烏龍燒 (已結業)

今日同朋友岀外吃飯，大家都不想吃太飽，諗住食下野，飲杯野，傾下偈就好，而附近有間串燒，我們就去試下。半開放式，宜家天氣涼左，都不覺太熱。串燒款式頗多，我們就點了串燒必食款。在燒製時會添加孜然粉，如果唔想加，記得落單時說明。雞腎爽口，雞軟骨很脆口，正！牛舌火喉剛剛好，不會燒得過老，肉質亦不韌。這個菇挺不錯，很入味亦爽口茄子🍆必食呀，蒜蓉味太正，同茄子係絕配。菠蘿亦清甜，不是太酸，適合我，又可以消一消滯。雞翼即叫即烤，上枱熱辣辣，肉質嫩滑，調味亦剛好。鴨舌稍嫌調味粉多了少少，有點辣。本身喜歡吃鯖魚，味道都不錯，加上檸檬汁就是最佳食法啦。食串燒，再飲下菊花蜜下一下火就最好不過！最後還有桃膠糖水送，

月尾例飯局，朋友們話想食串燒，於是就係OpenRice book左白布街既烏龍燒。去到烏龍燒，首先就有點失望，佢地open既店面，遇上大熱天，再加上熱熱既串燒，夏天的確有點難受。我預約左9點半，店家再一次令我失望，因為到左9點半，店家都未有枱俾我地，結果等到9點9左右先入座。我都明白，唔係俾錢食野就大哂，但既然接受得預約，就應該同上一枱交待要有還枱時間，我相信食客是能明白的。我地叫左二十款食物，依度唔逐一介紹喇。概括咁講，串燒落左好多孜然粉、七味粉咁，蓋過左食材原有既鮮味。燒蠔，扇貝，鮑魚都一樣，落左大量蒜蓉辣椒。俾人感覺好似想用d重味調味料冚過食材既唔新鮮/雪藏味。我真心覺得好食的，只有水果牛肋條同埋鴨舌。最後，佢哋連送既糖水都無上俾我地...我都係見好多好評先黎食，但食完之後覺得中伏。一黎因爲採用左開放式設計，攪到好熱。二黎調味太多太重。攪到我有點懷疑咁多好評是從哪裏來...

同fd行完旺角緊係去搵食，佢話想食燒野，原本諗住食韓燒，但又嫌太悶，open rice左下見到呢間烏龍燒幾特別，就過左黎食lu~間鋪上面搭緊棚，行到附近果陣都搵唔到間野係邊，轉左幾個圈先見到。每張枱都會有個BBQ鐵網爐， 大家可以提高自己既燒烤技巧，當然可以請教店員協助。黑松露墨魚滑，燒魚滑看似好容易痴底，但其實比其他海鮮都唔難～方法就係，將成塊墨魚滑放係爐上面燒，燒熟左之後再翻去另一面，咁就唔怕痴底，燒好之後就可以切開。味道方面，淡淡松露香味，再加上墨魚滑既鮮香味，口感軟滑彈牙，內裡有啲墨魚粒增加口感，推薦一食！燒一口懷舊港式魷魚仔 ，呢個唔洗自己燒，係傳統乾燒魷魚干。不過呢款魷魚干唔係人人岩食，食落去覺得味道偏鹹，難以咀嚼。同朋友各自嗌左一個竹筒飯黎燒，只需要直接放上鐵爐，每邊各燒7分鐘，而店員都會提供一個計時器比我地。咸蛋冬菇臘腸竹筒飯，估唔到竹筒看似細細，但食落去份量頗多，其實兩個女仔一個竹筒飯已經夠，呢個竹筒飯充滿鹹香味，咸蛋黃既配搭令飯粒帶點沙沙既口感，而竹筒飯既口感偏乾，但卻非常香口！杞子龍眼菊花蜜，食燒野就唔少得一杯解渴飲品，菊花蜜較入味，而杞子龍眼淡淡的，不過飲上去相

去旺角行完街同朋友去白布街睇下有咩新野可以試下，行行下見到呢間新開既串燒店，可以自己燒好得意，仲爆晒場有人排緊隊！應該好值得一試，之後我就拎籌！等左一陣終於有位，一坐底就拎d醬汁同調味粉俾我地，另外有剪刀、紙巾、鉗等等既用具，燒烤就更方便。呢杯龍眼紀子菊花蜜好清甜，有淡淡菊花既香味，龍眼肉好厚、好清甜，成杯飲品好滋潤既感覺～原隻鮑魚呀佢地會配埋蒜蓉俾我地落，仲好細心處理左鮑魚既污穢及不可食用位置，燒既過程唔係就住，燒完仲可以直接食用！以$38一隻鮑魚既質素黎講，真係無得輸！鮑魚味道幾濃郁，好嫩、好有海鮮味，咬落去仲好有口感！小小既一窩金菇菜都落足料，用一大磚牛油同大量蒜蓉去煮，非常香牛油味，仲好清甜海蜇本身好爽口，加上麻辣既味道就更惹味！另外，仲有d芝麻撈埋一齊食，更香雞子打邊爐就成日食，燒烤就真係第一次！好大粒好新鮮，咬落去仲有汁咇出黎！注意唔好燒太耐，乾晒就無咁好食。牛肩胛既脂肪分佈得好平均，食落去好香濃既牛肉味，油香充斥著成個口腔注意燒果陣唔好搽豉油，因為佢本身有海鹽。生蠔都幾肥美，燒既時候都可以放一d蒜蓉，味道更加香！燒蠔既味道有好淡既海水味，咬落去好有質感。燒菠蘿好甜！！！燒