禾牛薈火煱館 (金馬倫道)

營業中

休息中

第一次到尖沙咀禾牛薈火鍋環境寬敞，卡位有獨立電視，坐得好舒服食物選擇多叫左沙爹湯併芫荽馬蹄皮蛋湯，$108，本地招牌手切肥牛（大），手打黑松露墨魚滑，凍蜂巢豆腐，三式餃，，老友鬼鬼，全部都係推介肥牛厚薄適中，新鮮好味黑松露墨魚滑好香三色餃係雲吞，韭菜餃，牛肉餃老友鬼鬼係油炸鬼加蝦滑，第一次食呢個配撘，好脆好食

打邊爐簡直係我屋企人同我既致愛! 差不多每隔兩個禮拜都會一齊出去十下十下.....😂禾牛薈佢係尖沙咀金馬倫道同九龍城南角道分別都有一間. 兩間都幫襯過! 同樣兩間既水準都👍 但係我哋去得最多既都係尖沙咀嗰間...唔係質素上有高低之分, 皆因尖沙咀地點相對比較方便! 每逢節日做節又或者外國有親友回來...呢到一定係我吔既首選地方!! 加上尖沙咀鋪佢哋有兩層, 裡面有多間切有電視既獨立房提供...私隱度高👍超讚食材新鮮就梗㗎啦! 最重要係佢哋貼心既服務態度! 每次去到; 佢哋職員都會介紹番當日有邊樣海鮮/食材比較新鮮. 比喻牛肩定牛脊邊個部分正啲呢...另外, 佢哋有一樣自製特式火鍋配料叫 ”松葉蟹皇包” 係我每次都必食! 價錢每隻計大慨三十幾蚊隻. 佢係用新鮮松葉蟹肉同蟹膏包成..好足料! 食落又鮮甜!

老友約好我來食飯，間嘢叫禾牛薈，初初以為間嘢尊賣和牛，入到餐廳見到D枱張張有個窿，先知原來打邊爐。一埋位就有服務員攞調味盤過嚟，跟住又有位服務員斟豉油，招呼又幾好喎！！！老友未嚟齊，咁我唯有睇下餐牌先啦，其實自己就開始肚餓，呢個時候服務員又走咗出嚟，問我要唔要叫D嘢飲先，呢個提議幾好，跟住我就叫咗個......<蘆薈蜂蜜>清涼好飲，少少蜂蜜味，又有蘆薈粒粒。等極都未齊人，其實我就真係好肚餓，見D服務員幾好，就問佢哋有咩小食好吃，經佢哋介紹，我哋叫咗......<酸薑糖心皮蛋>將皮蛋夾埋塊酸薑一齊食，好美味呀，糖心皮蛋入面有溶溶地嘅感覺，好似呼喚我要快D將佢哋放入口咁。服務員仲推介我哋食......<生蠔>，咁生蠔又真係好抵食，$15一隻，我哋叫咗一打，話曬出面平時叫隻蠔都要四五十蚊，呢度咁抵，唔食真係對唔住自己，$15隻無嘜期望，D蠔一放上枱，隻隻都厚肉，實在意想不到。終於D老友嚟齊，咁我哋就開始點火煱食品，叫咗好多丸呀、菜呀咁.......記憶最深刻就係呢兩碟牛，兩碟都好好味，入口即溶得嚟又唔會過肥，而且塊塊都切得好靚，色澤及牛紋都好吸