瓏門冰室 (已結業)

由於岩岩蚊完牙未完全康復，有好多野都唔食得，千挑萬選之下揀左尖沙咀既人氣茶餐廳。5點9入座，但當時已經9成爆滿，由於人氣旺盛，估計廚房都應付不下，好多食物都整唔切，眼見好多食客落完單都要等好耐先有餐。估唔到係龍門冰室比我見到奇景😮，出名乜都要快、無乜笑容、中意投訴既香港人，居然唔介意花近一小時係呢度等扒餐/焗餐😯、仲居然等咁耐都仍然笑住向職員講「唔緊要」同「唔該」😳、職員送錯單但食客都依然照食無投訴😃。好感動係龍門冰室比我見到香港人有愛既一面。餐牌選擇非常多，可謂眼花撩亂，同友人揀左3個字先揀完….常餐轉脆豬 $42+5炒蛋雖然炒到好似蛋皮咁，但其實好有蛋香😋；脆豬外貎好靚，牛油同煉奶份量岩岩好，不過略嫌唔夠乾身，只有外皮少少脆。第一次見沙嗲牛肉麵既牛肉有咁多，雖然都係普通貨，但整個份量好有誠意🤤。黑松露薯條 $40上枱果陣有陣陣松露香，粗薯無額外加鹽，所以食落好有薯味。松露醬雖然香，但味道好怪，我懷疑個醬無撈勻，個底係一堆白色又酸又甜、未調好既醬😣。平安夜就硬係要食扒架啦，所以點左個星級雜扒餐$105用料豐富，煙三文魚由於無貨，所以轉為炸魚柳，鐵板中仲有雞扒、牛扒、雞肉腸、炸帶子，岩

一間有良心係亂世中表達政見既餐廳並唔容易 所以作為香港人一定要去食 記得對上一次食peak hour 8點左右都唔洗排隊 入到去 今晚同fd 2個人9點幾去仲有一堆人排緊隊 多謝香港人同呢間餐廳 而且餐廳既質素都真係唔差架由於太多頁餐牌同太多選擇既關係 所以就影其中2張common少少既比大家睇睇由於今日同fd做完占既關係 2個人都好肚餓 所以就叫左最大份既星級雜扒餐食($108) 有珍寶腸 煙三文魚 雞排牛排 意粉 炸帶子 一個人真係飽曬 講講個食物質素先 首先個排餐就會送一杯野飲同埋餐湯 今日既餐湯係粟米忌廉湯 都幾重忌廉味 應該唔係一般既罐頭湯 再黎就係個main dash 大大份就唔洗再講 有2粒新鮮炸既帶子 煎雞排同牛排 好彩牛排唔會煎得好老 食落都軟硬適中既 唔會太硬同太生 另外雞排煎得幾juicy 咬落去都有油同肉汁 唯獨係煙三文魚個人就本身麻麻地 因為唔太鐘意風乾左太咸既食物 最後意粉都正路既 不過不失 整體上黎講真係岩曬食肉獸食返餐 啖啖肉 而且價錢晚餐黎講都唔貴（已經叫左最貴果個排餐） 下次黎開呢頭會再黎試試第2個排餐

當晚來到尖沙咀逛激安，附近餐廳都坐滿，於是來到龍門冰室餐廳裝修企理，而餐牌價格又很吸引，不敢相信是尖沙咀的餐廳首先來的是跟餐餐湯及多士，多士既香又軟，湯亦算是足料主菜的咖哩薯仔牛腩煲，雖咖哩汁加多了水，但亦不失香濃，且牛腩亦不少而星級雜扒餐簡直是驚喜，雞牛豬扒均十分大件，配以煙三文魚、炸的香脆帶子及非常多汁的豬肉腸更可配不同醬汁，本人選了龍蝦汁，推荐最後加點了芝士肉醬焗薯條，真的一試回味，芝士極厚且濃，薯條一直食也是熱且香脆，非常出色