶芝士蛋糕、自選雪糕、紅豆丸子、水果、茶大福同雜菜芝士三文治，雪糕上仲有金箔㗎！係咁大個女第一次食金箔，覺得好矜貴啊我最愛就係菜大福，除左好煙un之外，裡面仲有混入茶葉嘅內餡，充滿茶香個人認為牛奶雪糕味道偏甜，但好軟滑另外呢款tea set 會包兩杯飲品，我地叫左一杯凍抺茶拿鐵，呢杯飲品好出色，因為綠菜味十足，口感好滑，仲有紅豆係裡面而另一杯係熱生薑蜂蜜，飲落似柚子味，好清香週末能夠享受咁悠閒嘅下午茶真係好難得，甜品質素有保證，而且環境又靚，服

適逢星期三假期又就到另一伴放假日子一於就帶佢去呢間佢想食好耐既Cafe Hi下Tea啦！呢間位於朗豪坊4樓既熱鬧位置開放式Cafe同埋採用雲石枱而環境滿佈綠葉做裝飾幾有歐陸風格下午茶都有幾多特式甜品野食我地兩個最後叫左個日式雜錦輕食另加抹茶拿鐵同埋日本玄米茶日式雜錦輕食採用左6格小方木盒感覺幾精緻而個Tea Set有時令水果、茶大福、什菜芝士三文治、抹茶芝士蛋糕、自選雪糕、紅豆、白玉丸子同埋蜜餞栗子都有唔少野食幾多款式時令水果有草莓同哈蜜瓜香甜食落唔會好酸茶大福口感似和果子煙煙韌韌的好香抹茶味什菜芝士三文治裡面有我至愛既牛油果🥑採用左麥包製成感覺幾健康抹茶芝士蛋糕抹茶味好濃而芝士蛋糕同抹茶亦係唔錯配搭自選雪糕揀左雲呢拿Mix抹茶奶味重之餘抹茶味亦好香配合埋紅豆一齊食亦係絕配凍抹茶拿鐵香滑之餘抹茶味夠香濃而個底既紅豆亦滿滿的飲落幾有層次日本玄米茶有淡香玄米香如果有多一包茶包濃味啲會更好