名捌月 (已結業)

今次吃貨們去到荃灣食西餐依間餐廳係外面睇覺得裝修都幾吸引入到去後覺得好warm~侍應好有禮貌好細心我地叫左個二人餐 $498+1有餐湯、沙律、小食、2個主菜、野飲、甜品仲有得任食出面沙律bar~個沙律bar一d都唔hea都算多選擇又新鮮, 連甜品都係任食架今日餐湯係西蘭花忌廉湯好creamy好有西蘭花既味道餐包係暖暖的有烘熱過👍🏻凱薩沙律既菜好新鮮 賣相靚味道都一樣好~之後有黑松露芝士醬薯條見到都流口水🤤好鍾意食粗薯條~只係有d唔夠脆紅酒汁牛舌有2大塊食到依度都飽飽地啦…之後上主菜既日本霜降牛扒要左五成熟佢都真係做到👍🏻肉質鮮嫩肥瘦適中 個牛扒醬又好味卡邦尼長通粉就比較普通調味不太夠 我覺得淡味不過以港式西餐黎講都幾滿意架啦二人餐真係非常抵食( ´▽` )😋 味道：★★★★☆💰 價錢：$$

食左二人餐 $498 勁多野食，好抵食👍🏻包咗沙律+湯小食2樣: 黑松露芝士薯條+香煎牛舌配紅酒汁主菜2樣: 日式霜降牛扒+卡邦尼長通粉仲要有埋甜品同野飲😍😍😍前菜新鮮👍🏻👍🏻👍🏻忌廉湯還好👌🏻👌🏻👌🏻黑松露芝士薯條 好重芝士味反而無咩黑松露味🤣卡邦尼意粉 個汁稀左啲 少少美中不足🙈🤣日本霜降牛扒 有牛味 熟度剛剛好 最欣賞呢碟菜👍🏻👍🏻👍🏻個人認為最有心思係 個配菜其實唔只薯條 而且仲有一個好似雀巢仔嘅伴碟(碟醬隔離嗰舊金黃色雀巢) 裏面其實係紅菜頭蓉 幾特別 同好細緻

早前有一位住在元朗的同事一直跟我說, 他家附近的”夏捌月”西餐廳, 性價比很高, 著我一定要帶太太去試試… 但礙於元朗對我來講, 實在是有點遙遠, 因此我一直也沒有機會嘗試… 但最近聽同事說, 這家餐廳在荃灣開了分店, 於是我便趁著拍拖紀念日, 帶同太太親臨這家同事推介了很久的餐廳…看過餐牌後, 我們選擇了二人餐…首先上場的是個龍蝦湯+凱撒沙律, 由於我不愛渴湯, 所以我沒有試味, 但太太說個湯龍蝦味十分香濃, 而且湯裏面仲有粒粒真龍蝦肉, 味道不錯…而 凱撒沙律內的沙津菜亦很新鮮, 加上脆脆麵包粒及芝士碎, 絕對對板!接著便是黑松露芝士薯條及紅酒汁牛脷, 前者黑松露頗多, 太太很愛吃黑松露的味道, 她幾乎一人吃了一整盤…但對比起薯條, 我個人會更喜愛這個牛脷, 牛脷經烹調後, 非常軟淋! 味道不太咸, 很美味! 而伴碟的粉紅色薯蓉亦很特別, 細問侍應, 才知道原來是加了左紅菜頭汁, 難怪顏色會這麼美!第一道主菜是霜降牛扒… 這個牛扒真的非常好吃, 肉質香軟柔滑, 肉味十分香濃, 不用沾任何醬汁已非常美味! 吃得出這個食材絕對不是一般餐廳的廉價貨式! 絕對值回票價!第二道主菜, 由於同

名捌月overall我會俾92分, 我唔係荃灣人無諗過向呢邊會有好野食, 所以想推介一下…日本霜降牛扒以呢個價錢簡直係150分之選, 煎完出黎陣陣香濃既牛味已經令人食指大動! size比一般女性既手掌大多1/3左右, 厚度適中, 最緊要係入口個份油香真係好吸引!!! 加上超級綿綿既肉質…我好快就KO左塊扒(到底老公食左幾多呢?)松葉蟹蟹肉意粉 – 堅多蟹肉!!! 好足料!! 每啖意粉都可以食到充分既蟹肉, 唔洗慳住慳住留返最尾先食, 而且碟意粉既份量…我估比出面一般既餐廳多左至少20%! 食完真係好鬼滿足!!餐廳入面我好欣賞佢地低調得黎又誇張既lighting…大大隻字用返自己間舖名黎做天花燈 – FAMOUS AUGUST可惜, 選擇困難症係港女都有既特徵! 個餐牌全文字, D字又全部一樣細…其實可唔可以加返幾張signature dish既圖呢? 配菜 – 係另一樣我略為有意見既野…我見左右兩枱無論叫其他咩主菜都係薯條+薯蓉做配菜, 我自己就覺得too much 因為我真係唔好薯 (如果可以揀其他就更好)絕對會再同老公黎食過, 望見隔離枱個羊膝好想試!!今日特別嗚謝港鐵令我咁鬼得閒