好吃吃光

營業中

休息中

終於去咗奧運站附近嘅好吃吃光，呢間小店一直都好多人推介 🤤 雖然餐廳喺大角咀，但唔難搵，由奧運站行過嚟都近！呢度地方唔係好大，但晚市時間經常爆滿，不過就出餐速度快，唔駛等好耐。🛋️ 店舖裝修走簡約文青風，有高枱位可以望住街景！店內不停播住台灣歌，好多都係 #楊丞琳 嘅歌，好奇店長係咪特別鍾意佢呢 😜 嚟到呢度梗係要試下佢嘅招牌 —— 蚵仔魯肉飯 😍🦪 月見海老蚵仔鮭魚蝦卵魯肉飯 ($118)，每粒蚵仔都肥嘟嘟，一啲都唔腥，中間有日本生雞蛋。將魯肉、飯、蛋黃、蟹籽、鮭魚卵同蝦搞勻一齊食，口感唔會好油膩，海鮮夠鮮味。珍珠米飯份量都唔少，加埋醬汁 #好食 😋 除咗魯肉飯，我哋仲叫多個藥膳醉雞卷飯套餐 ($65)，一份有成 6 大件雞肉卷，肉質嫩滑彈牙，仲帶有少少花雕香，藥膳味唔太重，反而令成道菜更加有層次 👍🏻 呢個套餐會包埋一杯飲品同一碟前菜。豆芽爽口開胃，我再揀咗杯冬瓜仙草茶，清甜解渴，仙草口感夠滑 #好飲！最後我哋再叫多個台式芋圓糖不甩 ($32) 🍡 有花生碎同芝麻兩款，芋圓有四種口味：芋頭、紫薯、番薯、綠茶，口感煙韌，綠茶口味特別突出。

👧🏻😋👅🍽✨出色月見魯肉飯🤤-🇹🇼 久仰大名好吃吃光, 地址係大角咀但其好近奧運, 交通非常方便🇹🇼 店好細平日7點左右都全場爆滿, 但勝在出餐好快轉流都快-🦪 月見海老蚵仔鮭魚蝦卵魯肉飯 $118💯 呢個組合簡直冇得輸, 蚵仔大大隻好飽滿份量仲好多! 魯肉飯本身已經好juicy, 加埋鮭魚卵同蝦卵再有蛋汁撈埋一齊食係鮮甜既極致🥹-🐖 香酥排魯肉飯 $66✨ 炸漿唔會好厚, 少少調味粉唔會太鹹, 魯肉飯另上唔會整濕塊排-🍱 套餐💯 主菜冇得單叫, 一定要跟套餐, 包括飲品同前菜, 醃豆芽豆卜酸酸地幾開胃💯 飲品方面冷熱阿薩姆紅茶都唔使加錢, 茶底幾濃又唔澀; 另叫左鮮奶茶 $12 都係同一個紅茶底, 加埋鮮奶更香滑