hōmu by favilla (已結業)

要去誠品買兒童書，target 左兩間日式西餐廳，最後揀左呢間，吖仔想食烏冬喎。呢間係有兒童餐既。Kids set有三主食揀一款，跟炸物、配菜各3樣。量幾多小朋友未必食得曬😅三色薯條好乾，凍左就硬曬，基本上無食過。其他都ok。Set lunch都有幾多選擇。飯意粉到全日早餐都有。仲可以加小食添😋老公揀左壽喜燒牛肉溫泉蛋烏冬，老公話一般般，無喺啲居酒屋日式餐廳果啲甘好味。我揀左日式咖喱吉列蝦芝士漢堡扒，一睇到個名就feel 到漏哩。就甘呢餐都超曬標😂味道一般，無比較無傷害。唔夠ichibanya好食。都ok既，唔難食。手多，計錯數，諗住滿400泊車，加左兩客小食。焗芝士大啡姑。一般。明太子雞翼，都係麻麻。可能太飽😂都仲可以叫到甜品😅是日蛋糕，抹茶芝士蛋糕，有抹茶味，但唔夠芝士味，有啲硬。一般😀PS 餐廳係掃QR code 下單既

有時路過愉景新城，發覺有間餐廳裝修好別緻，以木製家具做裝修，燈光柔和，好有文青feel，加上特別嘅菜式，例如bailey飲品、日式西餐、特色嘅咖啡等等，都好吸引人去打卡嘗試。適逢禮拜五，我終於約到朋友去一齊試依間文青cafe，我哋7:00去到，啱啱好坐到佢最後一個位。我哋坐咗係最入嗰邊，隔離有啲花嘅裝置，原來依個Cafe會買埋乾花，例如繡球花等等，成件事都好match cafe嘅文青風格，另外都有個Menu講買花嘅嘢，有興趣嘅朋友都可以望吓。之後我哋就睇佢嘅Menu，有我期待嘅日式西餐，有all day breakfast，意粉、飯、扒餐，同埋一大堆特色飲品。我哋叫咗一個蒲燒鰻魚滑蛋飯，蟹肉味噌忌廉蛋黃汁闊條麵，同埋是日蛋糕。果兩個日式西餐附送湯，所以今次冇叫到嘢飲。等緊嘅時候，我哋喺度研究緊佢嘅花，研究到咁上下，第一個定食就來啦。蒲燒鰻魚滑蛋飯（$128）+ Homu湯：湯好特別，湯底係蘑菇忌廉base，但係配嘅係蕃茄同蜆肉，成件事幾特別，蘑菇味帶少少酸甜，但幾match。飯質黏口，果然係採用日本米，頂頭有啲紫菜，更加好味。鰻魚配上燒汁幾唔錯，鰻魚肉質幾好，唔似雪藏貨。滑蛋好滑，沙律