小麻吉滷肉飯 (已結業)

小麻吉滷肉飯，位於旺角女人街內街，店內光鮮舒服既，台灣菜，主打當然係滷肉飯，另外都仲有拌麵、便當、鍋巴飯等🇹🇼另一特色就當然係台式小食，更特別既係佢多選擇之餘，好平😀細細份細細份，可以食到多啲唔同野，都係台灣地道小食，去台灣必食既，感覺就好似坐係度掃街，充滿夜市感覺🏮煎蛋甘香滷肉飯，睇相以為細細磅點知係超大碗🤣細食既兩人Share絶對夠，賣相好吸引，有麻辣但為咗試真啲個古早感覺揀左甘香，煎蛋令到個飯更靚更想食🍚滷肉好滑好好味，配埋珍珠米口感好好，都幾台，加埋蛋黃層次又唔同左🤩更滑同充滿蛋香，幾唔錯既滷肉飯，飲返杯手搖，芭樂紅茶，芭樂味唔係好濃，但手搖得好好果香清清地好味😋台灣夜市小食開檔！🌝 蒜片小香腸，台式小食點可以唔食台灣腸，平時餐廳食都係切片，佢居然係成條一開二😍配埋生蒜片就係爽，唔會太咸，好味👍🏻木魚炸豆腐，賣相正，好脆既外皮而入面超滑💓配埋咸甜醬好惹味，肉燥淋青菜，正正常常，份量都唔少🥬滷水雞翼尖加麻辣，雖然加麻辣要加$5但真係要加，個麻辣汁好正，係台式麻辣既感覺，好香好濃但唔會好辣，愈食愈想食，好味😗成餐飯真係好台，最值得讚當然係「坐住遊夜市」，能夠細碟而平係非常重要既賣點

最近去旺角行街，朋友話想好耐無食過台式菜， 估唔到通菜街開多咗好多食肆，見到呢間價錢好似幾抵，所以決定一試！裝修幾特別，好colorful, 幾有台灣feel><<鍋燒咖哩麵> (拉麵/炸蝦棒/花枝丸/甜不辣/餃子) $68鍋燒咖哩麵用熱鍋上，熱辣辣夠曬吸引。香濃咖喱汁唔辣好香，麵條可以揀拉麵/新竹米粉/王子麵，我地最後揀咗拉麵。再配上幾樣台灣小食：炸蝦棒、甜不辣、花枝丸、餃子，成碗都充滿台式風味。不得不提既係炸蝦棒炸衣好香脆，肉質新鮮彈牙！<烏梅汁>  跟餐附送味道都幾清爽，食完啲炸物飲都幾解膩！<珍珠紅豆仙草凍>   跟餐+$5仙草凍用咗花奶底，配料有仙草、紅豆、珍珠、花生、腰果，呢d配料夾埋真係無得輸，紅豆係成碗甜品嘅精華，而且用跟餐價叫真係幾抵食！<滷肉蔥燒豬軟骨飯>  $55半肥瘦嘅滷肉調味剛剛好，滷肉膠質重，唔算好多肥肉，味道香濃；蔥燒豬軟骨都好冧好入味，偏鹹香，亦都炆得夠腍身，成個飯用咗珍珠米，幾好咬口，整體層次豐富，送飯一流！<甘梅脆薯>  $20估唔到甘梅脆薯有8條咁多，兩