日本野 (銅鑼灣廣場二期) (已結業)

同朋友行街出開銅鑼灣。朋友話想去試吓，因為餐廳個名叫日本野，見咁多好評，應該食日本野唔會差得去邊。點知食完返屋企好仔細咁睇下啲食評，一睇已經知係比錢買嘅線稿。我嗌左個套餐丼飯。點知啲飯硬到好似隔夜飯咁，啲魚生一啲都唔似角切，有啲片同有啲碎，係幾粒雞蛋真係切到四四方方，其實我嗌得角切魚生飯，我自己本身已經唔會抱有任何期望，但係估唔到會差到成咁。仲有嗌咗一份豚肉串燒，啲肉鞋到我食咗一件已經對住朋友面有難色 係個柚子雞翼就正常返少少

🇯🇵好想去日本呀!!🇯🇵冇辦法要食住日本嘢先😵‍💫而家疫情無了期唯有食餐好嘅飯先…牛油果軟殼蟹卷($88)鍾意食牛油果嘅我真係好興奮，由外面到入邊嘅餡料都有🥑仲有軟殼蟹同柴魚~喺第二度冇食過嘅配搭😛鹽燒鯖魚定食($118)上枱嘅時候已經聞到魚油香🤩而且本身已經醃過條魚，所以已經好入味唔使點醬~仲可以揀配糖心蛋或者溫泉蛋🥚火炙芝士三文魚($28)入口即溶嘅三文魚😍面頭有少少芝士醬又唔會搶咗三文魚味和風柚子雞翼完全將平時柚子茶嘅漿放咗喺煎到焦香嘅雞翼上面，鹹甜鹹甜幾新奇😚疏乎厘班戟配雪糕($108)三件疏乎厘配嘅係薄荷味雪糕~食完真係飽到傻啊🤣