SuperNormal (淘大商場2期)

營業中

休息中

當日我同朋友嗌咗個二人餐，有湯有沙律，有兩個前菜，食到勁飽😋不過太肚餓了，所以淨係影咗幾樣嘢食🤣🤣➼ 法式牛肉批 我哋嗌之前都有問個Staff其實姐係咩嚟，佢係咁話鹹鹹地好好食㗎！咁我哋就抱住個試新嘢嘅心態揀咗呢個！一開頭我哋仲諗係咪上錯咗🤣因為勁似午餐肉🤣佢係有層薄薄地嘅酥皮包住舊睇落似午餐肉嘅牛肉邊，牛肉食落個口感真係好似午餐肉！但食得岀係牛肉嚟嘅！我會形容佢係用牛肉做嘅好味午餐肉！😂➼ 肉眼牛扒配松露汁 佢個賣相真係好普通🤣但我哋唔可以只在乎外表㗎嘛！牛扒唔會好韌，算幾易切，肉質都好嫩滑！👍🏻個松露汁都好香，唔會太過濃味而蓋過咗個肉味，非常好！➼ 日本池魚仔 呢個好似係得二人餐先有😋佢係炸到有少少脆口嘅魚仔，不過我朋友話唔太喜歡個口感，因為咬落去會仲Feel到啲魚骨，但我唔抗拒呢樣嘢，所以覺得好好食☺️差唔多係我一個人清咗成碟咁濟🤣

在九龍灣一帶想與家人慶祝生日，睇睇OpenRice的食評，發現淘大商場內的superNormal餐廳非常多人讚好，即刻用OpenRice apps 訂枱。我哋按約定時間8點15分到達餐廳，職員表示平日客人量少，沒有限定逗留90分鐘的安排。晚上的餐牌可供選擇的款式不多，我哋點了一個二人套餐加一客牛油蜆肉鍋配蒜包及半公升1664 blanc。頭盤忌廉野菌蘑菇湯和二片蒜茸包，湯是*凍*的，蒜茸包過火有燶味，非常失望😩。日本池魚仔熱度不足又太鹹日本櫻花蝦蟹肉沙律非常好味，材料非常新鮮，櫻花蝦蟹肉配沙律菜在任何時間都係最美味燒刺身級油甘魚配飯，賣相唔錯。飯團外脆內軟，油甘魚太熟令肉質太韌，失敗。牛油蜆肉鍋配蒜包非常鮮味，只是欠缺牛油香味帶子龍蝦汁意大利飯是最好的菜式，帶子煎到外皮少少脆，龍蝦汁味道非常鮮，好丁香肉桂檸蜜淡淡的肉桂香味配合檸蜜的清甜，平衡食物的鹹味

同朋友搵食搵到去九龍灣淘大，想簡簡單單坐低吹下水，所以揀左呢間西餐廳SuperNormal 。餐廳入口係淘大商場外，面積唔算好大，標準港式西餐小店格局。.見晚市二人套餐選擇都幾多，牛羊魚意粉飯樣樣都有，無懸念地選擇左套餐。.晚市二人餐 💲398/2人⭐️3.8/5.小食 - 日本池魚仔日本池魚仔係炸上跟左蛋黃醬。炸版池魚第一次食，有啲似細小版既秋刀魚。作為開胃前菜佢嘅份量都好多。上檯熱辣辣好香口唔經唔覺傾吓計就食晒。.前菜 - 法式牛肉批係沙律同牛肉批中間做個選擇，無懸念之下揀咗牛肉批因為未試過。呢份法式牛肉批格局好似威靈頓牛扒：面係酥皮，中間有啲似係大版Cold Cut凍肉咁樣。批都係凍凍地食，呢種食法都幾新鮮。.餐湯 - 蘑菇湯配蒜蓉包蘑菇湯有少少淡，但係個蒜蓉包有超濃蒜蓉味，烘得好香脆救番晒啲分數。兩樣夾埋食啱啱好。.主菜 - 燒刺身級油甘魚配飯團肉系主菜三揀一，有魚有羊有牛，因為怕食唔晒同埋想健康啲所以揀咗煎魚扒。今次冇揀錯，呢個主菜係今晚嘅VIP。首先煎香左油甘魚魚香味好重，個皮焗到好脆但魚肉鬆軟唔鞋。魚扒唔油膩又香口，仲要份量唔少有兩大塊，結果最終食唔哂要打包😂。主菜配埋飯團

多得💃🏻群組，大家又無得堂食啦☹️ 不過係絕對無阻我食好西😤 SuperNormal我唔係第一次食，試過堂食，今次外賣既水準依然keep到喎!! 二人套餐仲好抵食添🤤二人套餐 $398前菜: 日本櫻花蝦蟹肉沙律好喜歡佢調較好既沙律汁，酸酸甜甜好惹味!! 仲好多櫻花蝦同蟹肉，鮮味十足🤤是日餐湯+蒜蓉包主菜A: 燒刺身級油甘魚配飯團刺身級油甘魚好嫩滑，得1條大骨，好厚肉!! 配合甜甜地既燒汁，好正👍主菜B: 黑松露野菌扁意粉意粉比較乾身，更食到黑松露既香味😍野菌都炒得好香，同黑松露好夾!!附送日本池魚仔一份炸日本池魚仔好香口，炸得好香脆又唔會好油😋 係有些少軟骨，不過絕對係可以吞埋的😎飲品2杯 (咖啡/檸茶/汽水)我仲嗌左一個煙三文魚蟹籽忌廉天使麵 ($110) 又係我至愛既組合😍 天使麵我比較少食，原來同煙三文魚、蟹籽都幾夾!! 仲有海量菇、三色椒，口感超豐富😋

有一段時間冇過嚟淘大食嘢，今日同朋友嚟呢間酒吧餐廳，地方唔算好大，暗昧嘅燈光增添氣氛，另外有兩張室外餐枱。晚餐主要係散叫同埋有一個二人餐，為咗唔使煩就梗係食set算啦！套餐包1分日本池魚仔，有啲似細小版嘅秋刀魚，外表烤得香脆，有沙律醬可以點，每人都有三四條，味道唔錯。另外都仲有一個前菜，可以揀櫻花蝦蟹肉沙律或者法式牛肉批，我哋就揀咗牛肉批。其實就有啲似酥皮包住厚切火腿，感覺唔似食緊牛肉，但我都幾鍾意食，個底仲有沙律菜添。是日餐湯係蘑菇湯，不過味道偏淡，蒜蓉包每人一塊 ，香脆可口。主菜有A B兩個，A款選了「燒美國頂級肉眼牛扒配松露汁（12安士）」，雖然唔係好厚切，不過面積都算大，肉質柔軟。還有一舊炸芝士伴碟，幾好味！B款點了「俄羅斯汁烤雞焗飯」，似蕃茄洋蔥汁，雞肉都幾多，有菇、洋蔥絲、紅椒等配料，應該係即叫即焗，熱辣辣上碟，味道唔錯。二人餐亦包兩杯飲品，可以揀咖啡茶或汽水，亦可以加$12轉特飲。

網絡雜誌曾介紹過的一間抵食西餐廳剛巧約了朋友到九龍灣便決定一試晚市除了單點的餐牌外，還有二人套餐根據不同主菜而價錢有所不同選擇了中價的二人餐 - $438日本池魚仔炸到金香鬆脆連骨也可進食魚味較濃，肉質嫩滑法式牛肉批有點像威靈頓牛排，以酥皮包著烤焗再切件牛肉批午餐肉，但口感截然不同極具彈性，充滿濃郁的牛肉味酥皮的牛油香正好中和微微咸味是日餐湯 + 蒜蓉包忌廉薯仔湯除了忌廉味濃郁，還能喝到些少薯蓉，較有口感蒜蓉包焗得很酥脆，散發出陣陣蒜蓉香香草薄荷汁焗法式燒羊架兩隻羊架各有兩根骨頭，肉身特別豐厚，充滿肉感以迷迭香烤羊架，帶點茶香和微辛辣味，肉質嫩滑多汁本身亦不重羊羶味，香草薄荷汁更能辟去羊羶味，同時提鮮帶子龍蝦汁意大利飯特大的帶子，外脆內鮮甜，充滿牛油香，更有提鮮作用龍蝦汁非常香濃，幾乎滿溢意大利米粒質地較硬身，更能吸收湯汁精華，馥郁香氣良久不散跟餐配凍檸茶 + Coke Zero

其實九龍灣都係一個美食天堂，今日就約咗個住喺三彩嘅朋友去咗淘大搵食，朋友就話一齊去試吓呢間Super Normal。 因為第一次嚟，大家都冇乜idea，所以就索性揀個二人套餐。例牌先來一個餐湯同餐包，今日嘅餐湯係番茄忌廉湯，佢做得比較淡口，朋友就稍嫌淡味，但係我呢位三高人士就非常喜歡，因為我比較鍾意原汁原味。麵包方面，係蒜蓉牛油法包，暖暖哋亦都非常脆口，用嚟送餐湯超級好味。特別要推介呢個日本池魚仔，大條得嚟又冇骨，可以成條食，用嚟佐酒一流！呢個櫻花蝦蟹肉沙律個配搭都幾得意，沙律菜上加上蟹肉同埋櫻花蝦，再加啲日式沙律汁，非常清爽嘅感覺。我同朋友都好鍾意食牛，所以主菜就揀咗牛扒，牛扒超巨型，因為係肉眼扒，所以肉質比較淋身，上面已經加咗少量黑椒香草等調味，所以其實唔使落扒汁都已經好好味。另外仲配咗一件小小嘅蝦餅，份量不多但亦香脆，同埋一啲雜菜伴碟，佢嘅雜菜係有用牛油特別烹煮過，所以比一般嘅伴碟菜零捨好味。另外仲點了一個龍蝦汁帶子意大利飯，佢有兩粒煎香咗嘅帶子，另外飯入面都有爽口嘅蝦肉，好喜歡呢個配搭。最後我哋揀咗兩杯特飲，分別係菠蘿荔枝梳打同薄荷青瓜青檸梳打，菠蘿荔枝特飲就比較清甜，而青瓜薄

Supernormal位於淘大花園範圍內，入邊食街，就近九龍灣地鐵站，相當方便。supernormal我都算係常客，好多時Happy Friday都會約埋朋友係呢度啤一啤🍻。店內有bar枱同普通餐桌，坐位舒適，尤其高身bar枱。今晚同朋友order左二人套餐：🥢前菜：日本櫻花蝦蟹肉沙律🥗，沙律菜非常之新鮮，爽口，蟹肉同櫻花蝦份量好多，啖啖都食倒，配埋個芝麻醬，酸味味好醒胃。🥢日本池魚仔，炸得好乾身，好香口，池魚條條肥嘟嘟，啖啖肉，味道有d似食緊多春魚。🥣餐湯 - 係我最鍾意嘅蘑菇溶湯，菇🍄味濃郁，配埋個熱辣辣，脆卜卜嘅蒜蓉包，簡直絕配。🥢主菜 A - 燒美國頂級肉眼牛扒配松露汁，嘩，牛扒五成熟，剛剛好，牛扒諗滑好有牛味，中間部份帶有油花位置，就更有咬口，牛味更香濃；配菜亦好豐富、最有驚喜係塊薯餅，咬落去面頭脆脆的，入邊原來係薯溶黎架😋，好creamy。🥢主菜 B - 黑松露野菌扁意粉🍝，意粉一上枱，已經聞倒極之香濃嘅松露味；意粉軟硬度亦適中，整碟意粉做得好乾身👍🏻，唔會話掛倒好多汁，所以唔會食到好溜咁。🍹餐飲 - 我哋加錢order左特飲🍹奇異果🥝梳打，味道帶小小酸，好清新🍹蜜桃🍑蘋

今日約左朋友係九龍灣食飯，朋友推薦呢間西餐廳，話好好食，所以收工就過左去淘大花園～係淘大都兜左一輪先搵到間鋪。。。好鬼大，又多唔同野食。因為我地都算早，7點前過到黎而且book左枱，愈食就愈full。。。就算平日夜晚黎都最好要book定枱安全啲呀！我見餐牌其實唔算好多選擇，主菜，飯，意粉之類，每種都係得幾款。反而又係cocktail個頁比較吸引我，不過今日唔想飲酒，下次先試～因為唔想諗既關係，我地揀左食二人餐。先黎日本池魚仔，佢炸得好香脆，外面乾身，唔會覺得油膩。調味ok，少少咸，其實都夠哂味。跟住係法式牛肉批，本來想食沙律既，但見未試過呢個牛肉批，所以就揀黎試試。個餡既牛肉都幾特別，佢似係將牛肉調味之後打成蓉整既。味道同口感都幾得意，帶少少香草味，又有啲似肉餅。不過酥皮麻麻，太淋了。食完兩個前菜之後就黎左湯同餐包。是日餐湯係南瓜湯，南瓜味幾重，入口算滑，但入面仲有少少南瓜蓉，我幾鐘意呢個湯。包方面夠熱，中間位仲係軟熟，而且係蒜蓉包黎添，好食！主菜我地揀左香草薄荷汁焗法式燒羊架，呢個好好食！我揀左7成熟，佢煮得岩岩好，肉質又好，唔會鞋，仲有啲彈性。而且佢羊既膻味係比較重，呢點我好鐘意。

星期四同朋友去左淘大睇完戲，之後去左搵下有咩野好食。淘大近幾年來多左好多唔同種類的餐廳，有日式、韓式、西式等，最後我地簡左西日合壁的餐廳 - 『SuperNormal』。『SuperNormal』有好多餐種選擇，不知如何入手，所以簡左相對上多野食同便宜的二人餐。餐飲點了咖啡同喝下去十分清新的凍檸茶。是日餐湯係滑一滑的忌廉湯，飲落粟米味幾濃又帶點甜味，十分適合連同好食又香脆的蒜蓉包一齊食用。法式牛仔批，外面用左酥皮，牛肉口感似午餐肉，十分特別。日本池魚仔，池魚仔炸到好似薯條咁香脆好味，但唔好因為好食而食得太快，因為入面有好多骨，要小心魚骨梗喉!燒刺身級油甘魚配飯團。魚排肉身厚、飯團結實飯粒粒粒分明，它們配上特製醬汁和檸檬汁食用，會有不錯的效果。帶子龍蝦汁意大利飯。帶子大大粒，而龍蝦汁意大利飯很濃很入味，但食左幾口飯之後，味覺會開始麻目。所有料理配搭特別,一D都唔普通。