La Serre

營業中

休息中

觀塘海濱公園旁邊有一間好吸睛嘅玻璃屋，入夜嘅時候開晒燈飾好靚好浪漫💕 打卡飲酒傾吓心事都好適合！有得揀室內或室外座位，部份日子仲有live music表演欣賞，嚟飲返杯拍吓拖吹吓海風勁chill！▫️餐廳自家製餐包，熱辣辣好好食🥰▫️西班牙小辣椒 $68-第一次食西班牙小辣椒，估唔到一啲都唔辣，有少少似食緊青椒，加咗黑椒同埋鹽咬落去脆脆地，用嚟餸酒唔錯幾好味😋▫️日本花魚一夜干飯 $220 ⭐️-必食推介🫶🏻 非常厚肉同大條嘅花魚一夜干，用咗香草🌿黑椒&鹽醃過魚皮，燒到魚皮好香口，魚肉仲係嫩滑而且厚肉，魚骨都唔算好多。-花魚下面係鑊仔飯，有少少似煲仔飯有飯焦香，惹味👍🏻▫️燒法國鴨胸 $198-厚切又軟嫩嘅燒鴨胸，口感唔錯👍🏻配菜有燒南瓜、大啡菇、炸薯角等等。配上燒汁味道幾好。🍺Love Craft The Deep Ones (Cold IPA) $88🍸Vegan Sangria $98(Cranberry Juice, O.J, Pineapple, Grenadine Syrup, Vodka)-我想飲杯果味較濃嘅Cocktail，最後店員員建議我將呢一杯Mocktail加酒💕 有好多隻

朋友帶左我黎觀塘海濱嘅LA SERRE食西餐，呢次我地揀左煙三文魚，牛油果，黃菜頭，羅馬生菜沙律($128)、日本花魚一夜干飯($220)、烤美國頂級肉眼扒12安士($268)、VEGAN DAIQUIR($78)、PUSSY PEACH($78)內裡時尚裝潢同埋溫馨嘅燈光，營造出一個放鬆同舒適嘅用餐環境，或者仲有戶外座位可以選擇😉先送上餐前麵包煙三文魚，牛油果，黃菜頭，羅馬生菜沙律：首先登場嘅係呢個色彩繽紛嘅沙律🥗煙三文魚份量都幾多，佢嘅鹹香同牛油果嘅醇厚幾匹配，黃菜頭帶來微微清甜，加埋羅馬生菜嘅爽脆同蕃茄仔嘅香甜，沙律黎講佢都幾豐富😋烤美國頂級肉眼扒12安士：我地落ORDER揀左5成熟，12安士嘅份量嘅肉眼扒，外層燒得少少微焦金黃色，內裡仍然保持多汁同柔軟😍每一刀切落去都感受到肉汁四溢，味道豐富，絕對係今餐嘅重頭戲🤤伴碟嘅薯菜都幾香脆，而茄子、翠肉瓜等都烤得唔錯👍🏻日本花魚一夜干飯：整條花魚一夜干足足放滿成隻碟上面，魚肉肉質細嫩而又鮮味，不過食嘅時候記得小心D細骨。而下面米飯吸收左當中花魚嘅味道，另外加入左D椒粒作調味，再加埋少少飯焦香，每一口都充滿驚喜，整體夠香口滋味😋VEGAN

難得男朋友星期五放假，他等我收工同我去觀塘海濱食飯談心。他揀了呢間好有情調的餐廳，玻璃屋外吊晒吊燈，好靚呀！餐廳有內外兩個用餐地方，我好想望住嗰海和吹吹海風，就揀了坐外面，好chill 呀！菜式有前菜、主菜、晚餐、二人套餐、小食、甜品等。我地要咗兩大份主菜。所點的菜式未上場之前，先給兩個迷你包($0)，都係熱烘烘，外微脆內軟熟，好食!嘩！軟殼蟹牛油果墨西哥薄餅（$178）好有份量，柔韌的薄餅夾住香滑嘅牛油果和大大隻軟殻蟹。軟殻蟹炸至金黃，非常脆口，仲幾厚肉，加埋啲芒果蕃茄沙沙醬，酸咪咪更好食。旁邊嘅沙律菜好清新，配炸物就好夾。日本花魚一夜干飯($220)是西日混合製法，很有創意！米飯加入三色椒、香草，焗到邊位好似煲仔飯的飯焦，香脆可口，乾身唔油，味道又香又入味。大大條花魚好有味噌香，味道鹹香，皮脆肉嫩，好食！飲品有咖啡、茶、果汁、汽水、紅白酒、無酒精雞尾酒、雞尾酒、香檳、威士忌等。我要杯Italian Chocolate Milk Shake ($98)，以Baileys, Kahlua, Frangelico, Chocolate, Milk調製而成，酒味香濃，同朱古力好夾，飲到我好