大街小館 (已結業)

係佐敦，想揾個滋潤嘅糖水食下，搵搵吓第一次嚟到大街小館。舖頭光猛乾淨，算坐得舒服嘅糖水舖。叫咗個店主推介嘅杏汁雪燕燉蛋配湯丸，簡直係一見鍾情😍❤️😍第一啖食到滑滑嘅蛋白同好香嘅杏汁，清清地唔會好甜，加埋粒彈牙皮薄爆漿嘅黑芝麻湯丸之後，清甜得嚟又有芝麻嘅香濃，完全係超水準驚喜！🤩 四十蚊碗糖水嘅雪燕算好足料，即刻滋潤晒🤤🤤🤤遇著店主廚師係收銀，我講咗句好好味，佢好有誠意咁講咗句多謝。其實過多兩日之後已經忍唔住返咗轉頭叫返同一款糖水 😛😛😛下次會努力試吓叫第二樣嘢㗎啦！

520 o既大日子，唔知你地點樣過呢？我就同朋友食o左間甜甜蜜蜜o既糖水鋪，「Big Sweet House」，大甜屋呀！餐廳o既出面幢o左個畫板，list o左頭五樣最多人點o既美食，跟叫實無死！我試o左排名第五o既杏汁雪燕燉蛋配湯丸($39)，聞落好香杏仁o既味道，裡面有住滑滑o既蛋白同埋雪燕絲。雪燕唔係真正o既燕窩，價錢會較平民化，所以$30 幾蚊個糖水都落o左唔少！但係佢o既口感同功效則一樣咁好，十分滋陰養顏～湯丸有四小粒，係芝麻口味。朋友本來見到menu 上o既椰汁雪耳桃膠燉木瓜($46) 好想食，但係餐廳因為時令問題暫時未有，於是改叫o左椰皇蛋白燉桃膠($52)，呢個係頭先塊畫板上人氣number 1 o既款式！以原隻椰子呈上，濃濃o既椰漿之中埋藏住西米同蛋白，略帶鹹味，而桃膠都係燕窩替代品之一，朋友指定必食！飲完個糖水，仲可以刮埋d 椰子肉食。另一個朋友就點o左份香蕉窩夫配雪糕($43)，實物都幾大份，佢一個人話食唔晒要捐d 出o黎～呢個真係幾唔錯，個窩夫有住雞蛋仔o既口感同味道再加少少烘焙o既香氣，d 香蕉打直切，蘸上薄脆焦糖，呢個配搭好正！然後上面再淋上朱古力醬，又可

同朋友係佐敦附近食完晚飯，梗係要直落嘆埋甜品，朋友話係吳松街有間新開嘅甜品店，叫「大街小館」，我當然奉陪😬門面簡簡單單，整潔企理，店內都已經有不少客人，嗱嗱聲睇下有乜嘢食先🤗餐牌推薦👉🏻必食椰皇系列，睇相就唔錯喇，決定試吓佢哋嘅「椰皇蛋白燉桃膠」😋首先賣相唔錯，用一個漏斗形嘅器皿盛載著椰皇，滿滿的椰皇蛋白香氣撲鼻，好足料喎，研究清楚果然真材實料👍🏻桃膠份量唔少，仲有大小不一的西米，入口好香椰汁味，再食落去仲有好多燉蛋白，夠哂滋補養顏，整體來講呢個招牌椰皇系列絕對值得一試👍🏻再來一個「杏汁雪燕燉蛋配湯丸」，唔係講笑，燕窩份量豐富，燉蛋白又夠香滑，更加要一讚嘅就係佢哋嘅湯圓皮薄餡靚，芝麻餡料又香又滑，絕對唔係配角，正👍🏻越食越好味，於是再Order一個心太軟，唔好以為普通野，其實越普通嘅嘢越考功夫，流心嘅朱古力醬絕對唔可以馬虎，如果唔係我一定唔會收貨，雪糕我揀咗我嘅至愛朱古力，一冷一熱，開心就係咁簡單😬唔知係咪因為有90後暖男關係，眼見好多年輕一族都嚟幫襯，新開張已經好旺場了😍