What The Food Cafe (已結業)

之前見這餐廳既報導好幾次，已經想試下個鰻魚蛋包飯。今晚同女朋友特來試試，由粉嶺火車站行來需要15到20分鐘左右。相信不在附近或不是揸車既人基本上唔會來。今晚有live music，晚餐有音樂相伴。餐廳比想像中細，位子相隔得比較少，不過當晚坐滿了一半，所以感覺也不算迫。看看價錢，以cafe來說，晚餐價位其實很唔貴，大部分也是100以內，鰻魚蛋包飯$76連餐包餐湯野飲，另外叫了BBQ Ribs連意粉$7x，也加了$18改了特飲。兩杯特飲朱古力沙冰同焦糖咖啡冰沙味道偏淡，不過以加$18來說還是不錯。BBQ Ribs有3大件，份量算大份，意粉有白汁伴上，creamy，意粉剛好是我喜歡的有咬口有彈性。豬肉很林，一扯就扯開了，醬汁偏甜。鰻魚蛋包飯，蛋做得很嫩，配合煙un的醬油飯，不錯不過味道可以再濃點，鰻魚燒得有咬口不會太林。晚餐的價錢來說值得一來。

睇完相，覺得幾吸引，就同班朋友去呢間cafe試下，各人叫的餐都不同，賣相都不錯，羅宋湯幾好飲，辣辣地，味道不錯，就著小弟叫的餐，牛扒跟意粉，黑椒汁味道充滿黑椒，沒有一種難聞味道，牛扒5成熟剛剛好，有牛肉味道，意粉通常白烚就算，而這間用黑椒汁和磨菇煮意粉，味道幾好。不過最可惜份量太少，未能滿足我的食慾。