粥滿家

營業中

休息中

今日經過新蒲崗, 朋友話口淡淡的, 只想食些粥品, 剛好給我發現了這間粥店- 粥滿家, 一個很溫馨的名子呢!店舖裝修一般, 但給人很光猛, 整潔的感覺. 坐得也十分舒服! 再加上D 阿姐態度非常親切, 未食都先俾個LIKE 先!朋友叫左個柴魚花生粥, 足料! 也有濃濃的豬骨湯味!  而阿姐就推介了我這個新出的南瓜魚片栗米粥!! 初時還以為會好清淡,  嘩, 點知食落先知呢個粥真係無得頂! 魚片既鮮甜加上南瓜既清甜, 簡直一絕! 再加上栗米的口感, 一D絕對值得推介!我地還叫多左個蘿蔔糕同豬潤腸, 蘿蔔糕唔係食到得啖粉個D, 今次吃下去就充滿蘿蔔的幼絲,而且糕身也比較粘, 不錯!而呢碟豬潤腸真係我以料收獲, 它不但即叫即拉, 腸粉滑身得黎的豬潤亦十分爽口, 無渣! 正!諗走時還買多了一個糭 和炒麵給阿媽食, D炒麵大盒到呢!~~~ 只係8蚊雞咋!!!另外D糭我媽咪都讚好食, 老闆娘話係佢自己親手包既, 足料實正!

新蒲江一個好小踏足嘅地方，如果唔係要學野應好小機會會黎。今日決定清清地去食粥，幫襯下小店。其實我幾怕岀面食粥，因為太重味精食完會好口渴。本來想食白粥但驚唔夠飽就叫左柴魚花生粥，唔講真係唔知原來柴魚花生粥姐係豬骨粥底。朋友叫左滑牛粥，再加碟腸粉加兩杯凍豆漿腸粉係最快到嘅！值得欣賞嘅係佢地d甜醬同麻醬唔會水禧禧，好杰下。之後我o既柴魚花生粥，花生豬骨分量適中，但有小小咸。比姐姐聽到我話咸，即時話要加ｄ白粥比我溝淡佢。都未黎得切回應碗粥已經比姐姐拎左去。朋友滑牛粥因為即刻生滾所以有dd耐。牛肉好淋，朋友話有媽咪的味道。就係我就快食完o既時候，姐姐又問我夠唔夠啊？仲洗唔洗加多ｄ比你。咩食粥都有得添？太客氣啦姐姐。