泡泡 (已結業)

眾所週知中上環區午餐選擇雖多但價格偏高，而對於不少上班族而言除了價廉物美之外方便快捷亦同樣重要，新開不久的韓國餐廳BUBBLE相信正正能夠滿足所需。店內環境一目了然，面積不大勝在簡潔舒適，雖然主打外賣但亦有少量堂食座位。紫菜飯捲、炒飯、炒麵、小食等應有盡有，更可用手機掃描QR code預先落單外賣自取。明太子蟹子蛋捲 ($58) 即點即製香氣撲鼻，濕潤鬆軟並帶微甜，明太子醬再加上蟹子鹹香濃郁之餘更添口感。紫菜肉鬆芝士蛋捲 ($52) 原以為會加入芝士餡料但事實上與明太子蟹子蛋捲如出一轍，雖然芝士醬味道比較清淡但配以肉鬆鹹香恰到好處。明太子蟹子飯捲 ($52) 每一件面層均舖上明太子醬及蟹子，滿滿當當有如小山丘一樣，而飯捲當中則有青瓜、牛蒡、紅蘿蔔絲等配料清淡健康，明太子醬及蟹子令味道與層次更加豐富，相得益彰，惟個人認為飯粒稍硬且麻油香可更突出。醬醃烤牛肉粉絲盒 ($80) 配有韓式泡菜、涼拌菠菜、魚糕芋絲、醬醃烤牛肉、韓式炒粉絲及蛋捲，前菜、主食及小食一應俱全。涼拌菠菜麻油香氣濃郁，而韓式炒粉絲口感煙韌，加入翠肉瓜、椰菜及蘿蔔絲輕盈健康。醬醃烤牛肉表面煎至焦香微脆，肉質軟嫩之餘肉味濃厚

嗰日行過見到呢間新開的店叫泡泡，唔知同泡泡龍有冇關係呢？😛 不過行到入去見到餐牌，原來係主打韓式便當。店內有5張枱可以堂食。餐牌好豐富，超多選擇。烤鯖魚粉絲盒 (HK$80)．當日oppa話牛肉唔新鮮所以停售，雞肉巳賣晒，所以佢哋做出特別調整，就係烤鯖魚配粉絲啦👏🏻．見到盒嘢先知原來好大份，我覺得2個女仔共享一份都得！．烤鯖魚好大條，厚肉，有啲大骨，但食落好好味．粉絲也炒得唔錯，有鮮甜生菜絲和一件好似檸檬嘅蛋捲，不過洋蔥片好生好辣🥵．泡菜，微辣，口感爽脆．芋絲豆腐，軟腍入味，最愛食芋絲啦❤️清酒海鮮湯配烏冬 (HK$78)．配料十足：11粒蜆肉和2件青口．蜆肉和青口有沙☹️，要慢慢咬，小心食．湯底酒香，鮮甜，也有少少海水鹹．配高麗菜、豆腐、翠玉瓜片明太子蟹子蛋捲 (HK$58)．厚厚一捲，中間蛋白剛熟，蛋黃軟滑．蛋捲上有厚厚一層又鹹又辣嘅明太子和爽脆蟹籽，口感好過癮好豐富蜜桃玉山茶 (HK$26 / 380ml)．清香的玉山烏龍茶配甜蜜蜜桃果粒，幾好飲喎！