微酵烘焙 (世貿中心) (已結業)

有次同朋友傾計講起麵包，朋友就問我有冇食過呢間台灣過江龍麵包，我話冇試過，佢就極力推介叫我試，今日噤啱經過銅鑼灣世貿中心就上去睇吓係唔係噤正先上到去見店舖都幾大幾光猛，原來佢哋除左賣麵包，還有賣台式茶飲，而且有幾張枱椅可供即時坐低享用見到佢有好多唔同款式嘅包，有好多都係新推出添，忍唔住買左幾款包和飲品返屋企同家人一齊試吓，台式和港式有乜分別朱古力髒髒麵包：又名髒髒之胖，真係名符其實，會食到好污糟但好食唔緊要，因為佢係用天然酵母製作嘅軟綿歐式麵包，入口煙煙韌韌，表層係脆脆嘅外皮，用70％比利時朱古力再加上濃濃嘅可可粉，而內裏係包含左松露朱古力和忌廉芝士，所以食落係香濃而不甜嘅朱古力味和鹹鹹地嘅芝士味，食落外脆內嫩，口感層次豐富蒜香煙肉軟包：加入原條煙肉，再在包面鋪上香蒜醬、芝士粉和香芹碎，入口鹹香惹味章魚大哥：呢個造型款式好吸引小朋友兩隻眼睛係用朱古力來做，而章魚腳係用香腸切成，之於麵包內裏係包含左台灣海苔肉鬆，增加口感，另到麵包更加美味可囗香菇麻糬包：將個麵包做成香菇嘅型狀好得意，菇面嘅顏色係用可可粉做成，包內藏左黑芝麻醬和麻糬，食落香甜煙韌美味酥烤羅宋：麵包係有雞蛋、奶油、牛奶和牛油

聽烘焙達人朋友講来自台灣嘅欧軟麵包登陸銅鑼灣世貿中心， 今日去开嗰邊做facial， 係時候去朝聖一下。門面裝修走典雅高貴路線。透明嘅廚房， 隱約可以見到出爐麵包製作過程， 絕對增添購買慾。款款都想試， 點知原來有啲款式真係可以試食。 小朋友勁開心， 款款都試吓， 都有啲唔好意思。 唔緊要買多幾款返屋企多D人share. 朱古力髒髒麵包$35人氣之選， 洒上濃香嘅可可粉， 成個枕頭咁大。 仲有朱古力碎同香軟嘅cream cheese， 包嘅質感 外面有少少似法包, 粗曠的外皮, 裡面鬆軟, 但軟熟程度咬落又唔會黐牙。少女心之戀$22少女嘅粉紅色 賣相非常討好。 麵包用上整個台灣士多啤梨烤焗， 所以包裏面充滿香甜嘅士多啤梨肉， 再加上朱古力碎，啖啖滋味。極濃乳酪 $26依款裏面係乳酪忌廉， 味道唔錯唔會太甜。由三個獨立嘅包組合成， 所以餡料都係獨立係每一小個裏面。 如果有三個小朋友分享就啱啱好。爆珍珠包$15賣點係餡料裏面有粒粒珍珠和豐富的忌廉。 爆珠好腍唔會趙到牙骹軟但又不失彈性和茶香味。紅酒朱古力多士$30打開個袋先聞到嘅係紅酒味道， 食落有提子嘅香甜和濃濃嘅朱古力味。 麵包真材實料