杏甜品 (香檳大廈) (已結業)

尖沙咀美食多籮籮，最近發現一間專賣杏仁甜品的糖水舖 ，店員說每日都是新鮮即磨杏仁茶  ;  喜歡食杏仁甜品、仲有美肌潤膚，我又點會錯過呢 ~入到甜品店，感覺好日本style，設計時尚優雅，又夠型格，地方舒適寫意，約埋閨密一齊去食就最啱啦！餐牌裡面除了有招牌杏仁茶墩蛋白之外，還有燕窩墩蛋白、龍眼爽冰、楊枝甘露豆腐花、芒果奶昔雙皮奶、芝麻合桃露、湯圓糖水等，款式獨特的手工甜品。杏仁茶墩蛋白     $55聞到好香的杏仁味，原來這裡是以墩製方式，所以比一般的杏仁茶蛋白更香滑，啖啖都是杏仁和蛋白的味道，用的是真材實料，層次好分明，好香濃，好幼滑，而且減少使用糖份，食起來不會太甜，口感層次分明，養顏潤肺的健康甜品，真的是必食呀！芒果奶昔雙皮奶   $59這款甜品共三層，不同層次的口感。面層鋪滿大大塊的芒果肉，果香味濃郁  ;  中間是芒果奶昔沙冰，顆粒很細緻，芒果味香濃，連同下層雙皮奶一齊食，就品嚐到兩種不同的奶鮮香甜  ;  雙皮奶甘香幼滑，凝固的鮮奶才顯得整個甜品的自然。抹茶湯圓    $42精緻的甜品，粒粒抹茶湯圓手工製作，外層淡淡的抹茶香，一咬落去，湯圓餡料爆漿的口感澎湃，喜歡濃郁的抹茶

嘩，好多人排隊，等咗起碼15分鐘。裝修以木系為主，有種台灣咖啡小店裝環感覺。雖然舖位係凹之形，但啲位都間得唔錯，唯一唔好係要自己行出位俾錢，而且要自己睇number出去攞糖水。*杏仁茶墩蛋白 $55杏仁茶配燉蛋白，養顏之選。杏仁味香濃，質感順滑，微甜冇苦味，反而燉蛋白失色，質地過硬，有啲嚡口，甜度略為不足。芝麻糊 $30表面結咗一層皮，質地濃郁，飲落比聞起更香芝麻味，甜度適中，份量亦非常足夠。椰汁芒果西米露 $45芒西唔係黃色係有少少失望。芒果粒甜，椰汁香濃，質地唔會好稀，西米煮到啱啱熟透，口感煙韌唔會腍啤啤，但有啲黐埋咗一齊，一pat嘢咁。

同朋友gathering, 食完正餐當然要去食甜品, 經過見有新開甜品店, 而且新張期間全店9折, 絕對係無可抗拒!餐廳內以淺色tone做主色, 很有小清新感覺, 亦係值得打卡嘅甜品店。見到menu上有每日限定款, 仲有精選十款甜品, 每款有參考照片, 清晰又吸引。我地叫咗三款甜品share, 榴槤控嘅我一見到有榴槤系列, 係一定唔會放過, 【榴槤爽冰】HK$59令人一試愛上! 每啖都充滿榴槤嘅香甜, 質地有如雪糕般, 入口即溶, 面層仲有榴槤蓉, 令整體榴槤味更加突出; 透明粒粒很爽脆, 層次同味道同樣一流! 值得推介!【榴槤湯丸】HK$36軟糯湯丸皮入面為流心榴槤餡, 榴槤濃度比爽冰淡少少, 糖水清甜, 加咗少少桂花, 多一點清新。【杏仁茶墩蛋白】HK$55店員推介, 標榜新鮮即磨, 陣陣杏仁香, 極為香滑, 底層為入口即化又滑嘅蛋白, 簡直perfect match!