古今二 (The ONE)

營業中

休息中

原來The ONE有間日式餐廳係食卷物既，朋友想食就一齊試下呢間😋.🌟超級龍卷風 $98卷物既材料好豐富，包括鰻魚、蝦、芝士、青瓜同埋脆片🤩一咬落去，先係感受到鰻魚既滑嫩，蝦又夠哂彈牙，再配上芝士嘅香濃同埋青瓜嘅爽脆，仲加埋啲脆片係上面，真係大滿足！🤤🌟柚想蝦你沙律 $108呢個沙律好開胃，蝦好新鮮，仲有啲微微甜嘅柚子果肉，配埋牛油果令到沙律更加濃郁，配搭得好好，平時唔中意食菜既我都會不知不覺會食左好多菜🤣❤️🌟櫻花蝦原條茄子燒 $88茄子燒得好香，入口即化，仲有種微微鹹既味道，而上面既櫻花蝦就好鮮甜，令到成個味道剛剛好🥰🌟鹿兒島黑豚荔枝卷串燒 $32呢個串燒真係好有創意呀👍🏻，用黑豚肉包住荔枝燒製，肉質好香口，一咬落去就咇哂荔枝既果汁出黎，好juicy呀🤤.🌟黑豚豬頸肉串燒 $32豬頸肉串燒燒得好香口，味道醃得岩岩好，正呀👍🏻📍古今二 (The ONE)地址: 尖沙咀彌敦道100號The ONE 5樓502號舖

之前喺觀塘嘅工廈食過古今二，覺得性價比勁高，原來佢而家都已經做到有聲有色，慢慢地開咗好多分店，今日就去到尖沙咀The One嘅分店再次回味，入面嘅環境都靚咗好多。最鍾意食沙律做前菜，呢個名為柚想蝦你沙律係有柚子同甜蝦，而且仲包括蟹籽、豆腐、沙律菜等，味道清新又鮮甜。彩虹卷係必點嘅菜式，非常打卡able。三款唔同顏色嘅刺身再以沙律生菜作伴，猶如一幅風景畫。彩虹卷入面卷有牛油果同蟹柳，感覺幾清新。另外就揀咗超級龍捲風，上面灑滿咗脆片。兩端仲露出炸蝦尾。而入面除咗有炸蝦，仲有鰻魚同芝士，呢個就比較惹味得多。另外仲叫咗雜錦天婦羅，除咗有炸蝦之外，仲有秋葵同迷你紫薯。三款之中我覺得秋葵最驚喜，以天婦羅製作嘅秋葵冇咗滑潺潺嘅感覺，變得最好食嘅一款。我最鍾意食茄子，而朋友就鍾意食櫻花蝦，呢個櫻花蝦燒茄子對我哋來講簡直係完美嘅組合。一絲絲嘅茄子肉掛住香烤過嘅櫻花蝦，味道實在令人回味。最後食個日式炒烏冬，配料唔多，但好味嘅日式醬汁混入彈牙嘅烏冬就已經足夠，確係簡單而好味嘅菜式。

呢間餐廳幾間分店都去過，係未嚟過The One店，喺TST行完街街過嚟幫襯下先。要留意佢哋下晝4點會落場 柚想蝦你沙律蔬菜|海草|車厘茄|蘋果|柚子|蟹籽|牛油果|甜蝦|柚子汁Amaebi & Pomelo Salad Lettuce|Seaweed|Cheery Tomato|Apple|Grapefruit|Crab|Fillet|Avocado|Amaebi|Grapefruit Juice> 好豐富，有我最鍾意食嘅卜卜脆蟹籽同甜蝦都算幾新鮮，牛油果夠熟軟滑，底部好多沙律菜，仲有爽脆蘋果粒，用柚子汁調味、整體非常清新，係啲柚子肉澀澀地爭咗dd 彩虹卷刺身|牛油果|青瓜|蟹柳Rainbow RollSashimi|Avocado|Cucumber|Crab Fillet > 呢款手卷個賣相顏色夠曬搶fo。吞拿魚、三文魚梅花間竹咁捲法係好靚，刺身味道狀態okay，夾埋牛油果、中間有炸蝦天婦羅就加多重脆嘅口感，傍邊仲灑咗黑白芝麻更為香口古今日式煎餃▪︎Pan Fried Dumplings > 之前喺另一分店食過，個人覺得尖咀店嘅餃子煎得較香脆好正，大隻多餡肉汁豐

古今二原來開到黎尖沙咀The ONE，地點非常方便，就即刻食返餐試下先。古今二係一間日式居酒屋，主餐牌好新凈，有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品。呢度都有做午市定食，價錢基本上都係$100樓下。柚想蝦你沙律 $85 另加一先黎一客沙律。上枱見到好大兜，柚想蝦你沙律即係新鮮沙律蔬菜做底，上面加左少少海草，仲有車厘茄，蘋果粒，柚子肉，蟹子，牛油果粒，同3隻去殼甜蝦，再加上柚子汁而成。不過個醬汁似係日式芝麻醬多啲，有好多醬汁喺底。呢個沙律材料豐富，好多醬汁，非常邪惡不過好食。蜘蛛 $96 另加一叫得蜘蛛，當然係用黑色紫菜包住啲飯。蜘蛛係紫菜卷包住炸軟殼蟹，蟹柳，牛油果同青瓜絲，面頭仲加左少少蟹籽。一客五件，三件身兩件蜘蛛尾。如果紫菜脆口啲就更好。火山 $92 另加一呢個火山真係如假包換。店員將火山放喺一隻放有火石嘅大碟上面，然後喺我哋面前點火，啲火好勁，睇到我嘩嘩聲，好驚喜。火山一客8件，係加左黑白芝麻粒嘅飯卷包住紫菜再夾住蟹柳，青瓜絲同牛油果，飯卷上面係大量蟹柳絲同帶子絲，加左唔少辣沙律汁，味道都幾辣。最頂再加少少蟹籽。味道頗重醬汁