老掌櫃東北菜館 (海之戀商場)

營業中

休息中

入座後，每桌會有一壺熱茶，熱茶以熱水壺裝著，水溫很夠熱。茶錢每人$5。📌北京填鴨（半隻) $168半隻的北京填鴨，兩個人吃綽綽有餘。鴨肉鮮嫩，皮脆香酥。半隻填鴨附送約20塊的摩摩皮，可以用皮包裹點上特製醬料的鴨肉，再配上青瓜等配菜。📌東北農家炒飯 $76炒飯炒得恰到好處，米粒分明。炒飯內有蝦、雜豆、蕃茄、蛋、雲耳及瓜粒等。味道有點像香港的西炒飯。📌家常餅 $ 38家常餅有八塊，鹹香的蔥味特出，不油膩。📌高力豆沙 $13口感軟綿，裏面有微甜的豆沙餡料，上面撒了些許砂糖，很適合作為餐後甜品。

朋友聚會食過荃灣海之戀老掌櫃，好食又唔貴，晚飯時間坐滿食客，呢日特地帶父母來品嚐香港少有的東北口味。🔺糖醋里脊 $88最愛中菜之一，里脊肉即點即炸！ 趁熱食，有外脆內軟口感，酸酸甜甜，送飯食一流！🔺東北農家炒飯 $76感覺似濃醬油版嘅楊州炒飯！味道剛好，唔會過鹹，配料有蘿蔔，木耳，粟米，青豆，青菜🥬🔺秘製牛犇麵 $52經過長時間炆煮，牛筋牛腩真係好腍好軟！面條爽彈，湯底充滿牛肉香甜滋味，好味到可以飲晒成碗牛湯！🔺酸辣湯 $64酸辣湯口感偏辣🌶️好暖肚！份量大慨有5碗，混合豆乾，木耳絲，怕辣點白菜粉條丸子湯都唔錯！飲飽食醉，人均一百元，相當抵食！！

母親節當天到訪，高朋滿座，但位置不太舒服食物方面， 不過不失，京式醬牛肉$78牛肉不會太乾清炒篙筍$62有點油肉三鮮餃＄50 皮有點乾但算足料，韭菜，蝦，豬肉所以點了２回疙瘩湯$64不知是甚麼，所以點來一試怎料就中伏了，只有酸味雖不是醋味的酸，似是茄醬的酸再加上內裡有點類似餃子皮粒的東西完全不合我們口味。 小雞燉蘑菇$96不太吃到蘑菇，小雞雖多，但也有點老成個味道也重鹹咕嚕蝦仁$86調味適中，不太鹹不太甜不太酸只是蝦仁炸粉偏厚東北農家炒飯$76炒得乾身香椿炒蛋$74有蛋味, 不太油，蛋也不太老片皮鴨一隻$318 +$90 兩食(青紅椒炒鴨架)不高要求者可試，有鴨油酥香，肉也不太嚡餑餑皮有點煙韌青紅椒炒鴨架沒有拍照， 但抵吃，只是太油也太鹹所有食物的不過不失，本來也不算打食評，但因為在用餐的尾段，竟然看到有蟑螂明目張膽地在我們桌上的熱水壼爬行， 十分噁心。

嚟到荃灣分店嘅老掌櫃食東北菜，餐廳環境好寬敞，有分室內同室外用餐，可以一邊欣賞大海景品嚐東北美食😍🔸北京填鴨(半隻HK$168)前一日打嚟訂位時，已經預留左。4人食半隻都足夠，總共有12塊餅皮，平均每人都食到3塊㗎啦。餅皮厚薄適中，唔會一包就爛。燒鴨方面皮脆，肉質就較瘦(如果鍾意食肥肉嘅就可能唔太滿足啦🤣)，仲有配上北京甜醬同青瓜等配料～🔸雞絲粉皮 (HK$58)粉皮份量頗多，雞絲同青瓜就相對較少，食到最後就剩返粉皮。配上麻醬甜甜凍凍，好清新🌞🔸京燒羊肉 (HK$128)以烤製形式烹調嘅羊肉，食落都會有少許羊味，但唔係難聞嘅騷味，平時唔多愛羊嘅朋友都可以一試🐏🔸酸菜魚(龍利柳) (HK$98)另外可以選擇其他魚類，價錢相對就較高。內有幾多嘅酸菜同紅薯粉，龍利柳份量適中，但味道就偏鹹啲，建議可以配白飯食呢🐟🔸麻辣冷面 (HK$58)面上有肉絲同青瓜，撈埋麻辣醬，凍冰冰好fresh，少辣嘅程度🌶️🔸東北農家炒飯 (HK$68)有粟米、青豆、紅蘿蔔同蝦仁嘅炒飯，味道唔會太重口味，鑊氣適中🍚環境：⭐ ⭐ ⭐⭐⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐回頭率：⭐ ⭐ ⭐ ⭐

喺荃灣行完Donki，正要物色晚飯地點，諗起家姐之前曾經推介過Donki門口轉角嘅呢間東北菜館，由於位置唔起眼，一直都冇留意到佢，擇日不如撞日，決定喺度食埋晚飯。豬耳整成果凍狀再切片，巧手精緻，入口口感爽脆，膠質豐富而且一啲都唔油膩，令人食完一片又一片，非常開胃。口水雞肉質嫩滑，醬汁味道層次豐富，鮮香麻辣，非常惹味。土豆燒牛肉以煲仔上，份量好足，牛肉夠哂腍，薯仔亦夠軟身，加上香濃嘅湯汁餸飯一流。蔥爆牛肉大大碟，而且牛肉大大片，份量亦算多，軟腍入味，同樣係白飯殺手。白菜嫩豆腐家鄉味濃，冇過多嘅調味，湯浸旺菜配上嫩滑嘅豆腐，連湯都可以飲埋，清甜舒服。酸辣湯酸度辣度都好夠，鮮香醒胃，而且份量亦好大，三四個人分享都唔係問題。秘製牛犇麵湯底香濃之餘，麵條爽滑彈牙，加上牛肉嘅份量俾得相當大方，而且煮得酥軟入味，價錢亦超抵，性價比極高，喺一致認為最推薦嘅一道！東北農家炒飯配搭簡單，但炒得非常乾爽，而且好有鑊氣，味道亦唔錯。自家製豆漿味道較淡，但勝在低糖，係健康之選。大商場裏面都食到地道風味嘅小炒，實在係非常有驚喜，雖然匿埋喺商場嘅小角落，但勝在環境舒適，食物質素唔錯，而且性價比高，相信會成為常客。