Couple's Kitchen (已結業)

位於元朗市中心嘅意式餐廳歐陸style 裝橫摩登時尚 空間感大 唔會逼逼夾夾侍應安排咗坐卡位😍舒適環境播住輕音樂品嘗晚餐 氣氛濃厚.西班牙海鮮飯 $188+$48 升級做套餐 包是日餐湯，餐包，飲品賣相吸引，顏色鮮艷，海鮮款式多加埋幾滴檸檬汁，十分醒胃.獨享西式品味套餐$188送是日餐湯及是日甜品，呢個餐幾抵食💁🏻‍♀️香煎鵝肝牛肉漢堡additional +$20牛肉漢堡好厚 漢堡大大個好足料 加埋芝士蕃茄生菜煙肉 大大啖咬落去好juicy 仲有沙律 薯條🍟女+$24轉特色飲品，叫咗杯花花世界洛神花,蝶豆花,芒果醬mix埋一齊 味道甜甜酸酸 唔錯😋.是日甜品馬卡龍同泡芙雖然係跟餐甜品 但一啲都唔馬虎有開心果仁碎做裝飾 誠意十足

經常喺元朗搵食,今次搵到呢間裝修有格調嘅西餐廳!主打白色金色墨綠色嘅裝修,我當初都想屋企用呢幾隻色做主調呀🤍💛💚晚市有好多不同套餐可以揀,呢個獨享套餐俾你任選一個主菜~仲配埋餐湯,甜品同飲品~食到飽飽,都只係188一位起咋!鹹鹹香香有點煙肉味,呢個是日餐湯應該加咗唔少薯仔🥔杰身得嚟味道唔錯~呢間嘅漢堡應該係主打菜式之一,因為唔少食客都有點~睇下呢個漢堡幾厚!佢唔會煎得過熟,中間仲呈粉紅色,而且充滿肉汁~牛肉味香濃,仲有油脂嘅香味~仲配咗好香嘅煙肉同埋拉晒絲嘅芝士,非常滿足!不得不話佢嘅厚切薯條都好新鮮香脆呢~牛肝菌黑松露義大利飯配香煎帶子有好香嘅高湯味同黑松露味,粒粒都包滿咗湯汁~而且飯入面加咗好多菇菌類🍄,當中有好多好香嘅牛肝菌😋😋煎帶子剛好熟,食起嚟非常軟熟,如果多少少牛油香味就更好了!以為跟餐甜品都係頹頹地,但呢個甜品幾好味!係類似木糠布甸嘅甜品,但又帶有一啲芒果味,唔會太甜~佢啲套餐都幾抵食,而且份量十足!個人覺得漢堡非常值得一試,如果你喜歡吃鵝肝,佢仲有個香煎鵝肝牛肉漢堡,都只係加20蚊~嚟開元朗想悠閒啲,坐得舒服啲可以試下呢間~

今晚趁住 Happy Friday 就去遠少少行街, 見到墨綠色外型嘅 ❥⧽𝐂𝐨𝐮𝐩𝐥𝐞'𝐬 𝐊𝐢𝐭𝐜𝐡𝐞𝐧 ❥⧽ 好吸引, 所以就入去食飯咯。餐廳以墨綠色, 灰色同金色為主, 感覺型格, 枱與枱之間嘅距離亦都好舒適。𓊈紅蝦海鮮意粉配龍蝦汁𓊉除咗紅蝦, 意粉裡面有蝦肉, 魷魚, 蜆肉, 墨魚仔同火箭菜。紅蝦燒得好香, 而且已經拆咗2節蝦殼所以好方便食。龍蝦汁香濃但係一d 都唔膩, 配埋火箭菜一齊食, 令到意粉個味道清新咗, 好好食。𓊈香辣海鮮黑胡椒軟殼蟹意粉𓊉一整隻軟殼蟹擺盤真係好吸引眼球, 軟殼蟹炸得外脆內軟, 側邊有半個燒檸檬可以蘸嚟一齊食, 解油膩感。黑胡椒意粉充滿橄欖油香, 好惹味。𓊈有氣蜜桃蘇打𓊉淡淡嘅蜜桃味好香, 飲落唔會覺得太甜, 好味。𓊈有氣青蘋果蘇打𓊉青蘋果味超濃, 好清新。𓊈是日餐湯 & 甜品𓊉個湯好有質感, 甘荀味超濃。甜品放得好精緻, 窩夫好鬆脆。✧✧ 整體食物飲品都好好, 職員態度友善, 整個用餐體驗都幾好, 值得再去呀。