Villa Villa

營業中

休息中

假期終於放完，打工仔女們又要收拾心情迎接𝘉𝘭𝘶𝘦 𝘛𝘶𝘦𝘴𝘥𝘢𝘺🥱 本身諗住去買個頹飯返𝘖𝘧𝘧𝘪𝘤𝘦食，行下行下又黎到人稱「黃店街」嘅北角錦屏後街，平時門口圍滿人嘅「𝘝𝘪𝘭𝘭𝘢 𝘷𝘪𝘭𝘭𝘢」竟然唔使等位，注定今日有口福😍𝘓𝘶𝘯𝘤𝘩 𝘴𝘦𝘵由70幾蚊起，連餐湯餐飲另收加一，題外話哩度嘅加一真係抵比，畢竟店員服務態度好又會介紹野食，令食客感覺舒服😌《 墨魚汁香草麵包 》 5 / 5 🌟🌟🌟🌟🌟哩款餐包唔惹少，係店家𝘚𝘪𝘨𝘢𝘵𝘶𝘳𝘦墨汁包！食一啖就已經好讚嘆，外脆內軟，墨汁味香濃仲要好重牛油同迷迭香味🤩 忍唔住問店員有無得單買，點知又真係有，私心大推🙌🏻🙌🏻🙌🏻 配搭餐湯黑松露蘑菇忌廉湯亦好𝘔𝘢𝘵𝘤𝘩😋《 明太子鮮蝦意粉🍝 》 $76 4.5 / 5火喉好足，意粉炒至乾身，明太子醬入晒味🤤 鮮蝦爽口無雪藏味，口感彈牙👍🏻《 黃金炒薯條 》 $68 4.5 / 5話明係店家五大必食之選當然要試😎 鹹蛋黃好足料，分量多到每條薯條都沾染到，金黃香脆🤤 係有啲放喺底嘅薯條比較淋～《 芝士肉醬意大利飯 》 $83 4 / 5汁醬好𝘙𝘪𝘤𝘩，肉醬有鮮甜嘅茄味仲有肉嘅鹹香，仲有芝士拉絲🧀 飯粒分明，不

北角誠意小店，經常幫襯，阿囡生日都係叫呢度到會，食物質數有保證👍🏻 午餐包湯，麵包，主菜，及飲品。午餐選擇豐富，有All Day Breakfast, Burger, Pasta, Risotto, Pizza, 夾夾埋埋都有成10款。餐湯係忌廉蘑菇湯，好香菇味，跟埋墨魚汁麵包，熱辣辣，好鬆軟👍🏻主角明太子鮮蝦意粉，少少辣，撈埋pasta一齊食，扑扑脆，口感豐富，味道一流。最後杯有機咖啡都值得一試。另外，大家黎一定要試佢地個黃金炸薯條，邪惡之選👍🏻 同埋佢哋d pizza都好正，係超薄批，脆卜卜既👍🏻

午餐想食好少少，Villa Villa Cafe & Bar 係好選擇，因為坐得舒服、食物又好味。餐廳主打西式輕食，網上睇意粉、麵包同薄餅都係自家製，夠哂誠意。而午餐的話，會附送餐湯、麵包及餐飲。明太子鮮蝦意粉 完全唔手軟咁落明太子，每一條意粉都沾滿明太子，番茄味又甜又濃，鮮蝦蝦肉又彈牙，作為一個午餐真係好滿足。蘑菇意大利飯本身係雞肉，不過因為無雞肉而轉咗食材。香濃有咬口，好味。麵包及餐湯最鍾意熱辣辣嘅餐湯，自家製蒜蓉麵包好鬆軟又有麵粉香，絕對可以食多一件呀！荔枝冰茶茶味好清新，少許荔枝味又唔會太甜，好fresh。上網睇呢度仲可以來圖，製作獨一無二嘅蛋糕呀！

星期六下午去，都人幾多人排，等左一陣入去。我同朋友叫左lunch set。我ge 係明太子鮮蝦意粉。唔算真係好好食，但覺得真係好抵，我記得好似係70幾蚊左右（未加一）一個餐，包餐湯餐包餐飲！而個意粉都ok，硬度岩岩好，蝦幾新鮮。朋友叫左burger，我覺得ok，但佢就好鍾意～餐包同餐湯都好味！好鍾意蘑菇湯。然後我地另外叫左兩件蛋糕。呢個法式燉蛋芝士餅好creamy好好食！但係係有d 濟ge。跟住呢個個名好靚ge 48小時冰滴咖啡蛋糕就一般般啦。整體來講，質素中上，價錢係西餐來講好經濟，值得一去呀～