埠 (已結業)

今天跟老公忙裡偷閒，來到西灣河碼頭這一帶覓食。SOHO東這邊有很多餐廳，但說到最近海邊一定非這間埠莫屬。我們坐在位子上，往窗邊一看已經是海了，不說還以為在船上用餐。餐廳小小，但裝飾得很有日本風味。高櫃上擺放多款日本酒，想跟廚師有近距離接觸亦有吧枱位置。餐牌選擇很多，我們點了幾款串燒和一個主菜烏冬。白鱔由三小塊組成，燒過的鱔味道很出，邊位燒得有點脆脆亦更有口感。豚肉露筍卷由豚肉包裹著露筍卷，肉跟筍的比例剛剛好，一口吃下去口腔內同時充斥著兩種味道，筍亦能中和豚肉的油份。月見紫蘇免治雞棒雞棒口感豐富，另配上生雞蛋醬汁令雞棒香口之餘更添滑溜。京都絹豆腐一串有兩塊，豆腐面塗上特製醬汁，豆腐超級滑，完全是外脆內滑，令人眼前一亮。鍋燒烏冬以鍋盛上，烏冬又爽又滑，昆布湯底很清甜，還附上大大塊腐皮。蕨餅沾了豆粉的蕨餅比坊間吃到的結實，而且豆粉非常香濃。這間餐廳不僅是吃氣氛，食物質素更有保証。

吹住海風 望住夜景 食住高質串燒呢間日本餐廳真係一流 行中高級路線食物種類都幾多 主要以串燒為主 另有多款酒精飲品入到去係隱世料理的感覺 木門後係大概七至八張木枱 七點黎到已經滿座了 好彩有book枱！前菜叫左燒明太子 有8小件 以青瓜做底 以清新感覺中和明太子的濃味 唔會好似出面有啲太魚腥味之後梗係一輪又一輸的串燒🤤🤤🤤Round1-左至右：秋葵 雞軟骨 月見免治雞肉棒 冬菇 紫蘇味噌雞腿肉 豆腐 墨魚腸 牛舌月見免治雞肉棒係配生蛋豉油既 用筷子將生雞蛋搞均 再點雞棒落去 鮮甜的豉油簡直有畫龍點睛的效果！推介！紫蘇味噌雞腿肉 好嫩滑 紫蘇味道突出豆腐 開頭都無叫 但店員推介佢 一於試下 點知又有驚喜 滑溜豆腐配上濃郁醬汁！墨魚腸 真係十分推介 一串三粒 食到粒粒真材實料墨魚之餘 墨魚鮮味都好突出！仲Encore左一次！牛舌 梗加係食串燒不能不點的！厚燒牛舌 以淡淡的鹽味輕輕調味 口感好正 油脂豐富！Round2 係左二的A4和牛串同左三的帶子雞翼A4和牛 肉味濃烈 內裡呈粉嫩色 油脂分泌旺盛！帶子雞翼圓滾滾漲卜卜好得意 一咬開已經見到原隻帶子係入面！雞翼外皮夠香脆 內裡嫩滑！Roun

以前不時會經西灣河碼頭去鯉魚門體育館攀石，但愈大愈忙，已經好少再踏足碼頭。估唔到今次嚟唔係搭船，而係食串燒。埠嘅燒物用石爐保溫，以瀨戶奈海藻鹽調味。成得最豪嘅係厚切A4和牛。平時冇食開唔知價，望落係細塊，但食落真係不得了。和牛喺爐上一直滴油，發出「炸炸」聲。 厚切和牛令肉心保持嫰粉紅，成塊肉都充滿油脂香，牛味好濃。月見紫蘇免治雞棒食法比較特別，可以將雞棒切成細段，然後沾上蛋漿。雞棒甜甜地，沾上蛋汁肉質更嫰滑。京都絹豆腐幾有驚喜。一端上枱見到豆腐偏黑好似燶咗咁，其實有啲錯愕。但一食就知佢係將甜醬油焦糖化，令絹豆腐比炸豆腐更脆。豆腐密度好高，食落結實，豆味濃陏。喺電視見過人話日本燒雞皮好正，所以就點嚟試試。果然冇錯！雞皮燒到出晒油，食落脆口，有雞油香但唔油膩，好似豬油渣咁嗰種質地咁。羊扒雖然定價較高，但燒得好出色。入面嘅肉係嫰粉紅，但生嘅部分好易咬開，好稔，好香！鍋燒烏冬滑嘟嘟咁，鰹魚昆布湯係全鍋嘅精華所在，腐皮就吸晒呢啲精華。哈！睇到都覺得正啦！蟹腳燒鹽味經外殼滲入鮮甜蟹肉。蟹鉗位啲肉厚到成支漿糊筆咁！啖啖肉，啖啖海水味。食埋甜品，呢餐靚景正嘢食冇得輸。

今日係白色情人節，咁搵左一間浪漫既餐廳，咁就係西灣河碼頭，所以今日放工就去左觀塘搭船去西灣河，好方便一落船就見到呢間餐廳終於等到我男朋友黎到就入去，我地一早book左位入到去見到美麗的海景，環境又寧靜又舒適我地大約7點去到，當時都唔太多人，後來都漸漸多人了雞泡魚干質感比較厚，唔夠香脆可口，但味道不錯豚肉露荀卷豚肉包住露荀無咁肥膩的感覺，肉質好鮮美廣島蠔燒完味道都好鮮味，燒到鎖住蠔汁都很鮮甜好想再encore!牛舌燒得好入味，又好林京都絹豆腐外皮是炸出來，好香口！而且內裡十分細嫩一夜干今次食一夜干既魚叫做”花魚”，魚質好滑仲帶出陣陣的鹽味，不需要用任何醬油都製好味道，吃得津津有味月見紫蘇免治雞棒配上這個醬汁，更增添味道幾特別燒雞翼雞翼燒得好靚金黃色都算好大隻

西灣河碼頭隔鄰最近新開了一間日式串燒店，小店裝潢滿有日式居酒屋的風味，當中加入了一點時尚元素，偏暗的環境配上柔和的燈光，感覺悠閒中帶點氣派；店內設有僻靜的獨立廂房，坐擁180度海景，在裡邊享用美食實為一樂也。細閱餐牌，這裏提供的菜式種類頗多，前菜、沙律、湯品和熱食均有供應，而作為主打的日式串燒，選擇更是多元化，讓人三心兩意，拿不定主意。甘蝦塩漬，細細隻軟嫩的甜蝦撈上蒜香醬汁，鮮甜惹味，美國安格斯肉眼火喉控制剛好，肉味濃郁，咬落鬆軟多汁。赤雞皮燒得剛好夠乾身，但又不會過硬，酥脆油香，火候拿捏得十分準確，已很久沒遇過這麽有質素的燒雞皮了。赤雞肝入口軟潤，甘香酥化，配上甜香照燒汁，更顯惹味。月見紫蘇免治雞棒，自家製的免治雞棒，入口鬆軟多汁，帶著淡淡的紫蘇清香，蘸上日本雞蛋和醬油撈成的醬汁，添上了濃香滑溜，更是美味。大蔥豚面頰燒得外焦內嫩，肉香爽口。豚肉蘆筍卷，薄薄的豚肉捲著爽脆露筍，入口清爽中帶點肉香，口感不俗。燒豬腸外皮酥脆，内裡甘香，脂香滿瀉，愛好內臟的筆者當然忍不住再來一客。燒明太子配上青瓜片，青瓜片中和了明太子的濃膩，鹹香中見清爽，口感豐富，用來送酒實在一流。關東煮，油揚、豆腐、蒟蒻