八月堂 (已結業)

之前就聽聞過八月堂嘅牛角包好食，但係開業初期好多人排隊，所以一直冇去試。今日途經aeon見完全冇人排，就買左三個牛角包食下。中午時段，啲牛角包唔算淨好多。可能由朝早放到中午，所以牛角包食落去凍凍地。黃金流沙($20)食落口似奶黃包，食一啖就有奶皇流出嚟，都推介一試。曜黑胡麻 ($20)曜黑胡麻嘅黑芝麻味幾香，入面啲黑芝麻醬幾多，容易食到嘴同牙都黑哂，不過真心好食嘅。迷戀卡士達 ($20)三個牛角包嚟講我最鐘意呢款，比較普通口味，但係啲奶油好香好好食。

上年九月，嚟自台灣嘅八月堂初登陸香港，引起一股食牛角包嘅熱潮！聽同事講，至少都要排半個鐘先買到牛角包，雖然一直都心郁郁想試，但要排半個鐘先買一個牛角包又好似唔太值......終於，半年後熱潮減退，就放工去買！今次試咗曜黑胡麻，即係黑芝麻牛角包。睇返介紹牌先知，因為麵團加入咗竹炭粉同黑芝麻，所以成個包都係黑色。咬入口第一啖就好滿意，因為層層酥皮都好香脆，仲有淡淡嘅芝麻香。一路食會見到好密密嘅蜂巢！食到四分一仲驚喜，因為會食到香濃嘅黑芝麻醬！個醬真係超香濃，真係好似食緊芝麻糊咁！八月堂仲有好多款甜同咸嘅牛角包，而家熱潮已退，幾乎唔使排隊，所以一定會再買其他口味食！

個個禮拜日下晝行過都超多人排隊,一係就好多味都賣曬,今次我決定12點幾就去,唔信咁都排唔到!呢段時間都已經有10零個人,起碼排得過,但排到自己嘅時候發現想食嘅味道都無,唯有死死地氣行返出黎等到佢出爐先再排.等左接近20分鐘我又重新加入隊中,因為再唔排又無,最後我買到3款口味(每人只可以買1盒其中限定口味只能1件)曜黑胡麻 $22其實我唔鍾意食芝麻,純粹係買比媽媽食!未切開都已經聞到好濃烈嘅芝麻味,裡面原來有芝麻醬!咬落去好似食左一碗黑芝麻咁,好有roasting嘅感覺!我媽咪就話幾好啦雪花檸檬 $17期待度100換來美味度50,我本身expect係淡淡嘅檸檬味,但一咬落去係超!級!酸!自問都幾喜歡食酸野,但真係無expect酸成咁,幾乎係酸到好似食左成舊檸檬咁,D雪花帶唔到甜味挽救情況,等我仲為左佢重新排隊,真係唔值得囉.沖繩黑糖 $22排到我嘅時候佢剛好重新出爐,即刻買埋佢.可惜重新上架依然唔係熱辣辣,都算,黑糖好似唔係好多咁,但o個一忽已經超級甜,不過可以講嘅就係真係完完全全嘅黑糖味無添加,同酥脆嘅牛角包一齊食都幾夾,但一個人食曬的話可能會太漏,比起檸檬佢算係好食好多.整體黎講我覺