Texas Burger (已結業)

今日出開旺角做gym，做之前梗係要食啲嘢打下底，就揀左位於朗豪坊嘅呢間Texas Burger。手撕雞墨西哥沙律 - 同女朋友都鍾意食飯嘅時候叫1個沙律，補充足夠嘅纖維，對腸道都健康啲。手撕雞有煎香過，配合新鮮沙律菜一齊食，對一啲嫌齋食生菜覺得寡嘅人來講咁嗰日食生菜嘅人來講又係一個唔錯嘅選擇。脆魚柳墨西哥芝士夾餅 - 炸到香脆嘅魚柳，配上新鮮嘅蕃茄粒同特製嘅醬汁，頗有意外驚喜。英式香濃車打芝士牛肉漢堡 - 漢堡包嘅包皮有烘脆咗，再加上厚厚嘅牛肉漢堡扒，配上香濃嘅車打芝士，會令人忍唔住大啖大啖咁咬落去，牛肉漢堡咬落有肉汁，唔會乾身，再加上個包夠脆，整體配合得唔錯。未來素食牛肉漢堡 - 女朋友就點左呢個素食漢堡，話想要扮健康一下。食落好出乎意料地似真正嘅牛肉漢堡扒，除咗有肉味之外，口感亦都好似肉嘅咬口。其實而家嘅素食肉類，多數都有用豆類製品去做，有好豐富嘅蛋白質之餘，亦做到好似真肉一樣味道，的確係一個唔錯嘅健康之選。食完咁豐富的晚餐，就乖乖去做運動消耗返，咁下餐先可以食更多的好西😌

自從朗豪坊的頂層CD舖結業後，本來就令愛好音樂的我少了一個更上一層樓的理由，最近卻"聞說你時常在晚上，來這裡看表演，逢禮拜留連live展，漢堡未間斷。"在朗豪坊頂層站著看live試得多，坐著品嚐美食聽聽live，"還從未試過擁有，歡欣仿似隔深秋"...座位采開放式設計，慳裝修之餘，又全方面吸受環境賦予的天然優勢，宛如城市綠洲，若是我"來朗豪坊撞你，視覺定處處無險阻"。熱熔拉可雷特芝士漢堡$108：熱熔拉可雷特芝士漢堡一上枱，接下來就是一場表演，店員將燒熔芝士，一層一層地掃落到漢堡，仿似爆布地流出，層層叠叠，曲曲彎彎，盤旋回蕩，分不清究竟是我的熱情溶化了芝士，還是芝士融化了我的心，如果你懂得趁機咬下一啖，溫暖你口感之餘，還可以足夠煙韌到拉出長長的芝士絲來回蕩韆鞦。我懷疑將當初蜘蛛俠就是吃下這種芝士，再偷些芝士絲放在衫袖裡，才可以無間斷噴出蜘蛛絲，在高樓大廈之間來回穿梭(OMG，弊傢伙，踢爆左，不知道會否因此被人殺人滅口...)。又扯...遠了，芝士漢堡頂樓放煎過的香草雞肉腸，可惜雞肉腸衣有點兒煙韌，憑我只適合錫錫的櫻桃小嘴根本難以咬開，味道不算香濃；再來就是烤牛肉，但有點兒乾身，我喜歡j

週末到旺角朗豪坊shopping，上到頂層時碰巧發現Live Stage 有live band 正在準備演出，所以便在旁邊的Texas Burger 邊聽邊吃。餐廳面積不大，人多時會坐得比較擠，不過在天幕下樓底夠高，感覺特別開揚。星期六三點開始就有live band 演出，滿足味蕾之餘，同時欣賞現場演唱。餐牌選擇的種類不多，不過除了漢堡之外，還有墨西哥風味的特色小吃。墨西哥芝士夾餅 $48夾餅選了軟皮，餅皮酥軟得來帶點韌勁，吃起來保留著單純的麵粉香。配料就選配脆魚柳，外皮炸得金黃鬆脆，裡面包著嫩滑雪白的魚肉。墨西哥雞肉菠蘿漢堡 $68手撕雞啖啖肉，肉質軟嫩，味道比平時的漢堡輕盈，口感清爽。麵包烘焙出外層輕脆的口感，內裡鬆軟有彈性。選用清甜的新鮮菠蘿，絕不是罐頭貨色，清新不膩口。未來素食牛肉漢堡 $88疊得高高的漢堡，賣相澎湃，裡面的配料有素食漢堡扒、牛油果、洋蔥圈、蕃茄片、芝士及沙律菜，相當具份量。洋蔥圈炸得酥脆，包覆著綿細香甜的洋蔥，還有營養豐富的牛油果，入口特別creamy。雖然不含肉類成份，但無論賣相和質感，確實與真牛肉漢堡扒幾可亂真，而入口相對沒傳統漢堡那樣油膩，是Guilty

今天和友人到了旺角朗豪坊覓食，大家興致勃勃來到了場內12樓的「Texas Burger」。筆者依稀記得曾在社交媒體上見過這家餐廳名字，不少網友留言讚賞其漢堡之美味呢。餐廳露天座位的設計予人寬敞、舒服的感覺。而朗豪坊的12樓都是以食肆為主，少了一份遊人的喧嘩，提供了一個較佳的聊天聚會環境。除了黑松露，薯條口味還可選擇為香蒜巴馬臣。但筆者認為黑松露味不太突出，還好薯條的脆卜卜口感和惹味薯香可以力挽狂瀾。棒棒雞其實就是小雞鎚，蘸上了水牛城醬汁後十分香辣滋味。辣度只是微辣，同行不能吃辣的朋友也能夠接受。雞件外層炸得酥脆卻不感油膩。輕輕咬一口雞件，雞肉嫩滑無比，也十分juicy。在這頓佳餚中，這道菜成為了筆者的至愛。雖然「Texas Burger」主打的是德州牛肉漢堡，但筆者和友人卻被餐牌上的一味素食牛肉漢堡吸引過去了。素食漢堡的賣相與平日的牛肉漢堡相差無幾，絕對可以假亂真呢。詢問店員後得知素漢堡扒是用上了豌豆、蛋白、紅菜頭汁和椰子油製成，果真是非常健康的食材。然而，素食漢堡在口感上都能做到真•牛肉漢堡之感，實在令人驚嘆。除了素漢堡扒，麵包另外夾上了炸洋蔥圈、芝士、牛油果、蕃茄和蔬菜，有一種清新

難得表弟喺加拿大返嚟，當然想搵個好地方同佢chill一chill。Texas burger 位於朗豪坊12樓，旁邊就係商場嘅落地玻璃，所以整個環境非常開揚，隔離仲有live Band表演，臨近聖誕節可謂充滿氣氛。我叫左軟殼蟹牛油果牛肉漢堡，漢堡包非常軟熟，中間有半個牛油果，中和返炸軟殼蟹嘅油膩。軟殼蟹本身亦炸得香脆。我表弟近呢一年轉左做素食者，所以比較難搵適合佢同我嘅餐廳。不過texas burger 有兩款素burger，今次表弟叫左未來素食牛肉漢堡，表弟切左少少素牛肉比我試下，學成龍話齋：「一開始我是拒絕的，你不能叫我吃，我就馬上吃。」，但食落先發覺佢嘅質感、味道，賣相同真牛肉極為相似，而且冇咗一般牛肉嘅肥膩感，食落唔會好油膩，但又唔會太乾。表弟表示非常滿意。另外，我同表弟一樣加咗$$套餐，有薯條飲品同酸青瓜。表弟叫咗可樂，而我就叫咗黑牛，即係雪糕加可樂。以前喺麥記成日飲，而家飲返非常懷念。當然texas burger用既雪糕更加creamy，更加涼透心。薯條係我最鍾意嘅厚切薯條，亦係少數快餐店能夠做到外層酥脆，內部綿密柔軟。自己身邊都有兩三個食素嘅朋友，下次一於帶佢哋過嚟食。

好耐無同表哥一家食飯，撞啱表姪女完咗個測驗周，就約埋出旺角食餐午飯。之前一直都講過帶佢試吓啲特色漢堡，故此，晌幾間心水嘅漢堡包店中，揀嚟位處「朗豪坊」嘅「Texas Burger」，因為地點最就腳，方便到大家。雖然唔喺第一次嚟「朗豪坊」，但印象中好少上到咁頂層，餐廳開晌12樓，大大個霓虹招牌，十分易認。12樓嘅環境，裝有巨型天幕玻璃，撞啱又好陽光喎，所以，感覺令人醒神。餐廳採開放式，晌外面都已經見到晒整個餐廳環境，最搶眼自不然喺近外邊圓拱形卡位，可惜嚟到時已有客人，未有機會坐埋去，相信啲卡位對表姪女吸引啲。而埋面嘅位就喺活動式二、四人位，裝修亦好簡約，勝在地方大，樓底超高，雖然呢組位拍得比較貼，但仍不失空間感。此外，餐廳尾尾仲有啲高腳枱櫈，對正嘅地方原來喺個表演舞台，日頭就無咩嘢搞，但晚上不時會有歌手表演，到時揀呢幾個位就最正，邊食邊睇表演。店名叫得「Burger」，自然主打喺美式漢堡，而且，選擇不少；再細閱餐牌，原來新加咗唔少墨西哥嘢，此外，仲有沙律、小食、烤肋骨、意大利飯、意大利麵，以及特飲同甜品，所以，今餐晏仔不愁無選擇。西墨哥粟米脆片 $48等大家仲度緊食乜之際，先簡單嚟一客墨

距離聖誕節還有一段日子，但友人一知道Tsum Tsum聖誕巿集登陸了朗豪坊，就第一時間約我去影靚相。心想：會不會早咗啲？點知....嘩！人頭湧湧，Tsum Tsum的吸引力真大。好不容易才幫友人影到啲靚相，左穿右插，筋疲力盡，是時候醫肚。友人叫得我來朗豪坊，當然會安排好一切，一早已諗好食乜，原來今晚是Burger之夜。餐廳開放式的設計，一邊是好似南瓜車的卡座，感覺好舒適；另一邊有多張二人枱，大家就要坐得親密一點。看看餐簿，附有部份菜式的大相片，設計清晰精美。分別有小食、漢堡、墨西哥風味、燒烤骨、意粉/飯、甜品、軟雪糕奶昔和多款飲品。****************************我一向愛吃沙律，第一時間點了一客墨西哥沙律 Mexican Chopped Salad ($78)，色彩豐富，見到已令人胃口大開。除了有新鮮清爽的雜沙律菜 外，還加了黑橄欖、粟粒、蕃茄粒 和洋蔥粒，當然不少得香滑的牛油果，拌入酸酸甜甜的Cilantro-Honey Vinaigrette，份量剛好，不失沙律菜的清新味道，清新怡人。還有一隻燒大蝦，色澤鮮橙，彈牙鮮味，調味合宜，鹹鮮有致，不錯！******

「Texas Burger」對小編而言並不陌生，很久前已試過其天后總店。現在「Texas Burger」在旺角朗豪坊開了第二間分店，趁午膳時間與同事一同重拾昔日滋味。一般而言，牛肉是漢堡的主要材料。在講求低炭及健康飲食的年代，素食漢堡應運而生。素食漢堡扒由一間美國科技公司硏發，以豌豆蛋白作主要原材料，並拌入紅菜頭汁及椰子油添色添口感。這個「未來素食牛肉漢堡」(Beyond Burger) 外觀飽滿，要一口咬下基本上不切實際。漢堡的底面是脹卜卜的麵包，輕沾醬汁油份既香且甜。在中層位置是蕃茄、生菜、牛油果及芝士，是給予漢堡多重味道及濕潤感的地方。核心部份是素漢堡本身，質感上與牛肉漢堡扒有五六成相像，味道上富「肉香」，與印象中的素午餐肉有些相似。每份午餐追加 $36 可轉為套餐，多了一份香脆炸薯條、一片酸爽酸瓜，以及一杯自選飲品。另一招牌菜「德州燒烤牛肉漢堡」，比「未來素食牛肉漢堡」更厚更高！首次品嚐素食牛肉漢堡，能為小編帶來一定新鮮感，喜愛吃漢堡的朋友可以前來「Texas Burger」試試！