阿貓地攤

營業中

休息中

超好味+勁可愛!!日日去我都制丫!!有成6隻貓貓一齊食LUNCH, 不得了甜品好吸引都有唔少款, 真係唔捨得食....雞扒腸仔撈麵 有印尼撈麵既味道, 但又無印尼撈麵咁重味, 值得再食朱古力貓都係超贊, 濃濃既朱古力加上大大PAT既cream, 遇上我呢個百份百朱古力迷 一拍即合

因為我同老婆都係愛貓之人，係openrice見到有間貓貓主題cafe就當然要去試下啦兩公婆都係路痴，所以第一次搵我覺得有d難搵,如果係外圍整個廣告banner可以易搵d跟住就上去地攤喇(話說個lift係要開門覺得好得意)上到去兩點幾到, 已經有好多人食緊野 不過我地都唔洗等位地攤個格局同氣氛都好舒服, 好relax 談情好地方!之後我地就嗌野食,分別有朱古力貓,生芝貓,螺絲粉(唔記得左個名),三文魚忌廉湯,蜜糖雞翼，貓多士朱古力貓：不過不失既一杯朱古力，不過d cream幾滑，幾好飲。生芝貓：用煙肉包住蝦，仲有芝士，正！推薦！螺絲粉(唔記得左個名)：其實都唔錯，不過本人對螺絲粉一向存有反感...所以唔鍾意食三文魚忌廉湯：雖然細碗不過好好飲，三文魚味好香濃，推薦！蜜糖雞翼：d肉好林，蜜糖有好多俾你自己"yam"，好食！貓多士：普普通通一個多士，不過d樣畫得好得意首先要讚一讚就係呢度既野食，本來我係抱住玩貓貓既心態黎阿貓地攤，食物唔係最考慮，點知d野食既質素都好高，超出預期！講完食野就當然係講下貓貓，本來岩岩黎地攤都唔敢去搵貓貓玩，不過cafe既氣氛好和諧，大家都會周不時離開自己個位影下貓

貓Cafe食物既外型吸引。勁靚，味道也ok。不過d貓走黎走去，d野食乾唔乾淨就唔太知。基本上既賣點係貓貓，主要係同貓玩。店舖既裝飾擺設吸引，適合去影相。亦有波子棋，飛行棋等提供。

朋友生日,特意到來慶祝.鋪頭位置唔算難找,做足功課能應能找到.而且有留意的話.可以在街上看到一些裝飾.講番食物,最先上的係朱古力貓.唔知大家有冇留意.市面上的朱古力有分2種.一種係用朱古力粉直接沖,另一種係好立克+朱古力粉.而利間係後者,對此自己有些失望.因為自己覺得前者較好飲.不過比起其他後黎講,利間算有心機.有cream.又入味.值得一讚!不過份量就可以加多一些.再上的係茄汁雞肉腸仔螺絲粉.唔知有冇食錯,雖然有點似自己之前買醬整個D,但又有些差別,唔知係咪自制呢?因為粉中找到了蕃茄肉.而份量係一個會夠飽個D.Over all黎講,質素算係唔錯.最後係預定的Cake(要在3天前預訂)我選了白朱古力士多啤梨mousse cake.賣相係特色之一,因為佢會問你想整咩樣,至於食,還是出面的Cake較好吃.講下間coffee shop,,由於自己唔係愛貓人士,食物的吸引還是小勝.不過要說說衛生,話說我那些有鼻敏感的朋友.入到去都覺得很辛苦,因為貓毛在空氣中出現,有時還會黏到食物上....建議店裹設置一台空氣清新機.對客人來說會加一份安心.有機會的話,應該會再來一訪的!

蔡將軍呢排好忙好忙....又要讀書仲要打黎籃球又踢下足球搞到鳳仙呢排無人陪..........好在, 鳳仙身邊都不乏好友, 今晚就陪左我去貓貓cafe喇, 仲要專登帶埋部大機黎影相tim 一黎到, 都未行埋位就已經睇中左門口隻貓貓, 企左係道同佢玩左一陣行到上入去, 位都未坐暖都坎左去同貓玩...於是我地好遲先叫野食 去之前其實上黎openrice睇過下有咩好食白汁螺絲粉好好食wor!!! 有d食評話個白汁好水, 今晚我呢個又唔係wor, 好creamy, 好香芝士味, 有d似食緊卡邦尼同埋佢d煙肉好足料, 上面仲有煙肉碎tim 另一樣意料之外好食既係個貓曲奇造型可愛之餘, 食落去仲好鬆脆無錯, 係鬆脆, 鬆脆,鬆脆,鬆脆,鬆脆,鬆脆,鬆脆不過因為我怕甜...我覺得膩左d...食飽飽就周圍搵貓玩, 同埋玩下波子棋呢餐飯食左3個半鐘 玩貓既時間應該佔左三分之二 =]

提前左一星期同朋友慶祝佢19歲生日比朋友們前一日 終於商討左去阿貓地攤因為4個人中 有2位都係愛貓之人 屋企有養貓喵雖然係樓上舖 但係唔算難揾大概12.30已經到達 當時已經有3台客人坐係窗口位而最後一個空既窗口位 係有人訂左唯有坐其他位置~朋友仔一開始連野食都未叫 就趕住去玩貓仔但因為我個人對貓無咩好感 所以就睇下有咩食我地4個人叫左:2個茄汁雞肉螺絲粉 + 朱古力貓 $401個忌廉汁蝦"貶"意粉 + 朱古力貓 $401個忌廉汁煙三文魚天使麵 + 朱古力貓 $40茄汁雞肉螺絲粉好濃茄汁味 而且有蕃茄肉 好開胃雞肉滑 份量夠女仔食飽~唔錯忌廉汁蝦"貶"意粉忌廉汁佢加太多水 完全無味 而且唔係汁 係水蝦都幾大隻 而已有挑蝦腸 呢個值得讚忌廉汁煙三文魚天使麵忌廉汁都係一樣好水 無味三文魚係生既 唔係半生熟而且係三文魚肚 所以好腥朋友仔完全食唔落= =因為我試過d魚真係好腥!!朱古力貓朋友好鐘意飲 但太細杯 雖然甘既價錢算唔錯但仍然希望會大杯少少如果唔係佢野食未黎 就會飲曬!另外當然要講下貓仔貓仔唔驚人 但亦都唔理人只要有客人想抱下 就會喵~所以我為左避免請食檸檬 所以一直都無去抱貓仔 只係