WIRED CAFE (已結業)

Wired Cafe 提供新派日本輕食，係日本都有成50幾間分店，可惜係香港就只有2間。今日難得星期五同朋友聚舊，又剛好要黎尖沙咀買少少野，就決定黎呢到試下啦。夜晚7點幾黎到，仲有幾張檯未滿，唔洗等位住，真係好啦。坐低之後就慢慢睇MENU啦，因為選擇太多，所以都花左一段時間去揀，最後揀左「明太子意大利粉」同埋「香草沙律風乾火腿薄餅」。落單果時侍應聽到我地只係叫2樣野時有點兒震驚，令我地諗，呢到D份量係咪好少既呢? 2個人叫2個會唔夠食? 但係當食物到既時候，迷底終於解開啦......明太子意大利粉:意粉軟硬度同份量都好適中，醬汁香濃惹味，明太子粒粒分明，好足料，碟旁仲有一塊法包，整體賣相好吸引。香草沙律風乾火腿薄餅: 上菜時俾佢巨型既Size嚇親，但睇真D其實佢都只不過係一個風乾火腿沙律放係薄脆既餅底上面，所以其實都唔係太多啫。風乾火腿唔太鹹，配上新鮮既蔬菜沙律，味道清新，口感又爽又脆，好好味，但係薄餅落既芝士有點兒過多，少返DD會更加好。

早去到有位 唔洗等 yeahhh!!不過有限時堂食時間明太子意大利粉好好味啊!!味道好特別麵的質感岩岩好 吐司好鬆軟一定要試哩個!!推介!!焦糖蘋果雪糕第一啖有點怪怪的不過吃起來 其實味道都不錯的幾得意 味道不會太甜雪糕好滑Taro Latte其實味道是比較淡的如果濃d 應該會好味d不過拉花方面 真係好唔掂完全影響賣相 睇唔到拉左d咩出來拉花方面整得好d的話 視覺+味覺就很好了哈哈.