中環茶記 (已結業)

這家位於中環威靈頓街＂中環茶記＂地點方便裝潢懷舊，有以前老香港的味道，而且座位通道闊落，樓底高完全冇逼夾感😆煎澳洲羊仔扒配黑椒汁$128兒時想食鐵板餐父母會帶去茶記，這裏也有兒時回憶，鐵板羊仔扒，來到嚇一跳，兩塊像面那麼大的羊仔扒，份量十足，肉質鮮嫩，還有很多配菜和薯條真的滿足非常😋咖喱雜菜蛋蔥油餅$58這味咖喱雜菜蛋，來到時荷包蛋已穿了，拍照當然影響視覺，但它不穿其實我也會弄穿它，蛋漿和咖喱汁撈在一起更加滑溜，蔥油餅和咖喱汁非常合襯朱古力咖啡$10朱古力咖啡來到面層還鋪上一些繽紛的朱古力碎，感覺連小朋友也啱飲😝😝但飲落咖啡味濃郁，小朋友不能亂試喔！

經過威靈頓街，遠遠就見到有個不斷閃嘅招牌，行過去睇下先，原來係中環茶記🤣🤣個名咁沙塵嘅，好等我試下你先一入到去，係懷舊冰室嘅裝潢，座位夠闊兼企理....我睇下餐牌，嘩嘩嘩，有爸爸最愛嘅鐵板西冷咁我都要嗌返個鐵板豬先... 西冷排係king size配上黑椒汁，咬落滿口牛味，好味道喔...到我喇，一條鰻魚鋪響厚切豬排上面，豬排鬆軟鰻魚肉厚，不得鳥喔2父女顧住食，都唔得閒傾計🤣🤣大食嘅我，仲另外叫左個白飯用黎送豬排😆😆我嗌左杯懷舊雪兔，原來就係什果冰＋棉花糖正喔，什果加埋椰果，填滿左成個杯底，童年回憶返哂黎爸爸就嗌左杯人氣嘅朱古力咖啡，都係水準之作今晚2父女都食得好盡慶喔💕

這家餐廳有濃厚的懷舊感無論在陳設或裝修上都令人覺得身處於七十年代樓高三層枱與枱之間闊落點了牛扒拼三文魚和鰻魚拼燒豬扒飲品有紅豆冰及朱古力咖啡牛扒和三文魚比想像大件魚很嫰滑而牛扒很重牛味肉質稍硬但仍可接受伴碟有薯蓉及雜菜醬汁選了經典的黑椒汁味道微辣質感濃厚很美味鰻魚拼豬扒有大驚喜鰻魚很大肉質很肥美豬扒軟腍而且很入味難怪在坊間屢獲好評紅豆冰奶味夠香紅豆軟硬適中朱古力咖啡賣相極吸晴在咖啡上放有鮮忌廉再灑上甜甜的朱古力粉賣相吸引味道也非常好這頓晚餐真的很滿足下次相約再試皇牌焗豬扒飯