新泰東南亞餐廳 (興旺閣)

營業中

休息中

進入餐廳時，已見有很多細檯已坐滿， 本以為要等， 突然店員叫我們上楼上坐。 原來樓上的環境跟樓下有很大的分別！ 但由於肚餓，所以，先點食物，後再欣賞環境。1）泰式菠蘿炒飯$118.-~ 味道真的一般，菠蘿又少、也見不到有什麼肉，飯也少；連隨餐伴碟的腰果都淡而無味道，真的談不上是炒飯，都不太想食。2）東蔭功海鮮金邊粉$78~ 反而，這個東蔭功味道不錯，料雖然不是很多，但都算是合格。3）日本南瓜焗海鮮飯$118~ 沒想到這個南瓜飯，無論是賣相和味道給我們很大的驚喜！南瓜很甜，味道也很好，可以說是優勝過👆菠蘿炒飯😅！4）泰式去骨海南雞（半隻）$128~ 味道和肉質真的一般，可以說是：正常，沒有甚麼特別或特出的地方。5）泰色炒雜菜$75~ 有西蘭花、芥蘭、粟米芯、紅蘿蔔愛、草菇等等炒埋一碟，味道淡淡，可以說是一般，也沒有甚麼鑊氣可言！6）泰色甜品小拼盤$88（8件）~ 分別有：椰汁西米糕、椰汁糕、斑斕千層糕，另外是疑似用糯米造的椰青班戟，每款有2件。我覺得最好吃都是椰汁西米糕👍😋、另一款就是椰青班戟，顏色是深啡、但糕是暖暖的，椰汁味也很濃！其餘兩款，味道都是一般，普通的的甜糕品一樣。~ 這裡

舊同事即將移民, 約出黎聚下, book咗灣仔呢間泰國菜新泰, 多年來曾經幫襯多次, 食物味道質素值得一再encore!餐廳樓高三層, 環境裝修富有泰國時尚風格, 每晚幾乎全場滿座, 多年keep得住人氣。Menu款式多, 我地點咗幾款share回味。醃無骨鳳爪沙律: 無骨鳳爪有軟筋連帶, 夾集洋蔥絲、蔥絲、茜芹絲、車厘茄, 加入了酸辣汁平均撈起, 爽口鳳爪軟筋配合唱口嘅配料, 酸酸辣辣又有層次, 好開胃。每次黎都必點!日本南瓜焗海鮮飯: 原個南瓜裝住個海鮮飯, 面層芝士可以拉起絲, 配搭豐富, 包括有爽口嘅蝦、墨魚、大大隻青口, 以炒飯做底, 大量南瓜汁能將整個飯撈起, 令飯質濕潤, 當中亦加入了好林、近似南瓜蓉嘅南瓜粒, 每啖都有南瓜嘅清甜, 南瓜盅內仲有少少南瓜肉, 可以刮埋黎食, 兩個人食, 已經好飽肚。原個椰青大菜糕 : 大菜糕充滿清甜椰青味, 味道很清新, 夾集了多片林中帶微爽嘅椰青肉, 正!

自實施晚市禁堂食近兩個月, 放寬後更係約埋三五知己出黎飲飲食食聚下。今晚又再去"新泰"食泰國菜, 第一次幫襯灣仔大王東街分店, 又再品嚐左餐令眾人讚口不絕嘅泰菜! 餐廳內裝修環境富有泰國style, 平日晚約7點多, 2樓已經坐滿食客, 可見餐廳人氣。菜式選擇多, 一般普遍泰菜都有, 今晚就點左好幾個菜式share【無骨鳳爪沙律】HK$68冷盤無骨鳳爪連軟筋很爽脆, 整個沙律酸味味, 令人愈食愈開胃。【鴨肉生菜包】HK$78鴨肉碎keep到肉汁食落唔會太乾身, 跟泰式香料炒起, 辣辣地又香口, 新鮮生菜片包住食, 不但中和辣度, 更增添清新感。 【日本南瓜焗海鮮飯】HK$118南瓜盅內放入了海鮮飯, 海鮮包括有爽口蝦球、魷魚、青口, 炒飯底, 飯粒粒粒分明,  南瓜汁加入左些少芝士, 個汁撈起後, 飯質變得濕潤, 配上口感好林嘅粒粒南瓜肉, 每啖都食到南瓜嘅清甜。 【原個椰青大菜糕】HK$68大菜糕味道清甜, 同時又食到片片嘅爽脆椰青肉, 呢個甜品能體現出椰青嘅精髓, 正!