Green Waffle Diner (擺花街)

營業中

休息中

今日去大館參觀後，係扶手電梯落番去擺花街向上環方向一路行大約5分鐘，見到呢間食Waffle嘅餐廳🤗見到餐廳門口寫住星期五同星期六嘅營業時間係去到3am，啱晒夜鬼嘅我，第日玩夜左可以過黎食宵夜😆今日同朋友唔係太肚餓，叫左個小食同一個set Dinner share🫰香脆雞翼 (3隻) $78雞翼有3款醬醬可以選擇，包括有Buffalo、BBQ醬及香蒜蜜糖醬🤩我選擇左香蒜蜜糖醬。香脆既口感，配上甜甜地嘅香蒜蜜糖醬，令人胃口大開。Dinner Special $288晚上有Set Dinner menu，包括頭盤、伴碟、主食、甜品及飲品👍🔹️頭盤是日餐湯今日係薯仔濃湯😊薯仔濃湯口感幼滑又creamy，味道濃厚。🔹️伴碟有皮薯條有皮薯條係留有薯仔皮嘅粗身薯條，口感較厚實，個人鍾意食粗身薯條😝🔹️主食香煎銀鰽配乾蔥炒蘿蔔仔及邊豆 銀鰽魚柳魚皮煎得微焦，食落相當可口，魚肉厚身，肉質幼嫩滑溜又juicy，啖啖肉😊配搭微酸嘅蘿蔔仔及邊豆，入口更清新❤️🔹️甜品士多啤梨大黃醬窩夫配雲尼拿雪糕必食嘅窩夫❤️窩夫外脆內軟，蛋味好香濃，窩夫上面係幼滑嘅忌廉同雲尼拿雪糕，雪糕及鮮忌廉的甜，被士多啤梨大黃醬中和番，令甜品變得

行經PMQ發現呢間店，一於同朋友星期五食個晚餐，見間店星期五、六開到好夜，凌晨3點先關門，可以同朋友傾得夜啲😙，以架好多店都好早關😕⭐️Dinner set Dinner set 包了是日餐湯粟米湯、有皮薯條🍟、Tomato Basil Linguine with meat balls、士多啤梨大黃醬窩夫配雲呢嗱雪糕🧇🍓、熱檸茶，好豐富。咖啡☕️可以無限添飲好心動，可惜太夜了，意粉入面嘅肉丸🧆好好食，調味剛剛好。窩夫烤得剛剛好，士多啤梨大黃醬好特別，酸酸甜甜⭐️燒烤豬肋骨漢堡🍔配薯條豬肋骨煮得好入味好淋，分量都唔少，有三大舊原來餐廳有vip 申請，可惜要消費夠$680 先可以。希望下次同多啲朋友嚟食，做到vip，咁就可以有9折優惠同儲分換獎品個店都近公司，搵次嚟食早餐🙈

我同朋友有時星期六夜晚做gym，想食宵夜都會嚟到Green Waffle Diner，餐廳會開到凌晨三點🤩，每次都係食薯粒鑊仔系列，今次都唔例外。餐廳最近係晚餐時段推出5-course dinner set，我既gym buddy就試試呢個dinner set。餐廳色調以啡色、橙色同白色為主，環境幾寬闊。Dinner Set有沙律、小食、主菜、甜品同飲品，非常抵食。- 原隻燒春雞配薯蓉及燒汁燒春雞一份為二，肉質嫩滑，唔算太juicy但已經唔錯。薯蓉有驚喜，質感幼滑，入面混入一粒粒薯仔，口感更豐富。伴碟揀左有皮薯條，外型粗身，調味適中唔會過鹹🥰套餐仲有甜品，就係士多啤梨大黃醬窩夫配朱古力雪糕，窩夫真係外脆內軟，朱古力雪糕好香滑。- 牛油果雜菜薯粒鑊仔薯仔粒好脆口，每一粒都被芝士包住，加上水波蛋令味道更濃郁。入面仲有好多款蔬菜包括西芹、牛油果同洋蔥，整體營養指數非常高，而且好好味😋客人消費滿$680 就可以申請VIP，每次都有9折優惠同儲分換禮物，今日換左小禮物盒，入面係茶包同茶隔😍

去中環成日都幾難搵到個好坐得來價錢又ok嘅餐廳，最近終於搵到間了！入面幾有空間感，坐得舒服。呢到menu選擇都幾多，晚市仲有$218 嘅5-course dinner，而且set dinner仲係咖啡任飲！另外還有low carb meal、生酮飲食選擇。🌟頭盤☕️+🥗頭盤同小食選了沙律同有皮薯條。沙律青蘋果、番茄仔、蔬菜類新鮮。另外有皮薯條係自家製的，脆香有薯仔皮，薯仔味香。filered coffee係比較濃咖啡味，仲可以揀凍熱,仲有無限添飲！🌟main🐟香煎海鱸魚配時令蔬菜及檸檬酸豆醬有成三塊 魚，2邊都煎到金黃色、入面粒粒魚肉，以胡椒粉、檸檬調味，幾香口同開胃。配菜有蘿蔔、四季豆。另外散叫點了個🦀️軟殼蟹蕃茄意大利飯，番茄味濃香之餘，入面有菇、番茄、洋蔥。上面大大隻軟殼蟹脆香，入面有肉有膏，幾香口。來到這裡必食waffle，🧇士多啤梨大黃醬窩夫配自選雪糕嘅waffle真係幾好食，waffle脆香唔黏口，同上面非常濃嘅朱古力雪糕好match！呢到嘅材料新鮮且係餐廳自製,仲有「無麵粉」paancake，的確有水準。

Dinner Special按人頭價錢唔同,兩位只係398!除咗可以選兩款主菜,跟餐仲送頭盤,伴碟,甜品同飲品,十分抵食!沙律絕不馬虎~除咗有平時見嘅沙律菜,仲有不少kale~加埋蕃茄仔同香甜黑醋,非常開胃~而餐湯係粟米湯,好香甜~如果多啲原粒粟米會更正!以為係轉雞翼要加15蚊,但原來額外叫多個雞翼係15蚊!而且有三隻,價錢都ok~雞翼炸得好脆,而入面仲係嫩滑有肉汁嘅~炸薯粒同薯條都有啲偏鹹,但用嚟配其他主菜都適合,份量足~我真係好鍾意食西班牙海鮮飯!佢有大粒青口同蜆,海鮮唔會煮得過老~個飯就係傳統煮法,中間帶點生嘅~醬汁好濃香,而且原個煎pan上,賣相好好!因為喜歡食魚,所以通常都會叫一個有魚嘅主菜~香煎銀鱈魚外皮煎得香脆,而魚肉仍然嫩滑~意大利飯係鮮明嘅紅菜頭色,感覺好健康~同西班牙飯比起嚟,意大利飯無咁硬~呢間餐廳既然叫waffle,佢嘅waffle一定好正!本來見唔到套餐時,都諗住散叫一定要叫窩夫做甜品,但呢個餐竟然連甜品都包埋!佢嘅窩夫即整係好香脆,而個士多啤梨大黃醬酸酸甜甜好開胃~雪糕可以自選口味,我當然係選朱古力!雪糕都幾滑又朱古力味濃,完全係圓滿咗我嘅晚餐~以呢個地段計