昼月

營業中

休息中

和公司同事午餐，選了這家餐廳。非常方便，在銅鑼灣SOGO後面Tower 535 三樓，樓底好高，座位唔多，非常開揚。在這個略帶高級感而氣氛又有點chill嘅環境，13款午餐set，價錢都只係$88至$168之間，非常相宜，地點仲要係銅鑼灣旺區。呢個午餐餐牌，唔止平日，假日都適用😍😍😍。另外仲有2款高級版午餐set： 午市主厨料理$368，以及北海道丼$256。我點了北海道丼，估唔到啲魚生唔係薄薄細細塊，而係肥厚新鮮美味，裏面有北海道海胆😍😍😍、中拖羅😍😍😍、吞拿魚赤身、帶子，根據餐牌仲有三文魚腩同碎䓤吞拿魚腩，我唔要三文魚，餐廳酙情幫我改為蟹肉同三文魚子，好正😋😋😋同事點$168昼月特選刺身丼，估唔到用咁多新鮮肥美靚料😍😍😍，隻蝦大隻到呢😂😂😂另外一位同事點了$108昼月雞肉玉子丼，看到openrice好多人推介，原來真係一定要點😍😍😍。雞肉含了雞軟骨，所以好有咬口。雞肉烘焗到好香，中間一個窩形，就是要把生雞蛋放上去，構思好好，加晒分👍👍👍。配埋下面一層玉子又厚又軟滑，再加埋生雞蛋的醬油由上至下淋在雞肉、玉子、飯中，真係口感和味覺豐富的享受 😍😍😍。 我哋冇點雞肉玉子丼的人，都話一定要

今日lunch去開銅鑼灣搵朋友，見到呢間新開嘅日式餐廳，見佢裝修幾靚、便當造型幾别緻就去試下。朋友睇相揀咗昼月雞肉玉子丼，上菜嘅時候果然無令人失望，好似相入面咁特別。最底一層玉子，中間一層手打免治雞肉漢堡，最頂自行加上新鮮蛋黃再淋醬油，撈埋一齊食，可以食到雞肉同雞蛋唔同嘅口感同味道。雞肉漢堡係餐廳自家製，鮮嫩嘅雞肉夾雜住軟骨，好有咬口。蛋汁好香，撈飯食非常適合。我揀咗昼月特選刺身丼，餐廳非常慷慨，用料亦非常新鮮，刺身丼鋪滿肥美嘅三文魚、香薰撲鼻嘅吞拿魚魚蓉、厚身嘅油甘魚、好好肉地嘅魴鮄魚、同大大隻嘅赤蝦。人生第一次食魴鮄魚，但據職員所講，時令刺身幾乎日日都唔同，因為餐廳一星期四次由日本即送刺身。隨餐附送麵豉湯。仲有漬物做前菜。追加咗吉列生蠔，又脆又多汁。餐廳有serve 唔同嘅樽裝茶，各有特色。我揀咗雪糕氣泡焙茶，氣泡茶茶味濃郁，亦好神奇做到雪糕味。熱情果綠茶，味道相對清新，略帶酸甜，食完炸嘢好啱飲。

朋友轉咗新工, 原本今晚同佢食個dinner, 點知佢又遲咗收工兼出面落雨, 唯有近近地選址係佢公司lobby其中一間新開餐廳---昼月。想不到有意外驚喜!主打丼飯, 雖然款式唔多, 但每款都很吸引, 刺身、熟食配搭都有齊, 另有小食同部份特色飲品供應。餐廳為開放式空間, 而另一邊環境設計偏向日式, 有返少少私隱度。Order咗熟食同埋刺身丼飯各一款, 賣相精緻, 擺盤吸引, 增加食慾。 【昼月雞肉玉子丼】HK$108丼飯上疊上了一掌心般大嘅雞肉肉餅同埋玉子, 另配上了橙黃色脤卜卜嘅蛋黃; 雞肉餅上有個凹位, 自行將蛋黃小心注入, 很自癒。蛋黃一篤即穿漏出豐富蛋汁, 另配上日式甜豉油。雞肉餅帶有本身肉汁, 夾集了軟骨碎粒令增添口感層次。沾上了蛋汁同埋醬油, 整體味道有如平時食開嘅免治雞蛋棒一樣。正! 【昼月特選刺身丼】HK$168刺身丼亦相當有水準, 包括有三文魚、油甘魚、吞拿魚赤身、赤蝦、帆立貝; 每款刺身均為厚切, 而且新鮮。每啖都能滿足口感, 三文魚有魚香, 油甘魚同埋吞拿魚赤身甘香鮮味,  赤蝦同埋帆立貝肥美爽口鮮甜, 絕對係無可挑剔。店方還推介了一些無酒精嘅支裝飲品比我地,